នៅព្រឹកថ្ងៃទី 27 ខែមីនា ឆ្នាំ 2020 គណៈកម្មាធិការអចិន្ត្រៃយ៍រដ្ឋសភានៃព្រះរាជាណាចក្រកម្ពុជាបានបើកកិច្ចប្រជុំ ពិភាក្សា និងអនុម័តតាមរបៀបវារៈ មួយចំនួន ក្រោមអធិបតីភាព សម្ដេចអគ្គមហាពញ្ញាចក្រី ហេង សំរិន ប្រធានរដ្ឋសភា។
យោងតាមសេចក្តីប្រកាសព័ត៌មានរបស់ អគ្គលេខាធិការដ្ឋានរដ្ឋសភា បង្ហាញនូវលទ្ធផល នៃកិច្ចប្រជុំគណៈកម្មការអចិន្ត្រៃយ៍នៃរដ្ឋសភាដូចខាងក្រោម
១/ អង្គប្រជុំ បានអនុម័តយល់ព្រម លើសំណើសុំកោះប្រជុំរដ្ឋសភាជាវិសាមញ្ញនីតិការទី៦ ដើម្បីពិនិត្យ និងបោះឆ្នោត ទុកចិត្តលើការកែសម្រួល សមាសភាពរាជរដ្ឋាភិបាល។
ព័ត៌មានជាតិ ថ្មីៗ
២/ អង្គប្រជុំ បានអនុម័តយល់ព្រម សំណើសុំបោះឆ្នោតផ្ដល់សេចក្ដីទុកចិត្ត លើការតែងតាំង និងកែសម្រួលសមាសភាពរាជរដ្ឋាភិបាល ហើយដាក់ជូនរដ្ឋសភាបោះឆ្នោតផ្ដល់សេចក្ដីទុកចិត្ត ក្នុងសម័យប្រជុំរដ្ឋសភានាពេលខាងមុខ។
៣/ អង្គប្រជុំ បានអនុម័តសមាសភាព លេខាធិការចំនួន ០៣រូប សម្រាប់សម័យប្រជុំរដ្ឋសភាជាវិសាមញ្ញនីតិកាលទី ៦មាន: ឯកឧត្តម ឈឹម ម៉ា, លោកជំទាវ គឹម សុវណ្ណា និងឯកឧត្តម លី ឆេង
៤/ អង្គប្រជុំបានអនុម័តកាលប្បវត្តិឆែតបើកសម័យប្រជុំរដ្ឋសភាជាវិសាមញ្ញនីតិកាលទី 6 នៅព្រឹកថ្ងៃទី៣០ ខែមីនា ឆ្នាំ២០២០ វេលាម៉ោង ៨:០០នាទី ដោយមានរបៀបវារៈការបោះឆ្នោតផ្ដល់សេចក្ដីទុកចិត្តលើការតែងតាំង និងកែសម្រួលសមាសភាពរាជរដ្ឋាភិបាល។
