ក្នុងមួយថ្ងៃ តម្រូវការសាច់ជ្រូក និងសាច់គោក្នុងរខេត្តសៀមរាប មានប្រហែលជិត ៤១តោន តម្រូវការនេះមិនចោទជាការព្រួយបារម្ភ ក្នុងការផ្គត់ផ្គង់ប្រចាំថ្ងៃក្នុងខេត្តឡើយ នេះបើតាមរបាយការណ៍របស់មន្ទីរ កសិកម្ម រុក្ខាប្រមាញ់ និងនេសាទខេត្តសៀមរាប កាលពីខែមីនា ឆ្នាំ២០២០។
របាយកាណ៍បង្ហាញបន្ថែមថា ក្នុងមួយថ្ងៃ សម្រាប់ខេត្តសៀមរាប សាច់ជ្រូកផលិតបានជាង៣៥តោន ខណៈតម្រូវការទីផ្សារជាក់ស្ដែងមានជិត២៩តោន។ ទន្ទឹមនោះ សាច់គោ ផលិតបានជាង ១៦តោន ខណៈតម្រូវការមានជាង១២តោន។ ក្នុងនោះ សម្រាប់បរិមាណសាច់ដែលលើស ប្រជាពលរដ្ឋ និងម្ចាស់កសិដ្ឋាន បាននាំចេញទៅកាន់បណ្ដាខេត្តដទៃនៅក្នុងប្រទេស។
ដោយឡែក ក្រៅពីសាច់សត្វទាំងពីរប្រភេទនេះ ខេត្តសៀមរាប ក៏មានកសិដ្ឋានចិញ្ចឹមមាន់យកសាច់លក្ខណៈកសិដ្ឋានគ្រួសារចំនួន ៥៧កន្លែង និងមានសត្វមាន់សរុបជាង ១លានក្បាល។ ក្នុងនោះដែរ ការចិញ្ចឹមមាន់យកស៊ុតលក្ខណៈកសិដ្ឋានគ្រួសារមាន ៧កន្លែង និងអាចផលិតស៊ុតបាន ជិត៣៥ម៉ឹនគ្រាប់ក្នុងមួយថ្ងៃ។
អត្ថបទ និង រូបភាព៖ យូ វង្ស
កែសម្រួល៖ សេង ផល្លី
