ដើមី្បអនុវត្តនូវសេចក្តីណែនាំរបស់ប្រមុខរាជរដ្ឋាភិបាល និង ក្រសួងសុខាភិបាល នៅព្រឹកថ្ងៃទី ០៦ ខែ មេសា ឆ្នាំ២០២០នេះ លោកជំទាវ ពៅ សាវឿន អ្នកតំណាងរាស្រ្តមណ្ឌលសៀមរាប អមដំណើរដោយលោក ពៅ ប៊ុនធឿន អភិបាលនៃគណៈអភិបាលស្រុកជីក្រែង រួមទាំងមន្ត្រីក្រោមឱវាទ បានអញ្ជើញចូលរួមចុះសួរសុខទុក្ខ និង សំណេះ សំណាល ជាមួយបងប្អូនប្រជាពលរដ្ឋដែលបានវិលត្រឡប់មកពីក្រៅប្រទេសវិញ ចំនួន ៤២នាក់ ស្រី ១៧នាក់ ស្ថិតនៅក្នុងភូមិក្បាលក្ដួច ឃុំល្វែងឬស្សី ស្រុកជីក្រែង ខេត្តសៀមរាប ។
មានប្រសាសន៍សំណេះសំណាលនោះ លោក ពៅ ប៊ុនធឿន ក៏បានណែនាំដល់ បងប្អូនប្រជាពលរដ្ឋដែលមានសមាជិកទើបត្រលប់មកពីក្រៅប្រទេស គឺត្រូវស្នើឲ្យពួកគាត់រស់នៅដាច់ដោយឡែកជាលក្ខណៈបុគ្គលរយៈពេល១៤ថ្ងៃ តាមការអំពាវនាវរបស់ក្រសួងសុខាភិបាល ហើយបើមានករណីសង្ស័យ ឬមានរោគសញ្ញាណាមួយស្រដៀងនឹងជម្ងឺកូវីដ-១៩ ត្រូវផ្តល់ព័ត៌មានដល់អាជ្ញាធរមូលដ្ឋាន ដើម្បីនាំគាត់ទៅមណ្ឌលសុខភាព ឬ មន្ទីពេទ្យបង្អែកខេត្តសៀមរាប ដើម្បីពិនិត្យ និងព្យាបាលជាបន្ទាន់ ឬ ទំនាក់ទំនង លេខទូរស័ព្ទ ១១៥ ដោយឥតគិតថ្លៃ។
ក្នុងការផ្តាំផ្ញើនោះដែរលោកជំទាវ ពៅ សាវឿន អ្នកតំណាងរាស្រ្តមណ្ឌលសៀមរាប សុំឲ្យបងប្អូនដែលទើបបានវិលត្រឡប់មកពីក្រៅប្រទេសវិញ សូមឲ្យបងប្អូនចេះតាមដានសុខភាពដោយដាក់ខ្លួនឯងដាច់ដោយឡែក ក្នុងរយះពេល ១៤ថ្ងៃ ដើមី្បជៀសវាងការឆ្លងរីករាលដាល ដល់ក្រុមគ្រួសារនៅក្នុងសហគមន៍ខ្លួន តែប្រសិនបើមានបញ្ហាសុខភាពក៏ត្រូវឆាប់ផ្ដល់ដំណឹងដល់អាជ្ញាធរមូលដ្ឋានភូមិ ឃុំ ស្រុកផ្ទាល់ ដើម្បីតាមដានទប់ស្កាត់ និងការពារក្នុងការរាលដាលជម្ងឺឆ្លងរលាកផ្លូវដង្ហើមថ្មី កូវិដ១៩ ឬ ទំនាក់ទំនងតាមទូរស័ព្ទលេខ១១៥ ។ ក្នុងនោះលោកជំទាវក៏បានណែនាំដល់អាជ្ញាធរមូលដ្ឋានភូមិ ឃុំ ត្រូវធ្វើការផ្សព្វផ្សាយបន្តដល់បងប្អូនប្រជាពលរដ្ឋក្នុងមូលដ្ឋានខ្លួន អំពីសេចក្តី ណែនាំរបស់ក្រសួងសុខាភិបាល ដោយដុសលាងសម្អាតដៃជាមួយសាប៊ូឲ្យបានជាប្រចាំ និង បានញឹកញាប់ ដើម្បីទប់ស្កាត់បាក់តេរីនិងមេរោគឆ្លងផ្សេងៗរួមទាំងមេរោគកូវីដ-១៩ ដែលកំពុងរីករាលដាលនៅលើពិភពលោក ។
ព័ត៌មានជាតិ ថ្មីៗ
លោកជំទាវក៏បានបញ្ជាក់ថា ក្នុងឱកាសបុណ្យចូលឆ្នាំខ្មែរខាងមុខនេះ សូមឲ្យបងប្អូនកាត់បន្ថយការជួបជុំគ្នា ក្នុងការចូលរួមទាំងអស់គ្នាទប់ស្កាត់ពារការ ធ្វើឲ្យយើងនឹងអាចឆ្លងផុតពីជម្ងឺកូវិដ១៩នេះ ហើយអ្វីដែលសំខាន់ផងដែរនោះ គឺបងប្អូនត្រូវចេះសន្សំសំចៃប្រាក់កាស ចៀសវាងការចាយវាយខ្ជះខ្ជាយទៅលើរបស់អ្វីមួយដែលមិនចាំបាច់ ព្រោះយើងមិនទាន់ដឹងថាត្រូវ ការប្រយុទ្ធប្រឆាំងនិងជម្ងឺកូវិដ១៩នេះ ដល់ពេលណាទើបចប់នោះឡើយ ។
អត្ថបទ និង រូបភាព ៖ លោក ម៉ី សុខារិទ្ធ
