អនុស្សារណៈនៃការយោគយល់រវាង ក្រសួង អប់រំ យុវជន និង កីឡា និង ក្រសួង ព័ត៌មាន ស្តីពីការរៀបចំផលិតនិងផ្សព្វផ្សាយ កម្មវិធី« ការសិក្សាពីចម្ងាយ Distance Learning» និង «ការសិក្សាតាមប្រព័ន្ធអេឡិចត្រូនិច E-Learning» លើប្រពន្ធ័ ទូរទស្សន៏ជាតិកម្ពុជា និង App ក្រសួង ព័ត៌មាន ត្រូវបានធ្វើពិធី ចុះហត្ថលេខា ដោយ ឯកឧត្តម ខៀវ កាញារីទ្ធ រដ្ឋមន្ត្រី ក្រសួង ព័ត៌មាន និង ឯកឧត្តម ហង់ ជួនណារ៉ុន រដ្ឋមន្ត្រី ក្រសួង អប់រំ យុវជន និងកីឡា នៅព្រឹកថ្ងៃទី៨ ខែមេសា ឆ្នាំ២០២០ ទីស្តីការ ក្រសួង អប់រំ យុវជន និងកីឡា ។គោលបំណងនៃអនុស្សរណះ ដែលបានចុះហត្ថលេខានាឱកាសនេះ គឺដើម្បីចូលរួម ចំណែកជា មួយរាជរដ្ឋាភិបាល ក្នុងការគ្រប់គ្រង បង្ការនិងទប់ស្កាត់ ការរីករាលដាលនៃជំងឺ កូវីដ ១៩ នៅកម្ពុជា លើកកម្ពស់ការទទួលបានសេវាអប់រំ ប្រកប ដោយ សមធម៏ និង គុណភាព សម្រាប់សិស្សានុសិស្ស គ្រប់រូបនៅ គ្រប់កម្រិតសិក្សា នៅក្នុងដំណាក់កាល នៃការ ដាក់អោយឈប់សម្រាកវិស្សមកាល តូចមុនកាលកំណត់ ក៏ដូចជា នៅដំណាក់ កាល ជា បន្តបន្ទាប់ទៀត។ ផ្សព្វផ្សាយ និងផ្តល់ជូនសិស្សានុសិស្សនៅគ្រប់ទីកន្លែង ទូទាំងប្រទេស កម្ពុជា អាច ទទួលបានការអប់រំ ដោយវិធីសាស្រ្តសិក្សាពីចម្ងាយ (Distance learning) ដែល ប្រកបដោយប្រសិទ្ធភាព និង សក្តិសិទ្ធិភាព។
ឯក ឧត្តម រដ្ឋមន្រ្តី ខៀវ កាញារីទ្ធ បានបញ្ជាក់ថា នៅក្នុងដំណាក់កាលដែល មានការបិទ សាលារៀននៅទូទាំងប្រទេស ដោយសារការព្រួយបារម្មណ៏ ពីការឆ្លងនៃមេរោគ កូវីត១៩ ហើយសិស្សានុសិស្ស មិនបានមករៀននៅសាលានោះ ក្រសួង ព័ត៌មាន សហការជាមួយ ក្រសួង អប់រំ យុវជន និងកីឡា បានរៀបចំជាកម្មវិធី បង្រៀនពីចម្ងាយ E-LEARNING DISTANCE LEARNING នូវចំណេះដឹងទូទៅ សម្រាប់កុមារតូច ថ្នាក់ទី ១ ដល់ ទី ១២ តាមរយះការចាក់ផ្សាយនៅប៉ុស្តីទូរទស្សន៏ថ្មី TVK 2 ឬ ទទក ២ ជាមួយប្រពន្ធ័ទូរទស្សន៏ Satellite តេជោ DTV និង App ក្រសួង ព័ត៌មាន និងស្នើទៅ ស្ថានីយ៏ទូរទស្សន៏ខ្សែកាប នៅភ្នំពេញ និងតាមបណ្តាខេត្ត ដាក់បញ្ជូល ប៉ុស្តី TVK 2 ដើម្បីអាចអោយសិស្សានុសិស្ស អាណា ព្យាបាល អាចបើកមើលតាមប្រពន្ធ័ Internet និងតាមទូរទស្សន៏ នៅគេហដ្ឋាន ដោយ ងាយ ស្រួល។
នៅក្នុងឱកាសនោះដែរ ឯ ឧ ខៀវ កាញារីទ្ធ បានប្រគល់ជូននូវ តេជោ DTV ចំនួន ១០ ឈុត ជាអំណោយរបស់ក្រុមហ៊ុន Cambodia DTV Network Limited ដល់ក្រសួង អប់រំ យុវជន និងកីឡា ទុកសម្រាប់ ភ្ជាប់ជាមួយ ទូរទស្សន៏ ដែលអាចបើកមើល ប៉ុស្តិទូរទស្សន៏ ក្នុង ស្រុក និងក្រៅប្រទេស បានជាច្រើន ដោយឥតគិតថ្លៃ ហើយសម្រាប់ប៉ុស្តី TVK2 បង្រៀនពី ចម្ងាយ ក៏មាននៅក្នុង ប្រពន្ធ័នេះដែរ។
អត្ថបទ និង រូបភាព ៖ ក្រសួង ព័ត៌មាន
