ជនជាតិឥណ្ឌូនេស៊ី ២នាក់ ដែលបានរកឃើញវិជ្ជមានមេរោគកូវីដ១៩ នៅទីក្រុងបាកក ប្រទេសថៃ និងបានសុំការជួយព្យាបាលពីរាជរដ្ឋាភិបាលកម្ពុជា ដោយមិនគិតថ្លៃនោះ បានជាសះស្បើយ និងត្រូវបានអនុញ្ញាតឲ្យចាកចេញពីមន្ទីរពេទ្យបង្អែកខេត្តសៀមរាប នៅរសៀលថ្ងៃទី១៤ ខែមេសា ឆ្នាំ២០២០នេះ។
តាមការឲ្យដឹងពី លោកវេជ្ជបណ្ឌិត ក្រុស សារ៉ាត់ ប្រធានមន្ទីរសុខាភិបាលខេត្ត និងជាប្រធានក្រុមការងារចត្តឡីស័កខេត្តសៀមរាប បុរសជនជាតិឥណ្ឌូនេស៊ីទាំងពីរនាក់នេះ ត្រូវបានរកឃើញវិជ្ជមានមេរោគកូវីដ១៩ នៅក្នុងទីក្រុងបាងកក ប្រទេសថៃ កាលពីថ្ងៃទី១៨ ខែមីនា ឆ្នាំ២០២០ បន្ទាប់មកបុរសរូបនេះ បានឆ្លងចូលមកទឹកដីប្រទេសកម្ពុជា មុនបិទព្រំដែនច្រកប៉ោយប៉ែត មុនល្ងាចថ្ងៃទី២២ ខែមីនា ឆ្នាំ២០២០ និងបានស្នើសុំការព្យាបាលពិរាជរដ្ឋាភិបាលកម្ពុជា នៅមន្ទីរបង្អែកខេត្តសៀមរាប នៅថ្ងៃទី២៣ ខែមីនា ឆ្នាំ២០២០។
លោកវេជ្ជបណ្ឌិត បញ្ជាក់ថា បុរសទាំងពីរនាក់នេះ នៅមិនទាន់អាចត្រឡប់ទៅប្រទេសឥណ្ឌូនេស៊ីវិញបានទេ ដោយសារពុំមានជើងយន្តហោះ។
ព័ត៌មានជាតិ ថ្មីៗ
គិតត្រឹមថ្ងៃដដែលនេះ ខេត្តសៀមរាប មានករណីជាសះស្បើយនៃជំងឺកូវីដ១៩ ៥ករណីហើយ ក្នុងចំណោម ៧ករណី។ ដោយឡែកករណី ដែលបាននិងកំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាបនេះ គឺជាបុរសបើករថយន្ត ឲ្យក្រុមភ្ញៀវទេសចរណ៍ជនជាតិបារាំង និងកូនរបស់បុរសជនជាតិខ្មែរ ត្រឡប់ពីប្រទេសម៉ាឡេស៊ី។
អត្ថបទ៖ សេង ផល្លី
