ដើម្បីតាមដាន និងពិនិត្យពីស្ថានភាពទូទៅនៃការផ្សព្វផ្សាយរបស់អាជ្ញាធរទៅដល់ប្រជាពលរដ្ឋពីវិធានការ និងការថែរក្សាអនាម័យនៅតាមតំបន់ជនបទ នៅព្រឹកថ្ងៃទី១៥ ខែមេសា ឆ្នាំ២០២០នេះ លោក ង៉ាន់ ភារុណ អភិបាលរងខេត្ត តំណាងឯកឧត្តម ទៀ សីហា អភិបាលនៃគណះអភិបាលខេត្ត ឯកឧត្តម សួស សុខចាន់ សមាជិកក្រុមប្រឹក្សាខេត្ត តំណាងឯកឧត្តម អុឹង ហឿន ប្រធានក្រុមប្រឹក្សាខេត្តសៀមរាប រួមជាមួយអាជ្ញាធរស្រុក និងតំនិងតំណាងសសយកខេត្ត បានអញ្ជើញចុះសួរសុខទុក និងនាំយកអំណោយជូនដល់លោកមេភូមិ អនុភូមិ និងសមាជិកភូមិ ចំនួន ២៧ភូមិ ក្នុងឃុំចំនួន ២ គឺឃុំដូនកែវ និងឃុំរេីល ស្រុកពួក ខេត្តសៀមរាប ។
ការចុះជួបសួរសុខទុក្ខនេះដែរ ស្របពេលមានបទបញ្ជា របស់រាជរដ្ឋាភិបាលកម្ពុជា អំពីវិធានការបង្ការទប់ស្កាត់ជំងឺកូវីដ១៩ នៅតាមបណ្ដាខេត្តនាពេលថ្មីៗកន្លងមក ដូចជា ការផ្អាកការប្រាព្ធពិធីបុណ្យចូលឆ្នាំថ្មីប្រពៃណីជាតិខ្មែរ ការរឹតបណ្ដឹងការធ្វើដំណើរពីខេត្តមួយទៅខេត្តមួយក្នុងប្រទេស ដើម្បីបញ្ចាសការជួបជុំ ដែលអាចបង្កឲ្យមានអត្រាអ្នកឆ្លងជំងឺកូវីដ១៩ នៅក្នុងសហគមន៍ ។
មានប្រសាសន៍នាឱកាសនោះ លោក ង៉ាន់ ភារុណ ក៏បានក្រើនរំលឹក និងបញ្ជាក់បន្ថែមដល់លោកលោកស្រីដែលជាមេភូមិ អនុភូមិ និងសមាជិកភូមិ ត្រូវបន្តផ្សព្វផ្សាយបន្ថែមដល់ប្រជាពលរដ្ឋនៅតាមមូលដ្ឋានរបស់ខ្លួន ត្រូវមានការប្រុងប្រយ័ត្ន ទោះបីនៅក្នុងខេត្តសៀមរាប ពុំទាន់មានករណីឆ្លងថ្មី និងមានអ្នកជំងឺកូវីដ១៩ បានជាសះស្បើយជាបន្តបន្ទាប់ក៏ដោយ ប៉ុន្តែអាជ្ញាធរ គឺនៅតែត្រូវយកចិត្តទុកខ្ពស់ ក្នុងការផ្សព្វផ្សាយអំពីបង្ការទប់ស្កាត់ការឆ្លងរីករាលដាលនេះ ខណៈនៅកម្ពុជា នៅតែបន្តមានករណីថ្មីឆ្លងជាបន្តបន្ទាប់ ។
ព័ត៌មានជាតិ ថ្មីៗ
ជាមួយគ្នានោះដែរ លោក ង៉ាន់ ភារុណ ក៏បានជំរុញ និងលើកទឹកចិត្តដល់អាជ្ញាធរពាក់ព័ន្ធទងអស់ ត្រូវយកចិត្តទុកបន្ថែមទៀត ចំពោះការចាត់វិធានការការពារអំពីការឆ្លងរីករាលដាលជំងឺCOViD-19 ដើម្បីទប់ស្កាត់កុំអោយមានការឆ្លងពីភូមិមួយទៅភូមិមួយ ពី ខេត្តមួយទៅខេត្តមួយ ។
សូមជំរាបជូនថា អំណោយដែលបានផ្តល់ជូននាឱកាសនោះ ក្នុងមួយភូមិទទួលបានអង្ករ ៤០គីឡូ មីចំនួន ០១កេះធំ ម៉ាស់មួយប្រអប់ស្មើនឹង ៥០ ម៉ាស់ សាប៊ូលាងដៃ ១២ដុំ និងថវិកា ១០មុឺនរៀល ។ ចំពោះអំណោយដែលបានផ្តល់ជូននោះដែរ គឺជាអំណោយរបស់ឯកឧត្តម ទៀ សីហា អភិបាល នៃគណៈអភិបាលខេត្ត និងលោកជំទាវផ្ទាល់តែម្ដង ៕
អត្ថបទ និងរូបភាព : ខេង ឧត្តម
