ថ្ងៃទី១៧ ខែមេសា ឆ្នាំ២០២០ កម្លាំងសមត្ថកិច្ចស្រុកប្រាសាទបាគង ខេត្តសៀមរាប បានឃាត់ខ្លួនមនុស្សចំនួន១០នាក៉ ពាក់ព័ន្ធនឹងករណី ប្រព្រឹត្តល្បែងស៊ីសង ស្ថិតនៅភូមិសូភី ឃុំកន្រ្ទាំង ស្រុកប្រាសាទបាគង ខេត្តសៀមរាប។
តាមការឲ្យដឹងពីលោកវរសេនីយ៍ទោ លឹម សុម្បត្តិ អធិការនគរបាលស្រុកប្រាសាទបាគង បង្ហាញថា ដើម្បីថែរក្សាសន្តិសុខនៅក្នុងស្រុកប្រាសាទបាគង កម្លាំងសមត្ថកិច្ចស្រុក តែងតែចុះត្រួតពិនិត្យនៅតាមមូលដ្ឋាន ស្របតាមគោលនយោបាយ ភូមិ-ឃុំមានសុវត្ថិភាព របស់រាជរដ្ឋាភិបាល ជាពិសេស បទបញ្ជារបស់ស្នងការនគរបាលខេត្តសៀមរាប។
តាមការបញ្ជាក់របស់លោកអធិការស្រុក នៅថ្ងៃទី១៦ ខែមេសា ឆ្នាំ២០២០ កងកម្លាំងអធិការដ្ឋាននគរបាលស្រុកប្រាសាទបាគង បានចុះបង្ក្រាប បនល្បែងស៊ីសងខុសច្បាប់មួយកន្លែង ដោយឃាត់បានមនុស្សចំនួន១០នាក់ ក្នុងនោះស្រី២នាក់ និងដកហូតបានវត្ថុតាង គ្រាប់អាប៉ោង និងសម្ភារៈមួយចំនួន។
ព័ត៌មានជាតិ ថ្មីៗ
សូមជម្រាបថា ក្រោយពីកម្លាំងសមត្ថកិច្ចស្រុកបានធ្វើការណែនាំ ធ្វើកិច្ចសន្យាបញ្ឈប់ការលេងល្បែងស៊ីសង និង អនុញ្ញាតឲ្យជនប្រព្រឹត្តត្រឡប់ទៅគេហដ្ឋានវិញ។
អត្ថបទ និង រូបថត ៖ លោក គឿន វេត
កែសម្រួលអត្ថបទ ៖ លោក សេង ផល្លី
