អ្នកនាំពាក្យក្រសួងសុខាភិបាលបញ្ជាក់ថា អ្នកជំងឺកូវីដមិនទាន់ព្យាបាលជាសះស្បើយ គឺជាអ្នកទើបឆ្លង ហើយត្រូវការពេលវេលា

នៅថ្ងៃទី២៤ ខែមេសា ឆ្នាំ២០២០ លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានគូសបញ្ជាក់ថា អ្នកឆ្លងជំងឺកូវីដ-១៩ ដែលនៅសល់ពីការព្យាបាល និងមិនទាន់បានជាសះស្បើយនោះគឺជាករណីថ្មី ហើយត្រូវការពេលវេលា។

ការបញ្ជាក់របស់អ្នកនាំពាក្យក្រសួងសុខាភិបាលនេះ បន្ទាប់ពីក្រុមគ្រូពេទ្យបានធ្វើការព្យាបាលអ្នកឆ្លងជំងឺកូវី-១៩ ជាសះស្បើយចំនួន ១១០នាក់ និងនៅសល់១២នាក់ ក្នុងចំណោមអ្នកឆ្លងជំងឺនេះសរុប១២២នាក់ នៅទូទាំង ប្រទេស។

លោកជំទាវ ឱ វណ្ណឌីន បានបញ្ជាក់ឱ្យដឹងតាមប្រព័ន្ធតេឡេក្រាម នារសៀលថ្ងៃទី២៤ ខែមេសាឆ្នាំ២០២០នេះថា “ខ្ញុំសូមជម្រាបជូនថាភាគច្រើនអ្នកកំពុងព្យាបាលដែលនៅសេសសល់ហ្នឹង គឺអ្នកដែលរកឃើញថ្មីក្រោយៗ។ អីច្ចឹងត្រូវការទាមទារពេលវេលា ហើយម្យ៉ាងទៀត បើនិយាយដល់អ្នកឆ្លងពីមុន គឺនៅមានចំនួនតិចនោះទេ ដែលគាត់មានស្ថានភាពសុខភាពមួយចំនួន គឺទាមទាររយៈពេលព្យាបាលយូរ”។

ព័ត៌មានជាតិ ថ្មីៗ

រដ្ឋមន្ត្រីក្រសួងព័ត៌មាន ឯកឧត្តម ខៀវ កាញារីទ្ធ អញ្ជើញចុះពិនិត្យដំណើរការប្រឡងជ្រើស រើសក្របខណ្ឌថ្មី នៃក្រសួងព័ត៌មាន ឆ្នាំ២០២១

17/10/2021

សាខាកាកបាទក្រហមកម្ពុជាខេត្តសៀមរាប នាំយកអំនោយមនុស្សធម៌ប្រគល់ជូនគ្រួសារប្រជាពលរដ្ឋស្លាប់ដោយសាររន្ទះបាញ់ ក្នុងស្រុកសូទ្រនិគម

16/10/2021

សូមជម្រាបថា ក្នុងរយៈពេល១២ថ្ងៃមកជាប់ៗគ្នានេះ នៅក្នុងប្រទេសកម្ពុជា មិនមានរកឃើញករណីវិជ្ជមានវីរុសកូវីដ-១៩ថ្មីទៀតនោះឡើយ ហើយក៏ពុំមានករណីព្យាបាលជាសះស្បើយឡើយ ដោយគិតត្រឹមថ្ងៃទី២៣ ខែមេសា ឆ្នាំ២០២០៕

អត្ថបទ និង រូបថត ៖ ទីភ្នាក់ងារសារព័ត៌មានកម្ពុជា (AKP)