សម្រាប់ខេត្តសៀមរាប នៅថ្ងៃទី២៤ ខែមេសា ឆ្នាំ២០២០ អ្នកផ្ទុកមេរោគកូវីដ១៩ ជាជនជាតិខ្មែរចុងក្រោយគេ បានជាសះស្បើយហើយ ដែលនេះជាការបញ្ចប់នូវដំណាក់កាលទី១ គឺការនាំចូលពីបរទេស។ ដោយឡែក សម្រាប់ខេត្តសៀមរាប ដំណាក់កាលទី២ គឺជាការត្រឡប់មកវិញពីបរទេស របស់ប្រជាពលរដ្ឋខ្មែរ មកកាន់កម្ពុជា។
បច្ចុប្បន្ននៅលើពិភពលោក ស្ថានភាពជំងឺកូវីដ១៩ នៅក្នុងប្រទេសមួយចំនួន នៅតែបន្តមានករណីឆ្លង និងស្លាប់កើនឡើងគួរឲ្យព្រួយបារម្ភ រីឯប្រទេសមួយចំនួនទៀត មានករណីថមថយទាំងករណីឆ្លង និងស្លាប់ផងដែរ។ ប៉ុន្តែ អ្នកជំនាញបានប៉ាន់ស្មានថា រលកទី២ នៃជំងឺកូវីដ១៩ អាចមានជាបន្ត។
តាមការលើកឡើងរបស់ លោកវេជ្ជបណ្ឌិត ក្រុស សារ៉ាត់ ប្រធានមន្ទីរសុខាភិបាលខេត្ត និងជាប្រធានក្រុមការងារចត្តឡីស័កខេត្តសៀមរាប បង្ហាញថា បន្ទាប់ពីបញ្ចប់ដំណាក់កាលទី១ក្នុងខេត្តសៀមរាប អាជ្ញាធរខេត្ត រួមនិងមន្ត្រីសុខាភិបាលខេត្ត បានយកចិត្តទុកដាក់ខ្ពស់ ចំពោះប្រជាពលរដ្ឋខ្មែរ ដែលទើបត្រឡប់មកពីបរទេស។
ព័ត៌មានជាតិ ថ្មីៗ
តាមការបញ្ជាក់របស់ លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលកម្ពុជា តាមរយៈប្រព័ន្ធទំនាក់ទំនង Telegram ដល់ទីភ្នាក់ងារសារព័ត៌មានកម្ពុជា បច្ចុប្បន្ន សេចក្ដីណែនាំ ក៏ដូចជាបទបញ្ជារបស់រាជរដ្ឋាភិបាល នៅបន្តដាក់ចេញឲ្យអាជ្ញាធរ និងប្រជាពលរដ្ឋអនុវត្តន៍ និងគោរពតាមនៅឡើយទេ។ ទោះបី ពុំមានករណីស្លាប់ ការរកឃើញករណីឆ្លងថ្មី និងមានការជាសះស្បើយ នៃជំងឺកូវីដ១៩ជាបន្តបន្ទាប់ក៏ដោយ លោកជំទាវមើលឃើញថា កម្ពុជានៅតែស្ថិតក្នុងកាលៈទេសៈគួរឲ្យព្រួយបារម្ភនៃការឆ្លងជំងឺកូវីដ១៩ដដែល។
