ជាទឹកចិត្តជ្រះថ្លាក្នុងវិស័យព្រះពុទ្ធសាសនា នាឱកាសនៃពិធីបុណ្យវិសាខបូជា ឆ្នាំនេះ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន និងលោកជំទាវ ទេព រង្ស៊ី រួមជាមួយ ឯកឧត្តម លោកជំទាវ ជាថ្នាក់ដឹកនាំ ក្រោមឱវាទ ក្រសួងព័ត៌មាន បាននាំយកនូវ បច្ច័យ និង ទេយ្យទាន ប្រគេនដល់ព្រះសង្ឃគង់នៅវត្ត និគ្រោធវ័ន គល់ទទឹង ស្ថិតក្នុង ភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ នាព្រឹកថ្ងៃពុធ ១៥កើត ខែពិសាខ ឆ្នាំជូត ទោស័ក ព.ស ២៥៦៣ ត្រូវនឹងថ្ងៃទី០៦ ខែឧសភា ឆ្នាំ២០២០។
តាមការបញ្ជាក់របស់ព្រះចៅអធិការវត្ត លើកឡើងថា សម្រាប់ឆ្នាំនេះ នៅទីអារាម វត្ត និគ្រោធវ័ន គល់ទទឹង មិនមានការរៀបចំពិធីបុណ្យធំជាផ្លូវការ ដូចរៀងរាល់ឆ្នាំនោះទេ ដោយសារបញ្ហានៃជំងឺ កូវីត១៩ អាចធ្វើឲ្យមានការឆ្លង នៅពេលមានការជួបជុំពុទ្ធបរិស័ទ ចំណុះជើងវត្ត ជិតឆ្ងាយច្រើនគ្នា។ ដូច្នេះទើបសម្រេចមិនមានការរៀបចំពិធី អធិកអធម នោះទេ។ សម្រាប់ឱកាសនេះដែរ ព្រះចៅអធិការវត្ត ព្រះសង្ឃ និងគណៈកម្មការវត្ត និគ្រោធវ័ន គល់ទទឹង បានសម្ដែងនូវការ អរគុណយ៉ាងជ្រាលជ្រៅចំពោះ ឯកឧត្តម រដ្ឋមន្រ្តី ខៀវ កាញារីទ្ធ និងលោកជំទាវ ទេព រង្ស៊ី ព្រមទាំង ថ្នាក់ដឹកនាំ មន្រ្តីរាជការ ក្រសួង ព័ត៌មាន ដែលបាននាំនូវ បច្ច័យ និងទេយ្យទាន យកមកប្រគេនព្រះសង្ឃ នៅក្នុងវត្ត និគ្រោធវ័ន គល់ទទឹង ទុកសម្រាប់ផ្គតផ្គង់ជីវភាពព្រះសង្ឃ ក៏ដូចជាសម្រាប់ តាជី យាយ កូនសិស្ស ដែលស្នាក់នៅក្នុងទីអារាមនេះផងដែរ។
បច្ច័យ និងទេយ្យទាន ប្រគេនដល់វត្ត និគ្រោធវ័ន គល់ទទឹង នាឱកាសនៃពិធី បុណ្យ វិសាខបូជា ឆ្នាំនេះ រួមមានអង្ករ ០១តោនជាទេយ្យទានរបស់ឯកឧត្តម រដ្ឋមន្ត្រី ខៀវ កាញារីទ្ធ និងលោកជំទាវ ទេព រង្ស៊ី និងលោក តែ ឃុនម៉េង សៀវភៅសរសេរ ៥០០ក្បាល ,ប៊ិក ៥០០ដើម , ខ្មៅដៃ ៥០០ដើម, ទឹកសុទ្ធ ១០កេស, ទឹកសណ្តែក ១០ កេស, ទឹកត្រឡាច ១០ កេស, ទេយ្យទាន ចម្រុះ ០៨កន្ត្រក , សាដក ០៥, , ផ្លែក្រូចពោធិ៍សាត់ ០៥ ប្លូន, ទៀន ០៤ គីឡូ, ធូប ០២ដុំធំ , នំអន្សម ៥ កន្ត្រក , សាប៊ូ២០០ដុំ និងម៉ាស់ ២៥០។
ព័ត៌មានជាតិ ថ្មីៗ
ចំពោះបច្ច័យ សរុប ១៥ លានរៀល ក្នុងនោះ វេរប្រគេនចំនួន ៥ លានរៀល សម្រាប់ គាំទ្រការផ្សព្វផ្សាយព្រះធម៌ នៃស្ថានីយ៍ វិទ្យុគល់ទទឹង, ៥ លានរៀល សម្រាប់ចង្ហាន់ព្រះសង្ឃ, និង ៥លានរៀលទៀត សម្រាប់មន្ទីរ សម្រាកព្យាបាល ព្រះសង្ឃវត្តគល់ទទឹង និងថវិកា ១ លាន រៀលសម្រាប់ គ្រូបង្រៀនព្រះសង្ឃ។
ដោយឡែកទេយ្យទានរបស់ ឯកឧត្តម លោកជំទាវ អស់លោក លោកស្រី ដែលបានចូលរួម ក្នុងពិធីបុណ្យនេះដែរ រួមមាន មី ១០ កេសធំ ស្មើនឹង ១៨០០ កញ្ចប់ ចូលរួមដោយ លោកជំទាវ សេង វណ្ណារី ហួត ឃាងវ៉េង ។ ជែលលាងដៃចំនួន ២០០ ដប និង អាកុល ២០០ ដប របស់ លោកជំទាវ សេង មួយគាង ។ ថ្នាំដុះធ្មេញ ០១ កេស ស្មើនឹង ២៨៨ ប្រអប់ និងថវិកា ៤០ ម៉ឺនរៀល របស់លោកជំទាវ ឈឹម ពៅ សុកាន់ឌី អគ្គនាយិកា វិទ្យុជាតិកម្ពុជា ។ ម៉ាស់ ២០០ ប្រគេន សម្រាប់ព្រះសង្ឃ របស់លោកជំទាវ ឡងឌី សានណារ៉ា អនុរដ្ឋលេខាធិការក្រសួងព័ត៌មាន។
ដោយឡែកសម្រាប់ គណៈកម្មការវត្ត និងសិស្សលោក ម្នាក់ ២ ម៉ឺនរៀល និងយាយជី តាជីម្នាក់ ១ ម៉ឹនរៀល។ ចំពោះ បច្ច័យ សម្រាប់កសាងវត្តសរុបចំនួនចំនួន ៧ លាន ៥ ម៉ឺន រៀល និង ៩០០ ដុល្លា។
គួររំលឹកដែរថា តាមពុទ្ធប្រវត្តិបានអោយដឹងថា ពិធីបុណ្យវិសាខបូជា គឺជាពិធី បុណ្យ ដ៏សំខាន់មួយ ដែលពុទ្ធសាសនិកជនគ្រប់រូបទូទាំងពិភពលោក តែងប្រារព្ធធ្វើ ជារៀង រាល់ ឆ្នាំ ដើម្បីរំលឹក ដល់ថ្ងៃខួបកំណើតនៃថ្ងៃត្រាស់ដឹង និងខួបថ្ងៃចូល បរិនិព្វាន របស់ ព្រះសមណ គោត្តម ដែលជាព្រះអរហន្តសម្មាសម្ពុទ្ធបរមគ្រូនៃយើង។ អភិលក្ខិតសម័យ ទាំងបីនេះ កើត ឡើងនៅចំ ថ្ងៃ១៥កើត ខែវិសាខ តែមួយខុសគ្នាតែឆ្នាំប៉ុណ្ណោះ។
សម្រាប់ថ្ងៃនេះដែរក៏ជាថ្ងៃដែលអង្គការសហប្រជាជាតិ បានកំណត់យកវិសាខបូជា ជាទិវា អន្តរជាតិ ចាប់តាំងពីថ្ងៃ១៥ ធ្នូ ១៩៩៩ មកម្ល៉េះ ដែលជាការទទួលស្គាល់ជា សាកល អំពីការ រួមចំណែក របស់ព្រះពុទ្ធសាសនាក្នុងពិភពលោក ជាង ពីរពាន់ប្រាំរយឆ្នាំមកនេះ ហើយនិង កំពុងបន្តនូវ ឥទ្ធិពលរបស់ខ្លួនក្នុងការលើកស្ទួយចិត្តវិញ្ញាណ របស់មនុស្សជាតិ តទៅទៀត។
អត្ថន័យដែលប្រជាពុទ្ធបរិស័ទ គប្បីយល់ឱ្យកាន់តែបានច្បាស់ថែមទៀតអំពីសារៈ សំខាន់នៃ ថ្ងៃទាំងបី របស់ ព្រះសមណគោត្តម គឺថ្ងៃប្រសូត្រ ថ្ងៃត្រាស់ដឹង និងថ្ងៃ បរិនិព្វាន ដើម្បីជាប្រយោជន៍ សម្រាប់យកមកប្រតិបត្តិ និងអនុវត្ត ក្នុងជីវិត ប្រចាំថ្ងៃ របស់ ខ្លួន។
១-ថ្ងៃប្រសូត៖ កើតមកជាមនុស្ស ត្រូវតាំងចិត្តធ្វើអ្វីមួយ បង្កើតអ្វីថ្មីមួយក្នុងជីវិតឲ្យ ទាល់តែបានសម្រេច ដោយការសិក្សា ហ្វឹកហាត់ អប់រំខ្លួន តាមជំហានទាំង៧ គឺ ជាផ្លូវឆ្ពោះ ទៅរកជោគជ័យក្នុងជីវិត ជាផ្លូវមធ្យម តាមអរិយសច្ច៤ ដែលព្រះពុទ្ធអង្គបានឈានមុនយើង និងបានសម្រេចរួចមកហើយ។
២- ថ្ងៃត្រាស់ដឹង៖ កាលបានសម្រេចនូវអ្វីដែលខ្លួនបានតាំងចិត្តហើយ គប្បីធ្វើឲ្យការ សម្រេចបាននោះ ទៅជាប្រយោជន៍ដល់ខ្លួន និងមនុស្សជាតិ ហើយ ចែកចាយការសម្រេច ព្រមទាំងវិធីដែលនាំឲ្យសម្រេចគោលដៅនោះដល់មនុស្សជាតិទូទៅ។
អត្ថបទ និង រូបថត ៖ ក្រសួងព័ត៌មាន
