មន្ទីរសុខាភិបាលខេត្តសៀមរាប៖ ការចុះផ្សាយថារកឃើញជនជាតិវៀតណាមម្នាក់ បានឆ្លងមេរោគកូវីដ១៩នៅកម្ពុជា ពុំទាន់មានការផ្ដល់ព័ត៌មានជាក់លាក់ពីរដ្ឋាភិបាលវៀតណាមឡើយ

នៅព្រឹកថ្ងៃទី១៨ ខែឧសភា ឆ្នាំ២០២០ លោកប្រធានមន្ទីរសុខាភិបាលខេត្តសៀមរាប បានបញ្ជាក់ថា មកទល់ពេលនេះ រាជរដ្ឋាភិបាលកម្ពុជា មិនបានទទួលព័ត៌មានផ្លូវការ ណាមួយពីរដ្ឋាភិបាលវៀតណាម ដូចការចុះផ្សាយ របស់សារព័ត៌មានវៀតណាម ជុំវិញករណីថាមានជនជាតិវៀតណាមម្នាក់ បានចាកចេញពីខេត្តសៀមរាប ប្រទេសកម្ពុជា និងបានរកឃើញវិជ្ជមាន មេរោគកូវីដ១៩ ដោយអជ្ញាធរវៀតណាម ពេលត្រឡប់ទៅដល់ប្រទេសរបស់ខ្លួនវិញឡើយ។

តាមរយៈការបញ្ជាក់របស់លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល កាលពីថ្ងៃទី១៧ ខែឧសភា ឆ្នាំ២០២០ ការរកឃើញករណីថ្មី នៅប្រទេសវៀតណាម កាលពីថ្ងៃទី១៥ ខែឧសភា ថ្មីៗនេះ ពុំមានភ័ស្តុតាងច្បាស់លាស់ណាមួយ ថាជនជាតិវៀតណាមរូបនោះ បានឆ្លងមេរោគកូវីដ១៩ពីកម្ពុជាឡើយ ជាមួយនោះ រដ្ឋាភិបាលវៀតណាម ក៏ពុំបានជូនព័ត៌មានផ្លូវការណាមួយមកកម្ពុជាជុំវិញករណីនេះដែរ មានតែផ្សព្វផ្សាយរបស់សារព័ត៌មានប៉ុណ្ណោះ។

ទន្ទឹមនោះ លោកវេជ្ជបណ្ឌិត ស៊ឹង រឹទ្ធិរ៉េត អនុប្រធានមន្ទីរសុខាភិបាលខេត្តសៀមរាប បញ្ជាក់បន្ថែមថា ទោះបីព័ត៌មាននេះ មិនមានភាពច្បាស់លាស់នៅឡើយ ក៏មន្ទីរសុខាភិបាលខេត្ត នៅតែធ្វើការស្រាវជ្រាវ រកអ្នកប៉ះពាល់ផ្ទាល់ ជាមួយបុរសជនជាតិវៀតណាមរូបនោះ មកធ្វើការការដាច់នៅដាច់ឡែក រួមនិងធ្វើការពិនិត្យសុខភាពប្រជាពលរដ្ឋទើបមកពីបរទេសផងដែរ។

ព័ត៌មានជាតិ ថ្មីៗ

ស្ត្រីមេម៉ាយទីទ័លក្រទើបសម្រាលកូន រួមនិងកូនក្មួយក្នុងបន្ទុក ៥នាក់ ទទួលអំណោយសប្បុរសធម៌ពីប្រតិភូសង្ឃក្នុងខេត្តសៀមរាប

01/10/2020

រដ្ឋបាលព្រៃឈើនិងរដ្ឋបាលខេត្តសៀមរាប បើកកិច្ចប្រជុំពិភាក្សារួមគ្នា ដើម្បីទប់ស្កាត់ លុបបំបាត់ និងបង្ក្រាបការកាប់រាន ដុត ឈូសឆាយ និងហ៊ុព័ទ្ធដីព្រៃឈើ យកដីធ្វើកម្មសិទ្ធិក្នុងដែនសមត្ថកិច្ចគ្រប់គ្រងរបស់ក្រសួងកសិកម្ម រុក្ខាប្រមាញ់ និងនេសាទ

01/10/2020

អត្ថបទ និង រូបថត ៖ មន្ទីរព័ត៌មាន