អាជ្ញាធរខេត្តសៀមរាប នៅតែបន្តចែកសម្ភារៈប្រយុទ្ធប្រឆាំងនឹងជំងឺឆ្លងកូវីដ១៩ ដល់ក្រុង ស្រុកទាំង១២ទូទាំងខេត្តសៀមរាប ដើមី្បអនុវត្ត នូវសេចក្តីណែនាំរបស់រាជរដ្ឋាភិបាល និងក្រសួងសុខាភិបាល ក្នុងការប្រយុទ្ធប្រឆាំង ទប់ស្កាត់រលកទី២នៃជំងឺកូវីដ១៩ កុំឲ្យមានការឆ្លងនៅតាមសហគមន៍ ។
ដើមី្បទប់ស្កាត់រលកទី២នៃជំងឺកូវីដ១៩នេះ អាជ្ញាធរខេត្ត ក៏បានធ្វើការបែងចែកនូវសម្ភារៈ ប្រើប្រាស់ជាច្រើន រួមមាន មុង , អាល់កុល , ទឹកលាងដៃ , ម៉ាស់ , ភេសជ្ជៈ និង ដែលសម្ភារៈទាំងអស់នេះ ត្រូវបានអាជ្ញាធរខេត្តប្រគល់ជូនក្រុង ស្រុក ជាអ្នកចាត់ចែងដើមី្បយកទៅបម្រើការងារនៅតាមមណ្ឌលចត្តាឡីស័កមួយចំនួន និង សម្រាប់ប្រើប្រាស់ក្នុងពេល គណៈកម្មការប្រយុទ្ធប្រឆាំងនឹងជំងឺកូវីដ១៩ ចុះធ្វើការផ្សព្វផ្សាយ អប់រំដល់ប្រជាពលរដ្ឋនៅតាមមូលដ្ឋាន ភូមិ ឃុំ សង្កាត់ របស់ខ្លួន ដោយបានផ្តោតសំខាន់ចំពោះបងប្អូនធ្វើចំណាកស្រុក និង វិលត្រឡប់មកពីក្រៅប្រទេស ក្នុងការបង្កា ទប់ស្កាត់ កុំឲ្យមានការរីករាលដាលនៅក្នុងសហគមន៍ ។ ដោយកត្តានេះហើយ ឯកឧត្តមអភិបាលខេត្ត បានបង្កើនការរឹតបន្តឹង និងបង្កើននូវការប្រុងប្រយ័ត្នខ្ពស់ ចំពោះរលកទី២នៃជំងឺកូវីដ១៩ កុំឲ្យមានការរីករាលដាល់នៅក្នុងសហគមន៍ ដោយការនាំចូលមកពីក្រៅប្រទេស ។
ម៉្យាងទៀត ក៏ត្រូវរឹតបន្តឹង ចំពោះប្រជាពលរដ្ឋក្នុងមូលដ្ឋានមួយចំនួន បានចាញ់បោកមេខ្យល់ នាំឆ្លងដែនខុសច្បាប់ទៅប្រទេសជិតខាងក្នុងខណៈ ដែលប្រទេសជិតខាងបាន និងកំពុងដាក់ប្រទេសក្នុងគ្រាអាសន្ន ដើមី្បបង្កា ទប់ស្កាត់ការរីករាលដាលនៃជំងឺកូវីដ១៩ ដូចនៅព្រះរាជាណាចក្រកម្ពុជាផងដែរ ។ ការផ្តល់សម្ភារៈនេះ ក៏បានបង្ហាញពីស្មារតីយកចិត្តទុកដាក់ខ្ពស់របស់ឯកឧត្តមអភិបាលខេត្ត ចំពោះសុខមាភាពរបស់បងប្អូនប្រជាពលរដ្ឋ ក្នុងពេលដែលកំពុងជួបវិបត្តិជំងឺកូវីដ១៩ ៕
ព័ត៌មានជាតិ ថ្មីៗ
រូបភាព និងអត្ថបទ គឿន វេត និង ម៉ី សុខារិទ្ធ
