ព្រលានយន្ដហោះអន្ដរជាតិអង្គរ ដែលបាននិងកំពុងសាងសង់នៅក្នុងស្រុកសូទ្រនិគម ខេត្តសៀមរាប នឹងសាងសង់រួចរាល់ក្នុងឆ្នាំ២០២៣ ដោយពុំមានការពន្យារពេល អំឡុងវិបត្តិជាសកលនៃជំងឺកូវីដ១៩ឡើយ នេះបើតាមការបញ្ជាក់ របស់ ឯកឧត្ដម ជា អូន រដ្ឋលេខាធិការដ្ឋានអាកាសចរស៊ីវិល ក្នុងឱកាសឯកឧត្តមចុះពិនិត្យការដ្ឋានសាងសង់ កាលពីថ្ងៃទី១៥ ខែមិថុនា ឆ្នាំ២០២០។
តាមការរយៈជំនួបរវាងប្រតិភូអាកាសចរស៊ីវិលកម្ពុជា និងក្រុមការងារជំនាញក្នុងការដ្ឋាន បង្ហាញថា កម្លាំងកម្មករ រួមនិងអ្នកជំនាញ មានផលលំបាកមួយចំនួនផងដែរ ក្នុងពេលបំពេញការងារ ដោយចាំបាច់ត្រូវ គោរពតាមសេចក្ដីណែនាំរបស់ក្រសួងសុខាភិបាល ដើម្បីបង្ការ ការពារ នៃការឆ្លងរីករាលដាលនៃជំងឺកូវីដ១៩។ ប៉ុន្តែបញ្ហានេះ ពុំប៉ះពាល់ធ្ងន់ធ្ងរដល់ការងារសាងសង់ឡើយ បច្ចុប្បន្ន កម្លាំងកម្មករ កំពុងធ្វើការចាក់គ្រឺះសំណង់ ដែលនឹងរួចរាល់នៅខែសីហាខាងមុខនេះ។
ឯកឧត្ដម រដ្ឋលេខាធិការ បង្ហាញថា ព្រលានយន្ដហោះអន្ដរជាតិថ្មីនេះ ដំណើរការសាងសង់បាន២០ភាគរយហើយ លើផ្ទៃដី ៧០០ហិកតា។ សំណង់នេះដែរ នឹងសាងសាង់តាមរចនាបថខ្មែរ ដោយប្រើកម្លាំងកម្មករសរុប ប្រមាណ៦០០នាក់ និងប្រើថវិកាសាងសង់ជិត១ប៊ីលានដុល្លារអាមេរិច។
គួររំលឹកថា នៅក្នុងសន្និសីទសារព័ត៌មានស្ដីពីវឌ្ឍនភាព និង ទិសដៅការងារបន្ត របស់រដ្ឋបាលខេត្តសៀមរាប កាលពីថ្ងៃទី០២ ខែមិថុនា ឆ្នាំ២០២០ នៅទីស្តីការគណៈរដ្ឋមន្ត្រី លោក លី សំរិទ្ធ អភិបាលរងខេត្ត រំពឹងថា បន្ទាប់ពីព្រលានយន្ដហោះអន្ដរជាតិថ្មីនេះ សាងសង់រួចរាល់ វានឹងអាចទទួលយន្តហោះធន់ធំគ្រប់ប្រភេទ ក្នុងនោះខេត្តនឹងអាចទទួលបានអ្នកទេសចរអន្តរជាតិប្រមាណ ៩លាននាក់។
អាកាសចរស៊ីវិលកម្ពុជា នៅតែបញ្ជាក់ថា ព្រលានយន្តហោះអន្តរជាតិថ្មី ក្នុងខេត្ត
អាកាសចរស៊ីវិលកម្ពុជា នៅតែបញ្ជាក់ថា ព្រលានយន្តហោះអន្តរជាតិថ្មី ក្នុងខេត្តសៀមរាប នឹងសាងសង់រួចរាល់នៅឆ្នាំ២០២៣ ទោះបីវិបត្តិកូវីដ១៩នៅបន្តអូសបន្លាយ#ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Tuesday, June 16, 2020
អត្ថបទ និង រូបថត ៖ បូ សាវី
កែសម្រួលអត្ថបទ ៖ សេង ផល្លី
