ដោយការពិនិត្យឃើញស្ថានភាព នៃការរៀបចំកម្មវិធីកម្សាន្តនេះ មានលក្ខណ:ល្អប្រសើរ ឯកឧត្តម ទៀ សីហា អភិបាលខេត្ត បានសម្រេចអនុញ្ញាតឱ្យបើកតំបន់ផាប់ស្ទ្រីតឡើងវិញ ក៏ប៉ុន្តែការអនុញ្ញាតឲ្យបើកនេះ ក្រុមការងារពាក់ព័ន្ធបានចុះទៅដល់ទីកន្លែង ដើម្បីផ្សព្វផ្សាយណែនាំអំពីរគោលការណ៍សំខាន់ចាំបាច់ ដូចជាការណែនាំរបស់ក្រសួងសុខាភិបាល និងរាជរដ្ឋាភិបាលកម្ពុជា ក្នុងការបង្កាទប់ស្កាត់ការរីករាលដាលនៃជំងឺកូវីដ-១៩ ។ ដោយឯកឧត្តម ធ្វើការអំពាវនាវដល់អាជីវករ ម្ចាស់ហាងទាំងអស់ ក្នុងតំបន់ផប់ស្ទ្រីតនិងបងប្អូនប្រជាពលរដ្ឋ ដែលទៅលេងកំសាន្តនៅទីនោះ ត្រូវចូលរួមអនុវត្តទៅតាមការណែនាំខាងលើឱ្យបានម៉ឺងម៉ាត់ជាទីបំផុត។ ក្នុងការកាលរសៀលថ្ងៃទី១៨ ខែសីហានេះ ឯកឧត្តម ទៀ សីហា អភិបាលខេត្ត បានចុះពិនិត្យរៀបចំកែលំអរ និងពង្រឹងការរៀបចំវិធានការការពារជំងឺកូវីដ-១៩ នៅតំបន់ផាប់ស្ទ្រីតដោយការយកចិត្តទុកដាក់បំផុត។
សូមជម្រាបជូនថា រដ្ឋបាលខេត្តបានផ្អាកជាបណ្តោះអាសន្នកាលពីរាត្រីថ្ងៃទី១៧ ខែសីហា ឆ្នាំ២០២០ ដោយសារមានបងប្អូនបានចូលរួមលើសពីការកំណត់របស់គណ:កម្មការរៀបចំកម្មវិធី ដែលការណ៍នេះ វាខុសទៅនឹងបទបញ្ជាស្តង់ដារសុវត្ថិភាព។
ក្រោយការចុះពិនិត្យ ឯកឧត្តម អភិបាលខេត្ត និងជាប្រធានគណៈកម្មការរៀបចំកម្មវិធី បានអនុញ្ញាតឲ្យបន្តបើកដំណើរការ ដោយបានណែនាំដូចខាងក្រោម៖
១- សម្រួលទិសចរាចរណ៍ ដើម្បីងាយស្រួលដល់ក្រុមការងារគ្រប់គ្រងចំនួនអ្នកចូលរួមការវាស់កំដៅ ការពាក់ម៉ាស់ និងការលាងសំអាតដៃដោយអាល់កុលជាដើម។
២- កែសម្រួលការប្រគុំតន្ត្រីដើម្បីជៀសវាងឲ្យមានការប្រមូលផ្តុំច្រើន និងម្ចាស់អាជីវកម្មដ្ឋាននីមួយៗ ត្រូវពង្រឹងកម្រិតខ្ពស់អនុវត្តនូវវិធានការការពារជំងឺកូវីដ-១៩ តាមការណែនាំរបស់ក្រសួងសុខាភិបាល ដោយរាប់បញ្ចូលទាំងការរក្សានូវគម្លាតសុវត្ថិភាពសម្រាប់អតិថិជន។
គណៈកម្មការរៀបចំ និងរដ្ឋបាលខេត្ត សូមអំពាវនាវដល់បងប្អូនប្រជាពលរដ្ឋដែលអញ្ជើញចូលរួមមានការប្រុងប្រយ័ត្នខ្ពស់ និងកុំភ្លេច និងត្រូវចងចាំនូវ ០៣ចំណុច ដូចខាងក្រោម ដេីម្បីការពារ និងចូលរួមទប់ស្កាត់ ជំងឺកូវីដ១៩៖
១.កុំភ្លេច ត្រៀមម៉ាស់ ឬក្រម៉ា
២.កុំភ្លេច ជែល ឬអាល់កុលលា ងដៃ (យើងបានត្រៀម សាប៊ូលាងដៃជូននៅតាមទីសាធារណផងដែរ)
៣.កុំភ្លេចរក្សាគម្លាតសុវត្ថិភាពសង្គម (ចូលរួមការពារការរាលត្បាតនៃជំងឺកូវីដ-១៩)៕ អត្ថបទ និងរូបភាព: លោកស៊ាន សុផាត កែសម្រួលដោយលីសុខុនសូមឯកឧត្តមមេត្តាជ្រាប សូមអរគុណ។
