គិតត្រឹមម៉ោប្រមាណ៤រសៀល ថ្ងៃទី ១៤ ខែ ធ្នូ ឆ្នាំ២០២០ អ្នកពាក់ព័ន្ធនឹងព្រឹត្ដិការណ៍សហគមន៍ ២៨វិច្ឆិកា ក្នុងខេត្តសៀមរាប បានបន្តផ្ដល់សំណាកជាថ្មីលើកទី៣ បានចំនួនជាង៣០០នាក់ នៅមណ្ឌលចត្ដាឡីស័ក នៃសាលាគរុកោសល្យ និងវិក្រឹតការ ស្ថិតក្នុងសៀមរាប ដើម្បីពិនិត្យធ្វើតេស្តរកជំងឺកូវីដ-១៩។
តាមរបាយការណ៍របស់មន្ទីរសុខាភិបាលខេត្តសៀមរាប បង្ហាញថា លទ្ធផលធ្វើតេស្តលើសំណាកលើកទី១ និងលើកទី២ សរុបជិត៩០០សំណាកក្នុងខេត្តសៀមរាប សុទ្ធតែពុំមានរកឃើញករណីវិជ្ជមានជំងឺកូវីដ-១៩ឡើយ។
ជាមួយនោះ ការប្រមូលសំណាក អ្នកពាក់ព័ន្ធព្រឹត្ដិការណ៍សហគមន៍ ២៨វិច្ឆិកា ក្នុងខេត្តសៀមរាប និងប្រជាពលរដ្ឋទើត្រឡប់មកពីបរទេស នៅតបន្តធ្វើជារៀងរាល់ថ្ងៃ នៅមណ្ឌលចត្ដាឡីស័ក នៃសាលាគរុកោសល្យ និងវិក្រឹតការ។
បន្ថែមពីលើវិធានការទប់ស្កាត់ ការរីករាលដាលជំងឺកូវីដ-១៩របស់រាជរដ្ឋាភិបាល នៅវេលាម៉ោងប្រមាណ ៩ព្រឹកថ្ងៃទី១៥ ខែធ្នូ ឆ្នាំ២០២០ស្អែកនេះ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញថ្លែងសារផ្ញើជនរួមជាតិ ពីគេហដ្ឋានរបស់សម្តេចនៅក្រុងតាខ្មៅ ខេត្តកណ្តាល តាមរយៈការផ្សាយផ្ទាល់ពិសេសរបស់ទូរទស្សន៍ជាតិកម្ពុជា ពីស្ថានភាពជំងឺកូវីដ-១៩ ជាពិសេស «ព្រឹត្តិការណ៍សហគមន៍ ២៨វិច្ឆិកា»។ ក្នុងនោះដែរ សម្តេចតេជោ ក៏នឹងមានប្រសាសន៍ពាក់ព័ន្ធនឹង ដំណើរទិញវ៉ាក់សាំងនៃជំងឺកូវីដ-១៩ ដើម្បីចាក់ជូនប្រជាពលរដ្ឋដោយឥតគិតថ្លៃផងដែរ។
អត្ថបទ និងរូបភាព៖ លោក ម៉ី សុខារិទ្ធ
កែសម្រួលអត្ថបទ ៖ លោក សេង ផល្លី
