នៅព្រឹកថ្ងៃទី០២ ខែកុម្ភៈ ឆ្នាំ២O២១ នាទីស្តីការក្រសួងព័ត៌មាន ក្រុមហ៊ុនផលិតនំ ម៉ាកដំរី (Elephant) បាននាំយកអំណោយ ជានំស្រួយ ចាហួយ ទឹកដោះគោជូ និងភេសជ្ជៈប៉ូវកម្លាំងសរុបចំនួន ៩O កេះធំ ព្រមទាំងបានបង្ហាញពីវឌ្ឍភាពនៃការវិនិយោគរបស់ខ្លួននៅប្រទេសកម្ពុជា ជូនឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន ផងដែរ។
លោក លីង សឹងហួយ ក្រុមហ៊ុនផលិតនំ និងភេសជ្ជៈ ម៉ាកដំរី ជម្រាបជូនថា លោកបានមកពីប្រទេសចិន និងបើក ក្រុមហ៊ុននេះ មានរយៈពេល៣ឆ្នាំហើយ បច្ចុប្បន្នមានទីតាំង នៅក្បែរ ស្ពានព្រែកសំរោង ក្រុងតាខ្មៅ ខេត្តកណ្តាល ក្នុងនោះមាន បុគ្គលិកជាជនជាតិខ្មែរ ជាង ៤០នាក់ និងជនជាតិចិន ២ នាក់។ ចំពោះវត្ថុធាតុដើមក្នុងការផលិត គឺ៣O ភាគរយ នាំចូលពីប្រទេសចិន និង ៧O ភាគរយ ប្រើប្រាស់វត្ថុធាតុដើមនៅក្នុងប្រទេសកម្ពុជាតែម្តង។
លោកប្រធានក្រុមហ៊ុន បានលើកឡើងថា ក្នុងរយៈពេល ដែលពិភពលោក ក៏ដូចជាប្រទេសកម្ពុជា ជួបវិបត្តិជំងឺកូវីដ-១៩ ការទិន្នន័យលក់ របស់ក្រុមហ៊ុន មិនសូវជាមានទីផ្សារនោះទេ ប៉ុន្តែចាប់ពីដើមឆ្នាំថ្មី២០២១ នេះ ការផលិត របស់ក្រុមហ៊ុន មានការកើនឡើង ដោយក្នុងថ្ងៃផលិតបាន ប្រមាណ ២ ម៉ឺនកេស សម្រាប់ចែកចាយ ទៅកាន់ទីផ្សាររាជធានីខេត្ត នៅទូទាំងប្រទេសកម្ពុជា។
ឯកឧត្តមរដ្ឋមន្រ្តី ខៀវ កាញារីទ្ធ បានសម្ដែងការអរគុណចំពោះ លោកប្រធាន ក្រុមហ៊ុន ដែលបានអំណោយជូនដល់ក្រសួងព័ត៌មាននាពេលនេះ។ ចំពោះផលិតផលទាំងនេះ ឯកឧត្តម នឹងចាត់ចែងជាងអំណោយសប្បុរធម៌ ចែកជូនដលើ ក្មួយៗ ចៅៗ ជាកុមារកំព្រា ក្រីក្រ កុមារពិការ ដែលកំពុងស្នាក់នៅរៀនសូត្រ ក្នុងមណ្ឌលនានា ដែលបានជួយនាពេលកន្លងមក។
អត្ថបទ និងរូបភាព៖ ក្រសួងព័ត៌មាន
