ប្រធានគណកម្មការទី៩នៃរដ្ឋសភាដឹកនាំគណៈប្រតិភូចុះត្រួតពិនិត្យព្រលានយន្ដហោះអន្ដរជាតិអង្គរ ខេត្តសៀមរាប

គណៈប្រតិភូគណៈកម្មការទី៩នៃរដ្ឋសភា ដែលដឹកនាំដោយលោកជំទាវ និន សាផុន ប្រធានគណៈកម្មការទី៩នៃរដ្ឋសភា បានអញ្ជើញចុះត្រួតពិនិត្យព្រលានយន្ដហោះអន្ដរជាតិអង្គរ ខេត្ដសៀមរាប នៅថ្ងៃទី២៣ ខែកុម្ភៈ ឆ្នាំ២០២១នេះ ដើម្បីពិនិត្យមើលពីវឌ្ឍភាពនៃការសាងសង់អាកាសយានដ្ឋានដ៍ធំមួយនោះបានសម្រេចដល់កំរិតណា។ការចុះត្រួតពិនិត្យនេះអមដំណើរដោយឯកឧត្ដម ម៉ៅ ហាវណ្ណាល់ រដ្ឋមន្ដ្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិលកម្ពុជា ។

លោកជំទាវ និន សាផុន មានប្រសាសន៍ថា ព្រលានយន្ដហោះអន្ដរជាតិថ្មីនេះ មានទំហំធំមិនចាញ់ព្រលានយន្ដហោះ នៅតាមបណ្ដាប្រទេសក្នុងតំបន់អាស៊ីអាគេ្នហ៍នោះទេ ហើយលោកជំទាវបានសម្ដែងមោទនភាពមួយយ៉ាងខ្លាំង ពីការខិតខំប្រឹងប្រែងរបស់រាជរដ្ឋាភិបាលក្នុងការអភិវឌ្ឍន៍ព្រលានយន្ដហោះដ៍ធំមួយនេះ បានទទួលភ្ញៀវទេសចរច្រើនឡើងជាងព្រលានយន្ដចាស់នៅក្នុងទីក្រុងសៀមរាប។

លោកជំទាវ មានប្រសាសន៍បន្ថែមថា សំណងង់នេះអាចនឹងសម្រេចទៅតាមគោលដៅរបស់ក្រុមហ៊ុនសាងសង់ ដែលសន្យាថានឹងរួចរាល់នៅក្នុងឆ្នាំ២០២៣ខាងមុខ ស្របតាមទិសដៅរបស់រាជរដ្ឋាភិបាលរបស់ប្រទេសកម្ពុជា ។លោកជំទាវក៍បានកោតសរសើរក្រុមហ៊ុនសាងសង់ព្រលានយន្ដហោះអេអាយអេអា”AIAI” ដែលបានខិតខំប្រឹងប្រែងមមាញឹកយ៉ាងខ្លាំង ទាំងយប់ទាំងថ្ងៃក្នុងការសាងសង់ ដើម្បីធ្វើឱ្យអាកាសយាន្ដដ្ឋានមួយនេះប្រព្រឹតទៅតាមការកំណត់របស់រាជរដ្ឋាភិបាល។

ព័ត៌មានជាតិ ថ្មីៗ

រដ្ឋមន្ត្រីក្រសួងសង្គមកិច្ច អញ្ជើញប្រកាសសមាសភាពសាខាមូលនិធិជាតិជំនួយសង្គម និងសាខាមូលនិធិជនពិការ នៃខេត្តសៀមរាប

21/11/2024

ក្រៅពីជាកន្លែងសិក្សាស្រាវជ្រាវប្រវត្តិសង្គ្រាម សារមន្ទីរតេជោសន្តិភាព ក៏ជាមជ្ឈមណ្ឌលហ្វឹកហ្វឺនដល់បណ្តាប្រទេសដែលមានបញ្ហាគ្រាប់យុទ្ធភណ្ឌសង្គ្រាម

21/11/2024

បើតាមឯកឧត្ដម ស៊ីន ចាន់សិរីវុត្ថា អ្នកនំាពាក្យរដ្ឋលេខាធិការដ្ឋានអាកាសចរណ៍ស៊ីវិល បានឲ្យដឹងថា មកដល់ពេលនេះ ការអភិវឌ្ឍន៍ព្រលានយន្ដហោះថ្មី បានសម្រេចគោលដៅ៤០% ហើយនៅចុងឆ្នាំ២០២១ នឹងសម្រេចអោយបាន៦០ភាគរយ បើទោះបីកម្ពុជាក៍ដូចជាសកលោកបានជួយវិបត្ដិកូវីដ១៩ក្ដី។លទ្ធផលដែលសម្រេចបានមានគម្រោងចំនួន៣ធំៗ រួមមាន សង់សំណង់អាគារ សំណង់ដែលពាក់ព័ន្ធនឹងការចុះចតយន្ដហោះ និងសំណង់ផ្សេងៗដែលពាក់ព័ន្ធនឹងសេវាកម្មរបស់អាកាសយានដ្ឋាន។ ឯកឧត្ដមបញ្ជាក់ទៀតថា មកដល់ពេលនេះ អាកាសយានដ្ឋាននេះ ទទួលបានយន្ដហោះចុះចតគ្រប់ប្រភេទ ហើយនឹងអាចមានការទាក់ទាញពីអន្ដរជាតិជាច្រើនទៀត។

សូមជម្រាបថា ព្រលានយន្ដហោះអន្ដរជាតិអង្គរ បានសាងសង់នៅលើផ្ទៃដី៧០០ហិកតា ស្ថិតនៅស្រុកសូទ្រនិគម ខេត្ដសៀមរាប នឹងរួចរាល់ហើយដាក់អោយដំណើរការប្រើប្រាស់ជាផ្លូវការ នៅឆ្នាំ២០២៣។ អាកាសយានដ្ឋាននេះបានចាប់ផ្ដើមសាងសង់កាលពីពាក់កណ្ដាលខែមីនា ឆ្នាំ២០២០នេះ ក្រោយពីអ្នកជំនាញបានសិក្សាប្លង់មេរួចរាល់កាលពីឆ្នាំ២០១៦កន្លង។ ព្រលានយន្ដហោះអន្ដរជាតិអង្គរនេះ មានគម្រោងប្រើប្រាស់ថវិកាជិត១កោដ្ឋដុល្លា ហើយតាមរចនាបទ នៃសំណង់គារនៅក្នុងព្រលានយន្ដហោះថ្មីនេះ មានរចនាបទជារបៀបខ្មែរ ហើយបច្ចុប្ននេះ មានកម្លាំងពលកម្មធ្វើការងារនៅក្នុងការដ្ឋានប្រមាណ៦០០នាក់៕

អត្ថបទ និង រូបភាព៖ ឈិត សាវី
កែសម្រួល៖ អ៊ុន ណារាជ្យ