បើតាមការបញ្ជាក់របស់លោកវរសេនីយទោ ណាម ណម នាយរងការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តសៀមរាប នៅថ្ងៃទី១៦ ខែមីនា ឆ្នាំ២០២១ បានឲ្យដឹងថា គិតត្រឹមរយៈពេល២ខែក្នុងឆ្នាំ២០២១នេះ កម្លាំងការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តបានធ្វើការបង្គ្រាបករណីគ្រឿងញៀនបានចំនួន៩៥ករណី ឃាត់ខ្លួនមនុស្សចំនួន៥៣៣នាក់ ក្នុងនោះស្រីចំនួន២៦នាក់ មានការកើនឡើងជាឆ្នាំមុនបើប្រៀបធៀបទៅនឹងរយៈពេលដូចគ្នាឆ្នាំ២០២០ គឺមានត្រឹមតែ៨៦ករណីឃាត់ខ្លួនមនុស្សចំនួន៣៣២នាក់ ក្នុងនោះស្រីចំនួន១៦នាក់ គឺមានការកើនឡើងចំនួន៩ករណី ក្នុងករណីប្រើប្រាស់គ្រឿងញៀនមានចំនួន៦ករណី ។
លោកបានបន្តថា ទោះបីជាមានការកើនឡើងនូវករណីប្រើប្រាស់នូវសារធាតុញៀនខុសច្បាប់ក៏ដោយ ក្នុងនាមកងកម្លាំងជំនាញនៅតែបន្តចុះធ្វើរដ្ឋបាលនៅតាមបណ្ដាប៉ុស្ដិ៍រដ្ឋបាល ចុះសហការជាមួយជាមួយផ្នែកសណ្ដាប់ធ្នាប់ និងជាមួយចរាចរណ៍ ដើម្បីឃ្លាំមើលគោលដៅសំខាន់ៗ ដើម្បីកំណត់ស្វែងរកមុខសញ្ញាដែលនៅសេសសល់នៅក្នុងសំណុំរឿងនីមួយៗ។ ក្នុងនោះដែរលោកក៏បានទទូចដល់អាណាព្យាបាល ព្រមទាំងប្រពាពលរដ្ឋទាំងអស់ ធ្វើយ៉ាងណាចូលរួមជាមួយសមត្ថកិច្ច ដោយរាយការណ៍មកសមត្ថកិច្ចឲ្យបានទាន់ពេលពេវេលា ជាពិសេសឪពុកម្ដាយត្រូវពិនិត្យមើលនូវសកម្មភាពរបស់កូនឲ្យបានម៉តចត់ នូវអាកប្បកិរិយាមួយចំនួនដែលមើលទៅមានការប្រែប្រួលខុសប្រក្រតី គឺត្រូវរាយការណ៍មកសមត្ថកិច្ចដើម្បីជួយអន្តរាមន៍បានទាន់ពេលវេលាផងដែរ៕
អត្ថបទ និង រូបភាព៖ ទិត្យ សំបូរ
កែសម្រួល៖ អ៊ុន ណារាជ្យ
