ព្រឹកថ្ងៃទី១៩ ខែមេសា ឆ្នាំ២០២១ លោកស្រី ម៉ននី រង្សី ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកក្រឡាញ់ ព្រមទាំងសហការី បានអញ្ជើញចុះជួបសួសុខទុក្ខ និងនាំយកអំណោយមនុស្សធម៌ ផ្តល់ជូនគ្រួសាររងគ្រោះដោយសារភ្លើងឆេះផ្ទះទាំងស្រុង ចំនួន០១គ្រួសារ ជារបស់ឈ្មោះ ជិញ បាក់ ភេទប្រុស អាយុ៥៥ឆ្នាំ មានប្រពន្ធឈ្មោះ ឆែ សុខា អាយុ៥៥ឆ្នាំ ដោយសមាជិកគ្រួសារមានចំនួន ៨នាក់ រស់នៅក្នុងភូមិអំពិល ឃុំសំបួរ ស្រុកក្រឡាញ់ ខេត្តសៀមរាប ដែលបានឆេះកាលពីថ្ងៃទី១៨ ខែមេសាកន្លងទៅ។ អំណោយមនុស្សធម៌ដែរបានផ្ដល់ជូនរួមមាន៖អង្ករ ៣០គីឡូ ,ស័ង្កសីចំនួន១០សន្លឹក ,មុង១ ,ភួយ១ ,សារុង១ ,ក្រមា១ ,ខ្នើយ១ ,ត្រីខ១យួរ ,មី១កេស ,កន្ទេល១ ,ទឹកសុទ្ធ៤យួរ ,ចានដែកធំ១ ,ឆ្នាំងបាយ១ ,ឆ្នាំងសម្ល១ ,ខ្ទះឆា១ ,ចានបាយ៥ ,ចានសម្ល២ ,ធុងទឹកកកតូច១ ,កំសៀវទឹក១ ,បំពង់ទឹកក្តៅ១ ,ចានស្រាក់១ និងថវិកា ៤សែន៥ម៉ឺនរៀល។
មានប្រសាសន៍ក្នុងឱកាសនោះលោកស្រី ម៉ននី រង្សី បានពាំនាំមតិផ្តាំផ្ញើសួសុខទុក្ខពីសម្តេចកិត្តិព្រឹតបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៍ដូចជាឯកឧត្តម ទៀ សីហា ប្រធានគណៈកម្មាធិការសាខាកាកបាទក្រហមកម្ពុជាខេត្ត ឯកឧត្តមបណ្ឌិតអ្នកឧកញ៉ា សៀង ណាំ ប្រធានគណៈកិត្តិយសសាខាកាកបាទក្រហមកម្ពុជា ខេត្តសៀមរាប ដែលតែងតែយកចិត្តទុកដាក់គិតគូរចំពោះសុខទុក្ខបងប្អូនប្រជាពលរដ្ឋគ្រប់រូប ដោយមិនប្រកាន់វណ្ណៈ ជំនឿ សាសនា និន្នាការនយោបាយណាមួយឡើយ ដូចដែលលើកឡើងថា កាកបាទក្រហមមានគ្រប់ទីកន្លែង សម្រាប់គ្រប់ៗគ្នាមិនទុកណាម្នាក់ចោល។
លោកស្រីប្រធានគណៈកម្មាធិការអនុសាខា ក៏សូមចូលរួមសោកស្ដាយជាពន់ពេកចំពោះឧបទ្ទវហេតុដែលបណ្ដាលឱ្យខាតបង់ទ្រព្យសម្បត្តិ និងលំនៅដ្ឋានដ៏កក់ក្ដៅនេះ។ បន្ថែមលើសនេះទៀតលោកស្រីក៏បានក្រើនរលឹកដល់បងប្អូនទាំងអស់ ត្រូវថែរក្សាសុខភាពក៍ដូចជាអាជ្ញាធរភូមិឃុំ នៅតែបន្តផ្សព្វផ្សាយដល់បងប្អូនប្រជាពលរដ្ឋមានការប្រុងប្រយ័ត្ន និងចូលរួមអនុវត្ វិធានការណ៍ ការពារជំងឺកូវីដ-១៩ តាមការណែនាំរបស់ក្រសួងសុខាភិបាល ៣ការពារ និង៣កុំ ព្រោះជំងឺនេះនៅតែបន្តឆ្លងរីករាលដាល នៅក្នុងប្រទេសកម្ពុជាយើង និងជាសកលនៅឡើយ៕
