នៅព្រឹកថ្ងៃទី០៣ ខែឧសភា ឆ្នាំ២០២១នេះ ក្រុមការងារមូលនិធិ Make Money Online កម្ពុជា (MMO) បាននាំយកអំណោយមនុស្សធម៍ជាគ្រឿងឧបភោគបរិភោគ ផ្ដល់ជូនប្រជាពលរដ្ឋចំនួន ៥២គ្រួសារ រស់នៅក្នុងភូមិថ្មី និងភូមិវិហាចិន សង្កាត់ស្វាយដង្គំ ក្រុងសៀមរាប ដោយក្នុងមួយគ្រួសារទទួលបាន៖ អង្ករ២០គីឡូ មី១កេស ត្រីខ២០កំប៉ុង ប្រេងឆា១លីត្រ ទឹកត្រី១ដប ទឹកស៊ីអ៊ីវ១ដប ។
លោក ភ្លុក វីដេន តំណាងមូលនិធិ MMO កម្ពុជា និងជាអ្នកផ្តួចផ្តើមបង្កើតមូនិធិ MMO បានឲ្យដឹងថា ក៏ផ្ដល់អំណោយជាគ្រឿងឧបភោគបរិភោគនាពេលនេះ ក្រុមការងារធ្វើឡើងក្នុងគោលបំណងរួមចំណែកជាមួយរាដ្ឋាភិបាលកម្ពុជា ក៏ដូចជាអាជ្ញាធរខេត្ត ក្នុងការប្រយុទ្ធប្រឆាំងនឹងមេរោគកូវីដ-១៩ ។ ពលរដ្ឋរស់នៅក្រុងសៀមរាប ភាគច្រើនប្រភពចំណូលបានមកពីវិស័យទេសចរណ៍ ដោយមានមេរោគកូវីដ-១៩ វ៉ៃលុកខ្លាំងនៅលើកពិភពលោក និងប្រទេសកម្ពុជា ក្នុងនោះខេត្តសៀមរាបក៏ទទួលរងផងដែរ ដែរកត្តាទាំងនេះបានធ្វើឲ្យប្អូនប្រជាពលរដ្ឋពិបាកក្នុងការរកប្រភពចំណូល មកទ្រទ្រង់ជីវភាពគ្រួសារ។ ហើយអំណោយដែលបានផ្ដល់ជូនពលរដ្ឋនេះ គឺបានមកពីរៃអង្គាសពីបងប្អូនក្នុងមូលនិធិ MMO ក្នុងប្រទេសកម្ពុជា ដើម្បីជាការជួយសម្រួលនូវការខ្វះខាតចាំបាច់នៅស្បៀងប្រចាំថ្ងៃរបស់ពលរដ្ឋក្នុងក្រុងសៀមរាប។ ក្នុងនោះដែរ លោកក៏បានស្មើសុំឲ្យបងប្អូនប្រជាពលរដ្ឋទាំងអស់ សូមចូលរួមទាំងអស់គ្នាជាមួយរាជរដ្ឋាភិបាល និងអជ្ញាធរខេត្ត ក្នុងការប្រយុទ្ធប្រឆាំងជាមួយមេរោគកូវីដ-១៩ ដោយកាត់ផ្តាច់ឬសគល់នៃការចម្លងក្នុងសមគមន៍ និងក្នុងប្រទេសកម្ពុជា ជាពិសេសត្រូវអនុវត្តឲ្យបានជាប្រចាំនូវវិធានការពារគឺ ៣កុំ និង៣ការពារ ។
ក្នុងឱកាសនោះដែរ លោក ហ៊ា ហាវ ប្រធានក្រុមប្រឹក្សាសង្កាត់ស្វាយដង្គំ ក៏បានថ្លែងអំណរគុណ និងសូមកោតសរសើរ ចំពោះទឹកចិត្តមនុស្សធម៍របស់ប្អូនៗ ក្រុមការងារមូលនិធី MMO កម្ពុជា ដែលបាននាំយកអំណោយមកចែកជូនពលរដ្ឋនៅពេលនេះ ព្រោះវាជាកង្វល់ដែរអជ្ញាធរកំពុងជួបប្រទះ។ក្នុងនោះលោកក៏បានណែនាំឲ្យបងប្អូនទាំងអស់គ្នា ត្រូវចូលរួមអនុវត្តន៍នូវវិធានដែលបានដាក់ចេញដោយក្រសួងសុខាភិបាល និងរាជរដ្ឋាភិបាលកម្ពុជា ក៏ដូចជាការជូនដំណឹងដល់អាជ្ញាធរខេត្ត ចំពោះការចេញចូលក្នុងមូលដ្ឋានបិទខ្ទប់ ដើម្បីឲ្យការចម្លងមេរោគកូវីដ-១៩ ចូលដល់សហគមន៍យើង៕
អត្ថបទ និង រូបភាព៖ ខេង ឧត្តម
កែសម្រួល៖ អ៊ុន ណារាជ្យ
