ករណីអគ្គីសភ័យឆាបឆេះលំនៅឋានមួយខ្នងអស់ទាំងស្រុង ដែលហេតុការណ៍នេះកើតឡើងដោយសារម្ចាស់ផ្ទះខ្លួនឯងជាអ្នកដុត កាលពីវេលាម៉ោង០០.០០នាទី រំលងអាធ្រាត្រចូលថ្ងៃទី២៩ ខែឧសភា ឆ្នាំ២០២១ ស្ថិតនៅភូមិកន្រ្ទាំង ឃុំកន្រ្ទាំង
ស្រុកប្រាសាទបាគង ខេត្តសៀមរាប ។
លោក សូរ ប្លាតុង អភិបាលស្រុកប្រាសាទបាគង បានឱ្យដឹងតាមទូរស័ព្ទ កាលពីព្រឹកថ្ងៃទី២៩ ខែឧសភានេះថា កាលពីយប់ថ្ងៃទី២៨ ខែឧសភា វេលាម៉ោង០០.០០នាទីឈានចូលថ្ងៃទី២៩ ខែឧសភា មានហេតុការណ៍អគ្គីសភ័យឆាបឆេះអស់ផ្ទះប្រជាពលរដ្ឋឈ្មោះជុន លឿង ភេទប្រុសអាយុ៥៦ឆ្នាំ ចំនួន១ខ្នង ទំហំ៥មx៦ម ផ្ទះនោះធ្វេី
អំពីឈេីប្រកស័ង្កសីជញ្ជាំងក្តារកំពស់៤ម(ឆេះអស់ទាំងស្រុង)។
ក្នុងហេតុការណ៍នោះ មានការអន្តរាគមន៍ពីរថយន្តពន្លត់អគ្គីភ័យរបស់អធិការនគរបាលស្រុកប្រាសាទបាគង ដោយប្រេីទឹកអស់ចំនួន ១រថយន្តនទេីបពន្លត់ភ្លេីងរលត់អស់ ។
លោកអភិបាលស្រុក បានបញ្ជាក់បន្ថែមទៀតថា ក្នុងហេតុការណ៍នោះពុំបណ្ដាលឱ្យមានគ្រោះថ្នាក់ ឬរងរបួសដល់ជីវិតមនុស្សសត្វអ្វីឡើយ ។ ដោយលោកបន្តថា អាជ្ញាធរស្រុកគ្រប់ជំនាញ បានជួយអន្តរាគមន៍សព្វបែបយ៉ាង និងទាន់ពេលវេលា ហើយនៅថ្ងៃស្អែកក្រុមការងារអនុសាខាកាកបាទក្រហមកម្ពុជាស្រុកប្រាសាទបាគងនឹងរៀបចំអំណោយចែកជូនគាត់ ដើម្បីជួយសម្រាលដល់ការលំបាករបស់គាត់។
សូមបញ្ជាក់ថា ម្ចាស់ផ្ទះឈ្មោះ ជុន លឿង ជាជនមានវិបត្តិផ្លូវចិត្ត ( វិកលចរឹកតាំងពីក្មេងវ័យ) រស់នៅតែម្នាក់ឯង ពោលគឺគ្មានកូន ប្រពន្ធអ្វីឡើយ នេះបើតាមការបញ្ជាក់ពីលោកអភិបាលស្រុក ៕
ប្រភព: របាយការណ៍របស់រដ្ឋបាលស្រុកប្រាសាទបាគង
កែសម្រួលដោយ លីវ សុខុន!!!
