ឯកឧត្ដមទេសរដ្ឋមន្រ្តី ស៊ុន ចាន់ថុល វាយតម្លៃខ្ពស់ចំពោះវឌ្ឍភាពនៃកិច្ចដំណើរការការដ្ឋានផ្លូវ៣៨ខ្សែនៅក្រុងសៀមរាប ដោយការអះអាងថា វាមិនមានការប្រែប្រួលនោះទេ លទ្ធផល១០០%ដែលបានព្យាករណ៍ទុកនៅចុងខែធ្នូខាងមុខ និងបញ្ចប់ការដ្ឋានក្នុងប្រតិបត្តិការរយៈពេល១៣ខែ។
នៅរសៀលថ្ងៃទី២៨ ខែមិថុនា ឆ្នាំ២០២១ ឯកឧត្ដមទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូន បានដឹកនាំប្រតិភូក្រុមការងារបច្ចេកទេស ចុះពិនិត្យមើល និងវាយតម្លៃលើវឌ្ឍនភាពនៃកិច្ចដំណើរការការដ្ឋានស្ថាបនាជួសជុលកែលម្អហេដ្ឋារចនាសម្ព័ន្ធផ្លូវចំនួន ៣៨ខ្សែនៅក្រុងសៀមរាប។ ក្នុងដំណើរបំពេញការងារនេះ ឯកឧត្តម បានឲ្យដឹងថា៖ មកទល់ពេលនេះ គិតជារួម ការដ្ឋានធ្វើផ្លូវសម្រេចលទ្ធផលបាន៦៤% ការដាក់លូរំដោះទឹកភ្លៀងនិងទឹកកខ្វក់បាន៩០% ការរៀបចំបង្គោលបណ្តាញអគ្គីសនី ភ្លើងស្តុប និងការដាំស្មៅបានប្រមាណជា៤០% និងបានរៀបចំការ៉ូឡាលើចិញ្ចើមផ្លូវជាបណ្តើៗហើយដែរ។
ការដ្ឋាននេះមានចម្ងាយផ្លូវសរុបជិត១០៩គីឡូម៉ែត្រ ប្រើប្រាស់ថវិកាសន្សំសំចៃរបស់រដ្ឋក្នុងទំហំ ១៥០លានដុល្លា ប្រតិបត្តិការដោយ៨កង-អង្គភាពរយៈពេល១៣ខែ គឺគ្រោងនឹងបញ្ចប់ការដ្ឋានក្នុងលទ្ធផល១០០% ថ្ងៃទី៣០ ខែធ្នូ ឆ្នាំ២០២១ខាងមុខ។
ឯកឧត្តមរដ្ឋមន្រ្តីបញ្ជាក់ថា ផ្លូវ៣៨ខ្សែនេះ ត្រូវបានស្ថាបនាក្នុងលក្ខណៈបច្ចេកទេស៤ប្រភេទផ្សេងគ្នា ដោយផ្អែកលើស្ថានភាពភូមិសាស្រ្ត និងស្របតាមតម្រូវការនៃការប្រើប្រាស់ផ្លូវផងដែរ។ កន្លងមកមានមតិរិះគន់ថា យ៉ាងណា ការស្ថាបនាផ្លូវទាំងនេះ ម្តេចមិនប្រើប្រាស់បទដ្ឋានតែមួយ ? ឯកឧត្តម បានពន្យល់យ៉ាងដូច្នេះថា៖
ជាមួយនឹងការស្រាយបំភ្លឺនេះ នៅមាន២ចំណុចផ្សេងទៀត ដែលឯកឧត្តមបានបញ្ចាក់ នោះគឺមិនមែនជាការទាត់ចោលមតិរិះគន់ ដែលបានបញ្ចេញតាមបណ្តាញសង្គមហ្វេសប៊ុកនោះឡើយ តែវាជាការបង្ហាញអំពីលក្ខណៈបច្ចេកទេស នៃសំណង់ផ្លូវចាក់ក្រាលបេតុង ឬផ្លូវចាក់ក្រាលកៅស៊ូAC ។ កន្លងមកនេះ មានការចោទប្រកាន់ថា ក្រសួងសាធារណការនិងដឹកជញ្ជូន សាងសង់ផ្លូវបេតុងលួចស៊ីទំហំដែក ដែលនាំឲ្យបាត់បង់គុណភាពផ្លូវ និងកែលម្អផ្លូវទៅអង្គរវត្ត មានទឹកដក់ ជាដើម។ ករណីនេះ ឯកឧត្តម បានបកស្រាយយ៉ាងដូច្នេះថា៖
យ៉ាងណាក៏ដោយបញ្ហាដែលការដ្ឋានធ្វើឲ្យមានការកកស្ទះចរាចរណ៍កន្លងមក ការដ្ឋានបង្ករឲ្យមានដីហុយមិនស្រោចទឹក ការកាយចិញ្ចើមផ្លូវបង្កប់លូ រំខានរយៈពេលយូរដល់ការលក់ដូររបស់ប្រជាពលរដ្ឋ វាគឺជាប្រធានបទដ៏សំខាន់ សម្រាប់ការជួបពិភាគ្សាគ្នា នៅក្នុងបេសកកម្មបំពេញការងាររបស់ឯកឧត្តមរដ្ឋមន្រ្តីលើកនេះ ជាមួយក្រុមការងារអង្កេតបច្ចេកទេស និងក្រុមកង-អង្គភាពប្រតិបត្តិការ ទាំង៨ ផងដែរ៕
អត្ថបទ និងរូបភាព៖ លោក ងិន គឹមឡេង លោក យូ វង្ស លោក ជា ស្រស់
