រដ្ឋបាលខេត្តសៀមរាប បន្តទទួលអំណោយជាសម្ភារៈប្រើប្រាស់សម្រាប់ប្រយុទ្ធប្រឆាំងនឹងជំងឺកូវីដ-១៩ ពីក្រុមហ៊ុន ឌីលីវើរី ហេរ៉ូ ខេមបូឌា ឯ.ក

នៅព្រឹកថ្ងៃទី២០ ខែកក្កដា ឆ្នាំ២០២១ លោក ពិន ប្រាកដ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប បានអញ្ជើញទទួលអំណោយជាសម្ភារៈសម្រាប់បម្រើក្នុងការប្រយុទ្ធប្រឆាំងជំងឺកូវីដ-១៩ ពីក្រុមហ៊ុន ឌីលីវើរី ហេរ៉ូ ខេមបូឌា ឯ.ក ដោយអំណោយទាំងនោះរួមមាន៖ ទឹកសុទ្ធវីតាល់ ២០កេស, មីជាតិ ២០កេស, ម៉ាស ៥០ប្រអប់, ម៉ាស Food Panda ១០ប្រអប់, ទឹកអាល់កុល ២កាន, ឆ័ត្រ៤, កាបូបយួរដៃ១០ រួមនឹងសម្ភារៈមួយចំនួនទៀត។

មានប្រសាសន៍ក្នុងឱកាសនោះលោក ពិន ប្រាកដ បានថ្លែងអំណរគុណពីទឹកចិត្តដ៏សប្បុរសធម៌របស់ក្រុមហ៊ុន ឌីលីវើរី ហេរ៉ូ ខេមបូឌា ឯ.ក និងក្រុមការងារ ដែលផ្តល់នូវជាសម្ភារៈក្នុងការប្រយុទ្ធប្រឆាំងជំងឺកូវីដ-១៩ ស្របពេលដែលខេត្ត កំពុងជួបនូវការខ្វះខាត នៅពេលដែលខេត្តសៀមរាប បានកំពុងរងគ្រោះក្នុងការឆ្លងរាលដាលចូលក្នុងសហគមន៍ ដែលបានកើនឡើងគួរឲ្យមានការព្រួយបារម្ភបំផុត។ ក្នុងករណីដែលកម្ពុជាយើង បានកំពុងជួបនូវវិបត្តិជំងឺកូវីដ-១៩ ក្នុងព្រឹត្តការណ៍សហគមន៍ ២០កុម្ភះ ២០២១នេះ អាជ្ញាធរខេត្តបានផ្តល់នូវស្បៀង សម្ភារៈ ឧបករណ៍ ប្រើប្រាស់ជូនទៅតាមបណ្តាក្រុង/ស្រុក រួមទាំងគ្រឿងឧបភោគបរិភោគ ក្នុងការផ្គត់ផ្គង់ដល់បងប្អូនដែលបានវិលមកពីក្រៅប្រទេស និង បងប្អូនជួបនូវហានីភ័យខ្ពស់នៃជំងឺកូវីដ-១៩ ដែលកំពុងធ្វើចត្តាឡីស័កនៅតាមមណ្ឌល។

លោក ពិន ប្រាកដ មានប្រសាសន៍ទៀតថា ក្រោយពីទទួលនូវផែនការណែនាំរបស់សម្តេចតេជោ ហ៊ុន សែន នាយករដ្ឋមន្ត្រី ក៏ដូចជាការជម្រុញរបស់ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានក្រុមការងាររាជរដ្ឋាភិបាល ចុះជួយខេត្តសៀមរាប នៅពេលទទួលបានវ៉ាក់សាំងការពារជំងឺកូវីដ-១៩ រដ្ឋបាលខេត្តសៀមរាប បានសហការជាមួយយោធភូមិ ភាគទី៤ និងបណ្តាកងពលឈរជើងនៅក្នុងភូមិសាស្ត្រយោធភូមិភាគទី៤ បានបញ្ចុះក្រុមគ្រូពេទ្យ ចូលរួមក្នុងយុទ្ធនាការចាក់ វ៉ាក់សាំងការពារជម្ងឺកូវិដ១៩ នៅតាមបណ្តាក្រុង ស្រុកទាំង១២ របស់ខេត្តសៀមរាប ទៅតាមផែនការដែលបានកំណត់។

ព័ត៌មានជាតិ ថ្មីៗ

រដ្ឋមន្ត្រីក្រសួងសង្គមកិច្ច អញ្ជើញប្រកាសសមាសភាពសាខាមូលនិធិជាតិជំនួយសង្គម និងសាខាមូលនិធិជនពិការ នៃខេត្តសៀមរាប

21/11/2024

ក្រៅពីជាកន្លែងសិក្សាស្រាវជ្រាវប្រវត្តិសង្គ្រាម សារមន្ទីរតេជោសន្តិភាព ក៏ជាមជ្ឈមណ្ឌលហ្វឹកហ្វឺនដល់បណ្តាប្រទេសដែលមានបញ្ហាគ្រាប់យុទ្ធភណ្ឌសង្គ្រាម

21/11/2024

លោកអភិបាលរងខេត្ត ក៏បានជម្រាបដែរថា ចំពោះសម្ភារដែលទទួលបាននាពេលនេះ អាជ្ញាធរខេត្តនឹងធ្វើការផ្តល់ជូនទៅតាមមណ្ឌលចត្តាឡីស័ក ក៏ដូចជាតម្រូវការតាមមណ្ឌលចាក់វ៉ាក់សាំងទូទាំងខេត្តផងដែរ។ ក្នុងនោះលោកក៏បានធ្វើការអំពាវនាវដល់បងប្អូនប្រជាពលរដ្ឋទាំងអស់ សំខាន់នៅខេត្តសៀមរាប សូមបងប្អូនត្រូវចូលរួមសហការអនុវត្តវិធានការ របស់ រាជរដ្ឋាភិបាល ៣កុំ ៣ការពារ និង២ចូលរួម ឲ្យមានប្រសិទ្ធភាពខ្ពស់បំផុត និងបន្តប្រកាន់នូវវិធានសុខាភិបាល ឲ្យបានខ្ជាប់ខ្ជួនទោះបីបងប្អូនបានចាក់វ៉ាក់សាំងរួចហើយនោះក្តី៕

ប្រភព: រដ្ឋបាលខេត្តសៀមរាប
កែសម្រួល: លោក អ៊ុន ណារាជ្យ