នៅព្រឹកថ្ងៃទី០២ ខែសីហា ឆ្នាំ២០២១នេះ លោកឧកញ៉ា ហ៊ុយ ភៀវប្រធានសភាពាណិជ្ជកម្មមណ្ឌលសៀមរាប-ឧត្តរមានជ័យ និងជាប្រធានក្រុមការងារខេត្តចុះជួយ មូលដ្ឋានសង្កាត់ស្រង៉ែ ក្រុងសៀមរាប បានអញ្ជើញចុះពិនិត្យ និងលើកទឹកចិត្តដល់ក្រុមការងារដែលកំពុងបំពេញការងារនៃការចាក់វ៉ាក់សាំងបង្ការជំងឺកូវីដ-១៩ ដូសទី២ ជូនដល់ប្រជាពលរដ្ឋ ព្រមទាំងសាកសួរសុខទុក្ខបងប្អូនប្រជាពលរដ្ឋ នៅសាលាបឋមសិក្សាព្រៃធំ សង្កាត់ស្រង៉ែ។ ហើយក្នុងនោះដែរ លោកក៍បាននាំយកបាននាំយកអំណោយផ្ទាល់ខ្លួនមួយចំនួនប្រគលជូនក្រុមការងារផងដែរ ដោយក្នុងនោះ រួមជាមួយអំណោយរបស់សប្បុរសជនផងដែរ ដែលមានដូចជា៖ទឹកសុទ្ធ ២០០ យួរ នឹង ៣០កេស រួមជាមួយនឹងអាល់កុល ៦០លីត្រផងដែរ។
លោកឧកញ៉ា ហ៊ុយ ភៀវ មានប្រសាសន៍ថា ប្រទេសកម្ពុជាក្រោមការដឹកនាំរបស់សម្ដេចតេជោ ហ៊ុន សែន នាយកដ្ឋមន្ត្រី បានខិតខំក្នុងការរកសុខសន្តិភាពជូនជាតិមាតុភូមិ ថែមទាំងជួយសង្រ្គោះអាយុជីវិតប្រជាពលរដ្ឋកម្ពុជាឲ្យរួចផុតជំងឺកូវីដ-១៩ តាមរយៈការស្វែងរកវ៉ាក់សាំងមកចាក់ជូនប្រជាពលរដ្ឋបានជាបន្តបន្ទាប់។ ក្នុងនោះដែរ សម្តេចតេជោនាយករដ្ឋមន្ត្រី តែងតែយកចិត្តទុកដាក់ខ្ពស់ចំពោះសុខមាលភាពរបស់បងប្អូនប្រជាពលរដ្ឋកម្ពុជា ជាពិសេសការទប់ស្កាត់ការរីករាលដាលជំងឺឆ្លងកូវីដ-១៩ និងខិតខំប្រឹងប្រែងស្វែងរកវ៉ាក់សាំង បង្ការចាក់ជូនប្រជាពលរដ្ឋឲ្យបានគ្រប់ៗគ្នា និងដោយឥតគិតថ្លៃ ដែលវ៉ាក់សាំងសម្តេចតេជោ គឺជាវ៉ាក់សាំងជួយបងប្អូនឲ្យរួចផុតពីជំងឺចង្រៃនេះ។
លោកឧកញ៉ា ហ៊ុយ ភៀវ ក៍បានធ្វើការណែនាំដល់បងប្អូនប្រជាពលរដ្ឋទាំងអស់ ដែលបានមកធ្វើការចាក់វ៉ាក់សាំងនៅពេលនេះ សូមចូលរួមអនុវត្តរក្សាគម្លាត សណ្តាប់ធ្នាប់ សូមកុំប្រជៀត និងដណ្តើមគ្នា គឺត្រូវតែបន្តបង្កើនការប្រុងប្រយ័ត្នខ្ពស់ និងយកចិត្តទុកដាក់បន្ថែមទៀត ដោយចូលរួមអនុវត្តតាមវិធានការណែនាំ របស់ប្រមុខរាជរដ្ឋាភិបាល គឺ៣ការពារ ៣កុំ និងអនុវត្តសេចក្តីណែនាំរបស់ក្រសួងសុខាភិបាលឲ្យបានគ្រប់ៗគ្នា៕
អត្ថបទ និង រូបភាព៖ លោក ទ្រា ពន្លឺ
កែសម្រួល៖ លោក អ៊ុន ណារាជ្យ
