រមណីយដ្ឋានទេសចរណ៍មួយកន្លែងមានឈ្មោះថា ទឹកធ្លាក់ពាក់ស្នែងអង្គរធំ ស្ថិតនៅឃុំពាក់ស្នែង ស្រុកអង្គរធំ ខេត្តសៀមរាប ជាតំបន់ទេសចរណ៍កែច្នៃបែបធម្មជាតិ ដោយមានកន្លែងទស្សនាគួរឱ្យទាក់ទាញ និងមានចំណាប់អារម្មណ៍ភ្ញៀវទេសចរទៅកំសាន្តនៅទីនោះយ៉ាងខ្លាំងជាប់ជាប្រចាំផងដែរ។
បើតាមលោក ស្វាយ សាវង្ស ជាមើលការខុសត្រូវក្នុងរមណីយដ្ឋានមួយនេះ បានបញ្ចាក់ថា រមណីយដ្ឋាន ទឹកធ្លាក់ពាក់ស្នែង មានសក្តានុពលយ៉ាងខ្លាំងទៅលើផ្នែក ទេសចរវប្បធម៍ធម្មជាតិ ព្រោះនៅស្រុកអង្គរធំនេះ មិនទាន់មានរមណីយដ្ឋានច្រើនទេ ហើយកន្លែងនោះលោកទើបចាប់ផ្ដើមរយៈពេល ៩ខែប៉ុណ្ណោះ។ ក្រោយពីរៀបចំរមណីយដ្ឋានេះ មានភ្ញៀវទៅទស្សនាច្រើន ដោយក្នុងមួយថ្ងៃមានចន្លោះពី ២០០ ទៅ៣០០នាក់ ចូលមកទស្សនា ប៉ុន្ដែក្រោយពេលដែលរមណីយដ្ឋាន ត្រូវបានផ្អាកមួយរយះ ដើម្បីធានាសុវត្ថិភាពនៃការឆ្លងជំងឺកូវីដ-១៩ ទើបមិនសូវមានអ្នកចូលទស្សនា។
លោកបានបន្ដថា នៅក្នុងបរិវេណរមណីយដ្ឋាននោះ មានរៀបចំជាកន្លែងថតរូបកំសាន្ដជាច្រើនដូចជា៖ ទឹកធ្លាក់ពីលើអាកាស ភូមិជនជាតិភាគតិច កន្លែងបោះតង់ ស្ពានសាងស្នេហ៍ ព្រៃធម្មជាតិ មានភ្នំស្តេចឆ្មា មានភ្នំព្រះអាទិត្យ មានព្រះច័ន្ទ មានភ្នំបាតដៃ មានម្រាមដៃផុសចេញពីដី មានផ្លូវអាថ៍កំបាំង នឹងមានកន្លែងផ្សេងៗចាច្រើនថែមទៀត ផ្ទាំងថ្មបាតដៃម្រាមដៃប្រាំ ដែលជាកន្លែងពេញនិយមសម្រាប់ភ្ញៀវទេសចរ ជាពិសេសអ្នកទៅទីនោះ អាចជិះទូកលេងកំសាន្ដជំវិញកូនកោះ។ ក្រៅពីនោះទីតាំងនេះ ក៍មានកន្លែងអង្គុយហូបអាហារជាលក្ខណៈគ្រួសារផងដែរ។
លោកបន្ថែមថា រមណីយដ្ឋានោះ នៅខាងជើងប្រាសាទអង្គរធំ ប្រមាណតែ ១០គីឡូម៉ែត្រប៉ុណ្ណោះ ហើយអ្នកទេសចរណ៍ទៅទស្សនាស្រាសាទអង្គរវត្ដ ហើយបន្ដទៅទស្សនារមណីយដ្ឋានទឹកធ្លាក់ពាក់ស្នែងបានស្រួលថែមទៀត។
លោក ស្វាយ សាវង្ស បានឲ្យដឹងទៀតថា ការបង្កើតរមណីយដ្ឋានមួយនេះ មិនត្រឹមតែបានជួយឱ្យអ្នកទេសចរណ៍ទៅកំសាន្ដសប្បាយ បន្ធូរអារម្មណ៍ និងទៅកំសាន្ដនៅតំបន់ឆ្ងាញប៉ុណ្ណោះទេ ប៉ុន្ដែថែមទាំងបានជួយសម្រួលដល់ជីវភាពក្នុងការរស់នៅរបស់បងប្អូនប្រជាពលរដ្ឋផងដែរ ព្រោះថារមណីយដ្ឋាននេះ នឹងមានអ្នកធ្វើការនៅទីនោះជាពលរដ្ឋដែលរស់នៅក្បែនោះ។ លោកថា រមណីយដ្ឋានមួយនេះ នៅលើផ្ទៃដីសរុបជាង ៤ហិកតា ហើយការចូលទស្សនានៅរមណីយដ្ឋានេះ អ្នកទេសចរចំណាយត្រឹមតែ ៤០០០រៀលសម្រាប់កូនក្មេង និង៦០០០រៀលសម្រាប់មនុស្សធំប៉ុណ្ណោះ។ ប៉ុន្ដែទោះយ៉ាងណា លោកបានបញ្ជាក់ថា នៅពេលអ្នកទេសចរទៅទស្សនាទីនោះ ត្រូវអនុវត្ត និងការពារជំងឺកូវីដ-១៩ ដូចជាពាក់ម៉ាស់ លាងដៃនិងអាល់កុល ស្កែនកំដៅពិនិត្យមើលមេរោគ ដែលបានរៀបចំជាស្រេចនៅទីនោះ៕
អត្ថបទ និង រូបភាព៖ លោក ឈិត សាវី ,លោក ស៊ាន សុផាត