ក្នុងឱកាសនៃកិច្ចប្រជុំសាមញ្ញប្រចាំសប្តាហ៍ទី១ របស់ថ្នាក់ដឹកនាំក្រសួង ព័ត៌មានតាមប្រពន្ធ័ Zoom និងចូលរួមប្រជុំផ្ទាល់ នៅព្រឹកថ្ងៃទី១ ខែវិច្ឆិកា ឆ្នាំ ២០២១ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានណែនាំ និងជម្រុញលើកចិត្តដល់អគ្គនាយកដ្ឋានទូរទស្សន៏ជាតិកម្ពុជា បន្តធ្វើកិច្ចសហការជាមួយ ស្ថាប័នសារព័ត៌មាន និងបណ្តាក្រុមហ៊ុនឯកជន រួមទាំងវិស័យពាក់ពន្ធ័នានា ក្នុងការនាំមកនូវកម្មវិធី ប្រកូតកីឡាផ្សេងៗទៀត ក្រៅពីកីឡាប្រដាល់គុនខ្មែរអលស្តារ វគ្គ២ ដែលបានធ្វើឡើងនៅស្ថានីយ៏ទូរទស្សន៏ជាតិ ទទក កាលពីចុងខែតុលា កន្លងមកនេះ ដោយទទួលបានការកោតសរសើ និងគាំទ្រយ៉ាងច្រើនពី ទស្សនិកជន ។
នៅក្នុងឱកាសនៃកិច្ចប្រជុំនេះដែរ ឯកឧត្តម រដ្ឋមន្រ្តី ខៀវ កាញារីទ្ធ បានលើកនៅប្រសាសន៏របស់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន ដែលធ្វើឡើងនៅថ្ងៃទី១ ខែវិច្ឆិកា នេះ បានប្រកាសបើកដំណើរការប្រទេសឡើងវិញលើគ្រប់វិស័យ និងរស់នៅជាមួយកូវីដ-១៩ តាមគន្លងថ្មីចាប់ពីថ្ងៃនេះតទៅ។ សម្រាប់ឱកាសថ្ងៃទី១ ខែវិច្ឆិកានេះដែរ ជាថ្ងៃបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ សម្រាប់កុមារអាយុ ៥ឆ្នាំផងដែរ។
នៅក្នុងឱកាសនៃកិច្ចប្រជុំនោះដែរ ឯកឧត្តម លោកជំទាវ ជាថ្នាក់ដឹកនាំទាំង៥ អគ្គនាយកដ្ឋាន ព្រមទាំងឯកឧត្តម លោកជំទាវ ជារដ្ឋលេខាធិការ អនុរដ្ឋលេខាធិការ ទទួលបន្ទុកកិច្ចការងារតាមជំនាញនីមួយៗ បានធ្វើរបាយការ ណ៏ជម្រាបជូនពីវឌ្ឍនភាពការងារសំខាន់ៗ ដែលសម្រេចអនុវត្តន៏បាន ក្នុងរយៈពេលកន្លងមកនេះ ទាំងលើការងារក្នុងអង្គភាព និងជាមួយស្ថាប័ននានា និងបានលើកពីផែនការសកម្មភាពការងារមួយចំនួនទៀត ដែលត្រូវបំពេញនៅសប្តាហ៍បន្តបន្ទាប់ទៅមុខទៀត អោយទទួលបានលទ្ធផលថ្មីៗបន្ថែមទៀត ស្របតាមផែនការ ទិសដៅរបស់ក្រសួងបានដាក់ចេញ។
បើតាមការលើកឡើងរបស់ ឯកឧត្តម មាស សុភ័ណ្ឌ អនុរដ្ឋលេខាធិការ និងជាអ្នកនាំពាក្យ ក្រសួងព័ត៌មាន បានជម្រាបជូនលទ្ធផលនៃកិច្ចប្រជុំប្រចាំសប្តាហ៍ របស់ថ្នាក់ដឹកនាំក្រសួងព័ត៌មាន ដោយក្នុងនោះ ឯកឧត្តម រដ្ឋមន្រ្តី ខៀវ កាញារីទ្ធ បានផ្តល់ជាមតិណែនាំផ្តល់បណ្តាថ្នាក់ដឹកនាំ នៃអគ្គនាយកទាំង៥ ជាពិសេសផ្តោតទៅកិច្ចទំនាក់ទំនងជាអន្តរជាតិ ហើយសម្រាប់អគ្គនាយកដ្ឋាន ទូរទស្សន៏ជាតិកម្ពុជា វិទ្យុជាតិកម្ពុជា និងទីភ្នាក់ងារសារព័ត៌មានកម្ពុជា បន្តធ្វើកិច្ចសហប្រតិបត្តិការជាមួយបណ្តាសារព័ត៌មានបតទេសនៅក្នុងតំបន់ និងនៅពិភពលោកសម្រាប់ការផ្លាស់ប្តូរព័ត៌មានផ្សាយ ពីគ្នាទៅវិញទៅមក ដើម្បីធ្វើយ៉ាងណាអោយការផ្សាយព័ត៌មាន ពីព្រះរាជាណាចក្រកម្ពុជា ទៅកាន់ពិភពលោកបានកាន់តែទូលំទូលាយ និងកាន់តែសប្បូរបែបស្របតាមការវិវឌ្ឍននៃបច្ចេកវិទ្យាព័ត៌មាន វិទ្យានាពេលបច្ចុប្បន្ន។
ឯកឧត្តម រដ្ឋមន្រ្តី បានណែនាំដល់ប្រពន្ធ័ផ្សព្វផ្សាយរបស់ជាតិ ត្រូវសហការជាមួយបណ្តាមន្ទីរព័ត៌មាន រាជធានីខេត្ត ត្រូវផលិតកម្មវិធីទាក់ទងទៅនិងលំហូរទេសចរណ៏ និងការត្រៀមទទួលភ្ញៀវទេសចរនៅតាមបណ្តាខេត្តនីមួយៗ និងពិនិត្យទៅលើបញ្ហាប្រឈមអ្វីខ្លះ ដែលអាចកើតឡើងនៅពេលមានលំហូរទេសចរណ៏កាន់តែច្រើន បន្ទាប់ពីប្រមុខរាជរដ្ឋាប្រកាសបើកប្រទេសឡើងវិញលើគ្រប់វិស័យ៕
ដោយ៖ ទូរទសស្សន៍ជាតិកម្ពុជា
