ក្នុងឱកាសអញ្ជើញចូលជួបសំដែងការគួរសមជាមួយ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន នៅព្រឹកថ្ងៃទី២៦ ខែវិច្ឆិកា ឆ្នាំ២០២១ អ្នកស្រី ម៉ន ថារ័ត្ន អគ្គនាយិកា ក្រុមហ៊ុនកែសម្ពស្ស E.M Beauty Clinic រួមជាមួយសហគ្រិនស្រ្តីម្ចាស់ក្រុមហ៊ុន បានគោរពស្នើសុំការគាំទ្រពីឯកឧត្តមរដ្ឋមន្រ្តី ដើម្បីចូលរួមចំណែកលើកតម្កើងវិស័យសេដ្ឋកិច្ច ដែលសហគ្រិនស្ត្រីជាខ្មែរនាពេលបច្ចុប្បន្នមានលទ្ធភាព និងសមត្ថភាពបំពេញការងារ និងប្រកបរបរអាជីកម្មផ្សេងៗជាច្រើនផ្នែក តាមជំនាញច្បាស់លាស់។
លោកស្រី ម៉ន ថារត្ន័ បានបញ្ជាក់ថា ដោយពិនិត្យឃើញថាបងប្អូនស្រ្តីមានសមត្ថភាពក្នុងវិស័យនានាជាច្រើន ពិសេសក្នុងវិស័យកែសម្ពស្ស ដោយមិនចាំបាច់អោយប្រជាពលរដ្ឋចេញទៅក្រៅប្រទេសរកសេវា ដូច្នេះទៀតនោះទើបខាងសហគ្រិនម្ចាស់ក្រុមហ៊ុនមួយចំនួន បានអញ្ជើញមកសុំការគាំទ្រពី ឯកឧត្តម រដ្ឋមន្រ្តី ក្រសួងព័ត៌មាន ដើម្បីជួយផ្សព្វផ្សាយអោយបានទូលំទូលាយពីអ្វីដែលមាននៅក្នុងប្រទេសទាក់ទងការរក្សា និងកែសម្ពស្សបានស្រស់ស្អាត ពីអ្នកជំនាញ មានបទពិសោធន៍បានសិក្សានៅក្រៅប្រទេស។
លោកស្រី ម៉ន ថារត្ន័ បានបញ្ជាក់ថា សម្រាប់ក្រុមហ៊ុន កែសម្ពស្ស E.M Beauty Clinic បានបើកដំណើរការអស់រយ:៥ ឆ្នាំមកហើយ ដោយទទួលបាន ពានរង្វាន់ ក្នុងវិស័យកែសម្ពស្សនៅប៉ែកអាស៊ី រួមមានពានរង្វាន់ ការ លើកកម្ពស់ ស្រ្តីនិង កុមារ នៅប្រទេស អារ៉ាប់រួម,Top Ten ផ្នែកវិស័យ សហពន្ធ័ទឹក មាត់ត្រចៀកកាំកម្ពុជា នៅប្រទេសម៉ាឡេស៊ី និងមាន គ្រូជំនាញកែសម្ពស្សរយ:ពេល៣៥ ឆ្នាំ មកពីសហរដ្ឋអាមេរិកផងដែរ។ សម្រាប់សហគ្រិនស្រ្តីម្ចាស់ក្រុមហ៊ុន ដែលបានអញ្ជើញចូលជួប សំដែងការគួរសម និងគោរពស្នើសុំការគាំទ្រពី ឯកឧត្តម រដ្ឋមន្រ្តី ខៀវ កាញារីទ្ធ នាឱកាសនេះ រួមមាន ក្រុមហ៊ុនកែសម្ភស្ស E.M Beauty Clinic ,ក្រុមហ៊ុន ប៉ារីសា ជេអិល ខេមបូឌា ,ក្រុមហ៊ុន ម៉ានីហ៊ន ខេមបូឌា ខូអិលធីឌី ដែលចែកចាយផលិតផលផ្តាច់មុខ នៅប្រទេស កម្ពុជា យីហោ “ម៉ាហូ MAHO” ពីប្រទេសជប៉ុន (ម៉ាហូ ឯកទេស ពង្រឹង ប្រព័ន្ធភាពស៊ាំឲ្យខ្លាំងរឹងមាំ),ក្រុមហ៊ុន ចាន់ណារិទ្ធ ត្រេឌីង ផលិតផល បំបាត់មុន,ក្រុមហ៊ុន រឿន ធារី ខូស្មិចទិច ខូ អិល ធី ឌី, ក្រុមហ៊ុន Queen yourself trading co.,LTD ផលិតផល Stem cell make up គ្រឿង សម្អាងធម្មជាតិ កោសិកាដើមរុក្ខជាតិ, ក្រុមហ៊ុន CK camko,co LTD បង្កើតប្រេនផលិតផល ខសមេទិក មកពីកូរ៉េ, ហាង EM & T អ្នក ឯកទេសខាង ប៉ាក់ & ផ្លុំចិញ្ចើម នឹងទទួលបង្រៀសិស្ស និងក្រុមហ៊ុន SK2C Import Export co.,LTD ដែលនាំចូលនូវផលិត ផលទឹកមាត់ ត្រចៀកកាំ ម៉ាក់ Golden Nest ពីប្រទេសអាមេរិក។
ឯកឧត្តម រដ្ឋមន្រ្តី ខៀវ កាញារីទ្ធ បានសំដែងនូវការគាំទ្រ និង វាយតំលៃខ្ពស់ចំពោះសហគ្រិនស្រ្តី ទាំងអស់ដែលមានសមត្ថភាព និង វិជ្ជាជីវ: ក្នុងការប្រកបរបរអាជីវកម្ម និងធ្វើជំនួញ នានាប្រកបដោយ សក្តានុពល។ តាមរយ:នេះដែរ ឯកឧត្តម រដ្ឋមន្រ្តី បានអោយក្រុម ការ ងារទូរទស្សន៏ជាតិកម្ពុជា ជួបធ្វើបទសំភាសន៍ ជាមួយ សហគ្រិនស្រ្តី ជាម្ចាស់ក្រុមហ៊ុននីមួយៗ ដើម្បីផ្សព្វផ្សាយបានកាន់តែទូលំទូលាយ ពីអ្វីដែលស្រ្តីខ្មែរធ្វើបាន នៅក្នុងប្រទេសខ្លួនដោយផ្ទាល់ ដោយមិនចាំបាច់ អោយបងប្អូនប្រជាពលរដ្ឋ ចំណាយពេលវេលានិងថវិកា ច្រើន ទៅ ក្រៅប្រទេស ដើម្បីស្វែងរក សេវា កែសម្ពស្សនោះទេ នៅក្នុងប្រទេសក៏មានដែរ ហើយជាអ្នកជំនាញនឹងមានការទទួលស្គាល់ពីស្ថាប័នពាក់ពន្ធ័ផងដែរ៕
ដោយ៖ទទក
