ក្រុមហ៊ុនផ្សារកសិផល និងចំណីអាហារ (FAAM ) និងសមាគមសហគ្រិនវ័យក្មេងកម្ពុជាសាខាខេត្តសៀមរាប (YEAC-SR) ស្ថិតក្នុងជំនួបពិភាក្សាដាច់ដោយឡែកពីគ្នាជាមួយក្លឹបពាណិជ្ជកម្មសឹង្ហបូរី-កម្ពុជា (SCC) ដោយផ្តោតទៅលើការនាំចេញផលិតផលកសិកម្មកម្ពុជាចូលក្នុងទីផ្សារសឹង្ហបូរី និងជម្រុញកិច្ចសហប្រតិបត្តិការ ស្វែងរកឱកាសធ្វើពាណិជ្ចកម្មជាមួយគ្នា !
ក្រោមកិច្ចសម្របសម្រួលដោយអនុព័ន្ធពាណិជ្ជកម្មកម្ពុជាប្រចាំនៅសឹង្ហបូរី និងក្នុងក្របខ័ណ្ឌនៃកិច្ចទំនាក់ទំនងរវាងខេត្តសៀមរាប ជាមួយភាគីសឹង្ហបូរី ព្រឹកថ្ងៃទី២៧ ខែវិច្ឆិកា ឆ្នាំ២០២១(ចុងសប្តាហ៍)នេះ កិច្ចប្រជុំពាណិជ្ជកម្មចំនួន២ បានធ្វើឡើងក្នុងពេលតែមួយ។ កិច្ចប្រជុំជាដំបូងនោះ គឺជំនួបពិភាក្សារវាងក្រុមហ៊ុនផ្សារកសិផល និងចំណីអាហារ ដែលហៅកាត់ថា (FAAM ) ជាមួយក្លឹបពាណិជ្ជកម្មសឹង្ហបូរី-កម្ពុជា ( SCC ) ស្តីពីការជម្រុញនាំចេញផលិតផលកសិកម្មកម្ពុជាទៅកាន់ទីផ្សារសឹង្ហបូរី និងការវិនិយោគ។ ទី២ គឺជំនួបពាណិជ្ជកម្ម រវាងសមាគមសហគ្រិនវ័យក្មេងកម្ពុជាសាខាខេត្តសៀមរាប ( YEAC-SR ) ជាមួយក្លឹបពាណិជ្ជកម្មសឹង្ហបូរី-កម្ពុជា ( SCC ) ស្តីពីកិច្ចសហប្រតិបត្តិការ ស្វែងរកឱកាសធ្វើពាណិជ្ជកម្មជាមួយគ្នា។
លោក នាក់ ណេរ៉ុន អភិបាលរងខេត្តសៀមរាប លើកឡើងនៅក្នុងកិច្ចប្រជុំនោះថា រាជរដ្ឋាភិបាលកម្ពុជា ថ្មីៗនេះបានអនុម័តច្បាប់ថ្មីមួយស្តីពីការវិនិយោគភាពជាដៃគូ។ លោកក៏បានបញ្ចាក់ដែរថា លទ្ធផលនៃការចាក់វ៉ាក់សាំង គឺជាបង្គោលគ្រឹះនៃការពង្រឹងឡើងវិញលើគ្រប់វិស័យដែលរងផលប៉ះពាល់ដោយជម្ងឺកូវីដ-១៩ ពិសេសវិស័យសេដ្ឋកិច្ច។ នៅចុងឆ្នាំ២០២១នេះ កម្ពុជាសង្ឃឹមថា ការចាក់វ៉ាក់សាំងដូសទី៣ នឹងធ្វើដំណើរដល់ភាគរយនៃការសម្រេចទាំងស្រុងទូទាំងប្រទេស ដូច្នេះសម្រាប់ការប្រព្រឹត្តិទៅក្នុងប្រតិបត្តិការនៃទំនាក់ទំនងពាណិជ្ជកម្ម (កម្ពុជា-សឹង្ហបូរី) យើងសង្ឃឹមថា នឹងពុំមានឧបស័គ្គដោយសារតែកូវីដ-១៩នោះឡើយ។
លោកអភិបាលរងខេត្តសៀមរាប បានបញ្ជាក់បន្ថែមថា៖ ការសម្រេចគម្រោងស្ថាបនាហេដ្ឋារចនាសម្ព័ន្ធផ្លូវក្នុងក្រុងសៀមរាប៣៨ខ្សែ ដែលជាផ្នែកមួយដ៏ធំ នៃការបំពាក់សម្បទាសៀមរាប-អង្គរជាទីក្រុងទេសចរណ៍ឆ្លាតវ៉ៃ ការសម្រេចបានអាកាសយានដ្ឋានថ្មីខ្នាតអន្តរជាតិនាថ្ងៃខាងមុខ គឺជាការបន្ថែមសមត្ថភាពដឹកជញ្ជូនតាមផ្លូងអាកាស។ ទាំងអស់នេះ គឺជាកញ្ចប់សក្តានុពលពង្រឹងបន្ថែមទៀត លើកិច្ចសហប្រតិបត្តិការពាណិជ្ជកម្មក្នុងភាពជាដៃគូរបស់កម្ពុជាជាមួយសឹង្ហបូរី ប្រកបដោយវឌ្ឍនភាព និងបរិយាប័ន្ន។ កាន់តែមានសុទិដ្ឋិនិយមថែមទៀត កិច្ចទំនាក់ទំនងនេះ គឺត្រូវបានស្ថិតក្រោមក្របខ័ណ្ឌនៃច្បាប់ និងមានការគាំទ្រដោយគោលនយោបាយរបស់រាជរដ្ឋាភិបាលកម្ពុជា ផងដែរ។
បកស្រាយបន្ថែមអំពីជំនួបទាំង២នេះ លោក ភឿន គឹមលី ប្រធានមន្ទីរពាណិជ្ជកម្មខេត្តសៀមរាប បានឲ្យដឹងនៅក្នុងបទសម្ភាសន៍ យ៉ាងដូច្នេះថា ៖
