ឯកឧត្តមបណ្ឌិត សុខ ប្រសិទ្ធិ រដ្ឋលេខាធិការ និងជាប្រធានគណៈកម្មាធិការសម្របសម្រួល ពង្រឹង និងពង្រីក កិច្ចសហប្រតិបត្តិការអន្តរជាតិ ក្រសួងព័ត៌មានតំណាង ឯកឧត្តមរដ្ឋមន្រ្តី ខៀវ កាញារីទ្ធ បានអនុញ្ញាតឱ្យ លោកបណ្ឌិត Na Jung Sik នាយកក្រុមហ៊ុន WnK System Co., Ltd. និងជាប្រធាន សមាគមន៏ ប្លុកឆែន នៃសាធារណរដ្ឋកូរ៉េ និងសហការី ចូលជួបសម្តែងការគួរសម និងពិភា ក្សាការងារមួយចំនួន នៅព្រឹកថ្ងៃទី០៣ ខែមករា ឆ្នាំ២០២២ នាទីស្តីការក្រសួងព័ត៌មាន។
នៅក្នុងឱកាសនោះ លោកបណ្ឌិត Na Jung Sik បានសំដែងនូវការរីករាយ និងវាយតំលៃខ្ពស់ពីភាពរីករចំរើនរបស់ប្រទេសកម្ពុជាយ៉ាងឆាប់រហ័សលើគ្រប់វិស័យ ដែលជាការបង្ហាពីកិច្ចខិតខំប្រឹងប្រែងរបស់ថ្នាក់ដឹកនាំកម្ពុជា ក្នុងការស្តារ និងអភិវឌ្ឍ រាល់គ្រប់ហេដ្ឋារចនាសម្ពន្ធ័ ហើយជាឱកាសដ៏ល្អសម្រាប់អ្នកវិនិគិន បរទេសថ្មីៗ មកបណ្តាក់ទុនរកស៊ីនៅកម្ពុជាបន្ថែមទៀត។ ដូច្នេះក្នុងឱកាសមកបំពេញទស្សនកិច្ចការងារនៅកម្ពុជារយ:ពេលមួយសប្តាហ៏មកនេះ លោកប្រធានក្រុមហ៊ុន WnK បានបង្ហាញនូវការចាប់អារម្មណ៏ខ្ពស់ចំពោះគម្រោង ការងារសំខាន់ៗមួយចំនួន ពិសេសពាក់ពន្ធ័ព័ត៌មានវិទ្យា ដែលមានការទំនាក់ ទំនងគ្រប់ផ្នែកជាច្រើន ក្នុងនោះក៏មានការងារផ្នែកព័ត៌មានផងដែរ។
ឯកឧត្តមបណ្ឌិត សុខ ប្រសិទ្ធិ ក្នុងនាមឯកឧត្តម រដ្ឋមន្ត្រី ខៀវ កាញារីទ្ធ បានសំដែងនូវការស្វាគមន៏ ចំពោះគម្រោងការងារវិនិយោគរបស់ក្រុមហ៊ុន WnK សាធារណរដ្ឋកូរ៉េ នៅកកម្ពុជា ហើយត្រូវពិនត្យ និងសិក្សាអោយបានច្បាស់លាស់ទាក់ទងទៅនឹងបទដ្ឋានគតិយុត្តិ និងច្បាប់នានានៅរបស់ម្ពុជា ដើម្បីអោយដំណើរការងារប្រព្រឹត្តទៅដោយរលូន និងទទួលបានជោគជ័យ។
នៅក្នុងឱកាសអញ្ជើញចូលជួបសំដែងការគួរសម និងពិភាក្សាការងារនោះដែរ លោកបណ្ឌិត Na Jung Sik បាននាំយកនូវទឹកពិសា យិនសិនកូរ៉េ ចំនួន ១០កេស និងថវិកា ចំនួន ១,០០០ដុល្លា ទុកជូនឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន ហើយសម្រាប់ថវិកា គឺជាការចូលរួមក្នុងសកម្មភាពការងារមនុស្សធម៏របស់ ឯកឧត្តម រដ្ឋមន្រ្តី ផងដែរ៕
ប្រភព៖ទូរទស្សន៍ជាតិកម្ពុជា
