ស្របពេលរបបសឹកមីយ៉ាន់ម៉ា កំពុងតែបង្កើនការវាយប្រហារ តាមអាកាស ទៅលើភូមិឋានរបស់ជនស៊ីវិល បណ្ដាលឲ្យប្រជាពលរដ្ឋយ៉ាងច្រើនស្លាប់នោះមក ក្រុមចលនាតស៊ូប្រដាប់អាវុធចម្រុះ ប្រកាសពីសងសឹកវិញ ដោយតម្រង់គោលដៅ វាយប្រហារទៅលើផ្ទះរបស់អ្នកបើកយន្ដហោះចម្បាំងរបស់របបសឹកមួយនេះ។
បើតាមសារព័ត៌មានភូមា Irrawaddy (អ៊ីរ៉ាវ៉ាឌី) បានចេញផ្សាយ កាលពីថ្ងៃទី៩ ខែកុម្ភៈ ឆ្នាំ២០២២ ថា ក្រោយពេលកងទ័ពរបបសឹកមីយ៉ាន់ម៉ា វាយប្រហារតាមអាកាសទៅលើភូមិឋានរបស់អ្នកស្រុក ជាញឹកញាប់ ដោយបានបណ្ដាលឲ្យជនស៊ីវិលរាប់សិបអ្នកបាត់បង់ជីវិត និង បង្ខំឲ្យប្រជាពលរដ្ឋ រាប់ម៉ឺននាក់ នៅទូទាំងប្រទេសរត់ចោលផ្ទះសម្បែងរបស់ពួកគេនោះមក ក្រុមចលនាតស៊ូប្រដាប់អាវុធចម្រុះ ប្រចាំនៅទីក្រុងយ៉ាំងហ្គោន បានប្រកាស ពីការវា.យប្រ.ហារសងសឹកទៅលើផ្ទះរបស់អ្នកបើកយន្តហោះចម្បាំង នៃកងទ័ពអាកាសរបបសឹកមីយ៉ាន់ម៉ា។ កងទ័ពអាកាសទាំងនោះ ជាអ្នកទទួលខុសត្រូវ ចំពោះសកម្មភាពឆ្ម.ក់តវា.យប្រ.ហារ តាមអាកាសទៅលើភូមិឋានរបស់ប្រជាពលរដ្ឋ។
បើផ្អែកលើកំណត់ត្រារបស់សារព័ត៌មានភូមា Irrawaddy បានឲ្យដឹងថា ក្នុងអំឡុងដើមឆ្នាំ២០២២នេះ របបសឹកមីយ៉ាន់ម៉ា បានបង្កើនការវា.យប្រ.ហារតាមអាកាស ជាង១០០លើក រួមមាន ការវា.យប្រ.ហារពីឧទ្ធម្ភាគចក្រ និងយន្ដហោះចម្បាំង នៅក្នុងតំបន់ និងរដ្ឋ ចំនួន៨ រួមមាន រដ្ឋកាឈីន (Kachin) រដ្ឋសាន (Shan) រដ្ឋឈីន (Chin) រដ្ឋកាយ៉ា (Kayah) រដ្ឋការ៉ែន (Karen) និងតំបន់បាហ្គោ (Bago) តំបន់សាហ្គេង និងតំបន់ម៉ាគវេ (Magwe) ។ សកម្មភាពវា.យប្រ.ហារ តាមអាកាសរបស់កងទ័ពរបបសឹក នេះ ក៏រាប់ទាំងការទ.ម្លាក់គ្រា.ប់បែ.ក ទៅលើជំរំជនភៀសខ្លួនមួយ នៅក្នុងទីក្រុងព្រូសូ (Hpruso) រដ្ឋកាយ៉ា (Kayah) ៕
