លោកគ្រូអ្នកគ្រូក្នុងខេត្តសៀមរាប បានសម្ដែងការអបអរសាទរ និងសប្បាយរីករាយចំពោះសម្ដេចតេជោ ហ៊ុន សែន នាយករដ្ឋមន្ដ្រីនៃប្រទេសកម្ពុជា ដែលបានទទួលជ័យលាភី “ពានរង្វាន់សន្តិភាពស៊ុនហាក់ ឆ្នាំ២០២២ (SUNHAK PEACE PRIZE 2022) ពីមូលនិធិសន្តិភាពស៊ុនហាក់របស់ប្រទេសកូរ៉េខាងត្បូង។ ក្នុងនាមជាប្រជាពលរដ្ឋ និងជាគ្រូបង្រៀន នៅសាលានេះ ពួកគាត់មានមោទកភាព និងសេចក្តីសោមនស្សរីករាយយ៉ាងក្រៃលែង និងសំម្តែងនូវការអបអរសាទរដ៏ស្មោះបំផុត ចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសដែលសម្ដេចតេជោ បានទទួលជ្រើសរើសជាជ័យលាភី ពាន់រង្វាន់សន្តិភាពស៊ុនហាក់ នេះ។
ពួកគាត់បានបន្ដថា ក្រោយពីទទួលព័ត៌មានពីសម្ដេចទទួលបាននូវពានរង្វាន់សន្តិភាព ស៊ុនហាក់ គឺជាមោទនៈភាពខ្លាំងណាស់ ដែលបានទទួលបន្ថែមមួយទៀត នៅក្នុងចំណោមជ័យលាភីជាច្រើនដែលសម្តេចតេជោទទួលបាន ដែលនេះបង្ហាញថា សម្ដេចដឹកនាំប្រទេសជាតិខ្មែរឱ្យមានសន្ដិភាពដ៍ត្រឹមត្រូវបំផុតសម្រាប់ប្រទេសជាតិ និងប្រជាជនកម្ពុជាទាំងមូល និងពិតជាស័ក្តិសមបំផុត ចំពោះសម្តេចតេជោ ដែលលះបង់ឈាមស្រស់ និងធ្វើពលិកម្មគ្រប់បែបយ៉ាងទាំងអស់ ដើម្បីជាតិមាតុភូមិ ឱ្យប្រជាជនកម្ពុជាមានសុខសន្ដិភាពមកដល់ថ្ងៃនេះ តាមរយៈនយោបាយ ឈ្នះ-ឈ្នះ របស់សម្តេចគេជា ដែលបាននាំមកនូវស្ថិរភាព ការអភិវឌ្ឍ សេដ្ឋកិច្ច និងសុខសន្តិភាពនៅក្នុងព្រះរាជាណាចក្រកម្ពុជា ព្រមទាំងតំបន់អាស៊ីអាគ្នេយ៍ទាំងមូល។
ពួកគាត់បានលើកឡើងទៀតថា បន្ថែមលើពីនោះ សម្ដេចតេជោ បានខិតខំប្រឹងប្រែងក្នុងការលើកកម្ពស់សន្តិភាពនៅក្នុងតំបន់អាស៊ីប៉ាស៊ីហ្វីកដ៏ទូលំទូលាយ រួមទាំងការអំពាវនាវឱ្យបង្កើតសហភាពអាស៊ីប៉ាស៊ីហ្វិកផងដែរ។ជាពិសេសទៅទៀតសម្ដេចខិតខំពង្រឹងវិស័យអប់ររំឱ្យមានភាពរស់រវើក ប្រកបដោយមោទកភាពជាតិសម្រាប់ប្រទេស និងប្រជាជនកម្ពុជាទាំងមូល ដែលធ្វើឱ្យប្រជាពលរដ្ឋនៅមូលដ្ឋានមានជីវភាពល្អប្រសើរ៕
អត្ថបទ និង រូបភាព៖ លោក បូ សាវី
កែសម្រួល៖ អ៊ុន ណារាជ្យ
