សម្រាប់ថ្ងៃបញ្ចប់ នៃពិធីបុណ្យចូលឆ្នាំខ្មែរ នៅខេត្តសៀមរាប ទទួលបានភ្ញៀវទេសចរជាតិ និងអន្តរជាតិ ប្រមាណជា ១៧៧,៤៨៧នាក់ មកទស្សនាកម្សាន្ត សម្រាប់ថ្ងៃទី១៦ ខែមេសា ម្សិលមិញ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរនេះ !
តាមរបាយការណ៍មន្ទីរទេសចរណ៍ខេត្ដសៀមរាប បានបង្ហាញឱ្យដឹងថា ក្នុងថ្ងៃបញ្ចប់ នៃពិធីបុណ្យចូលឆ្នាំខ្មែរនេះ មានភ្ញៀវទេសចរណ៍ជាតិ និងអន្តរជាតិ មកលេងកម្សាន្ត នៅខេត្តនេះ សម្រាប់ថ្ងៃទី១៦ ខែមេសា មានប្រមាណជា ១៧៧,៤៨៧នាក់ ដោយដើរកម្សាន្តតាមរមណីយដ្ឋាននានាក្នុងខេត្តសៀមរាប។
របាយការណ៍ដដែល បានបង្ហាញថា មានភ្ញៀវទេសចរជាតិ និងអន្ដរជាតិប្រមាណជា ១៧៧,៤៨៧នាក់ បានដើរកំសាន្ដតាមរមណីយដ្ឋានជាច្រើន ក្នុងនោះ ៖
ទេសចរជាតិ និងបងប្អូនប្រជាពលរដ្ឋ មានចំនួនប្រមាណ ១៧៧,០០០នាក់ ដែលជាភ្ញៀវទេសចរមកពីបណ្តាខេត្តនានា មានចំនួនប្រមាណ ៤៥-៥០% ស្មើប្រមាណជា ( ៨០,០០០-៩០,០០០នាក់) ។ ពួកគាត់ធ្វើដំណើរកម្សាន្តជាលក្ខណ:គ្រួសារទៅកាន់ ៖
១- រមណីយដ្ឋានអង្គរមានចំនួនប្រមាណ ១៦០,០០០នាក់
២- រមណីយដ្ឋានឧទ្យានជាតិភ្នំគូលែនមានចំនួប្រមាណ ៧,៥០០នាក់
៣- តំបន់ទន្លេសាបមានចំនួនប្រមាណ ៨០០នាក់
៤- សហគមន៍ទេសចរណ៍-អេកូទេសចរណ៍ និងតំបន់ផ្សេងៗមានចំនួនប្រមាណ ៨,៧០០ នាក់។ ដោយឡែកភ្ញៀវទេសចរបរទេសផ្ទៃក្នុង មានចំនួន ៤៨៧នាក់ ។
។ សម្រាប់ថ្ងៃទី១៦ ខែមេសានេះ មានជើងហោះហើរ ចូលមកកាន់ខេត្តសៀមរាប មានចំនួន ៣ជើង ដែលមានអ្នកដំណើរចូលសរុបចំនួន ២០៧នាក់ ក្នុងនោះ ៖
១- ជើងហោះហើរ សឹង្ហបុរី-សៀមរាប មានចំនួន ១ជើង មានអ្នកដំណើរសរុបចំនួន ១៤៥នាក់ ។
២- ជើងហោះហើរ ភ្នំពេញ-សៀមរាប មានចំនួន ១ជើង មានអ្នកដំណើរសរុបចំនួន ៤០នាក់។
៣- ជើងហោះហើរ ភ្នំពេញ-សៀមរាប (Helicopter Military) មានចំនួន ០១ ជើង មានអ្នកដំណើរ ចំនួន ០១នាក់។
របាយការណ៍ដដែល ក៏បានបញ្ជាក់ដែរថា ក្នុងរយ: ពេល ៣ថ្ងៃ ( ថ្ងៃទី១៤ និង១៦ ខែមេសា ឆ្នាំ២០២២ ) កន្លងមកនេះ ចំនួនភ្ញៀវទេសចរជាតិ និងអន្ដរជាតិ សរុបប្រមាណជា ៤០០,៥៩១នាក់ ក្នុងនោះ ភ្ញៀវទេសចរជាតិ និងបងប្អូនប្រជាពលរដ្ឋ មានចំនួនប្រមាណ ៣៩៧,០០០នាក់ ដែលជាភ្ញៀវទេសចរមកពីបណ្តាខេត្តនានា មានចំនួនប្រមាណ ៤៥-៥០% ស្មើប្រមាណជា ( ១៨០,០០០-១៩០,០០០នាក់) ពួកគាត់បានធ្វើដំណើរកម្សាន្តជាលក្ខណ:គ្រួសារ ទៅកាន់÷
១- រមណីយដ្ឋានអង្គរមានចំនួនប្រមាណ ៣៤៨,០០០នាក់
២- រមណីយដ្ឋានឧទ្យានជាតិភ្នំគូលែនមានចំនួប្រមាណ ២៤,៥០០នាក់
៣- តំបន់ទន្លេសាបមានចំនួនប្រមាណ ២,៥០០នាក់
៤- សហគមន៍ទេសចរណ៍-អេកូទេសចរណ៍ និងតំបន់ផ្សេងៗមានចំនួនប្រមាណ ២២,០០០នាក់។ ដោយឡែកភ្ញៀវទេសចរបរទេសផ្ទៃក្នុង មានចំនួន ៣,៥៩១នាក់ ។ ចាប់ពីថ្ងៃទី១៤ ដល់១៦ ខែមេសា ឆ្នាំ២០២២នេះ មានជើងហោះហើរ ចូលមកកាន់ខេត្តសៀមរាប ចំនួន ៨ជើង ដែលមានអ្នកដំណើរចូលសរុបចំនួន ៦៦៧នាក់ ក្នុងនោះ ៖
១- ជើងហោះហើរ សឹង្ហបុរី-សៀមរាប មានចំនួន ៣ជើង មានអ្នកដំណើរសរុបចំនួន ៤៤២នាក់ ។
២- ជើងហោះហើរ ភ្នំពេញ-សៀមរាប មានចំនួន ៤ជើង មានអ្នកដំណើរសរុបចំនួន ២២៤នាក់។
៣- ជើងហោះហើរ ភ្នំពេញ-សៀមរាប (Helicopter Military) មានចំនួន ០១ ជើង មានអ្នកដំណើរ ចំនួន ០១នាក់។
៕ ប្រភព: មន្ទីរទេសចរណ៍ខេត្តសៀមរាប កែសម្រួលដោយ លីវ សុខុន!!!
