ប្រជាពលរដ្ឋ និងជនបរទេសរស់នៅក្នុងខេត្ដសៀមរាប បានបង្ហាញអារម្មណ៍សប្បាយរីករាយ និងសាទរយ៉ាងខ្លាំង ចំពោះការធ្លាក់ចុះជាប្រចាំនូវចំនួនអ្នកឆ្លងជំងឺកូវីដ-១៩ នៅប្រទេសកម្ពុជា ខណៈដែលរយៈពេលប៉ុន្មានថ្ងៃជាប់គ្នានេះ នៅកម្ពុជាពុំមានរកឃើញករណីឆ្លងថ្មី ក៏ដូចជាករណីស្លាប់ ដោយសារតែជំងឺកូវីដ-១៩ឡើយ ប៉ុន្តែករណីជាសះស្បើយមានជាប្រចាំ។
ពួកគាត់បានលើកឡើងថា ជោកជ័យនេះគឺដោយសារតែមានការដឹកនាំដ៏ឈ្លាសវ៉ៃរបស់សម្ដេចតេជោ ក្នុងការយកចិត្ដទុកដាក់ផ្ដល់វ៉ាក់សាំងបង្ការជំងឺកូវីដ-១៩ ដល់ប្រជាពលរដ្ឋ ហើយពួកគាត់បានថ្លែងអំណរគុណដល់រាជរដ្ឋាភិបាល ក៍ដូចក្រសួងសុខាភិបាលដែលចាក់វ៉ាក់សាំងដល់ប្រជាពលរដ្ឋដោយមិនគិតថ្លៃ និងបានទប់ស្កាត់ជំងឺនេះមិនឱ្យមានឆ្លងបន្ដទៀត។ ប៉ុន្ដែទោះជាពួកគាត់ទាក់បានការចាក់វ៉ាក់សាំងក្ដី ក៏ពួកគាំត់នៅតែបន្ដអនុវត្ដវិធានការណ៍ការពារ បីការពារ បីកុំ តាមការណែនាំរាជរដ្ឋាភិបាលដដែរ។
ពួកគាត់លើកឡើងទៀតថា ការថយចុះនូវជំងឺកូវីដ-១៩នេះដែរ ក៏បានធ្វើឱ្យអ្នកទេសចរអន្ដជាតិមានភាពជឿជាក់លើរាជរដ្ឋាភិបាលកម្ពុជាសម្រាបការមកលេងនៅកម្ពុជា ក៏ដូចជាការទស្សនានៅខេត្តសៀមរាប ហើយឃើញថាអ្នកទេសចរក៍ដូចជាប្រជាពលរដ្ឋខ្មែរភាគច្រើនមានការសប្បាយចិត្ដ និងសាទរយ៉ាងខ្លាំងខុសពីឆ្នាំមុន ដែលប្រទេសកម្ពុជាមានមោទនភាពជាងបណ្ដាប្រទេសដ៍ទៃទៀត ក្នុងការទប់ស្កាត់ជំងឺកូវីដ១៩។
សូមបញ្ជាក់ថា ក្នុងរយៈពេលប៉ុន្មានថ្ងៃមកនេះ សម្រាប់ប្រទេសកម្ពុជា គឺពុំមានករណីរកឃើញថ្មី ក៏ដូចជាករណីស្លាប់ថ្មីនៃជមងឺកូវីដ-១៩ឡើយ ប៉ុន្តែសម្រាប់ករណីជាសះស្បើយ គឺមានជាប្រចាំ ដែលនេះជាការបង្ហាញ់ពីភាពជោកជ័យ នៃការទប់ស្កាត់នៃជំងឺកូវីដ-១៩ នៅកម្ពុជាផងដែរ៕
អត្ថបទ និង រូបភាព៖ លោក ឈិត សាវី
កែសម្រួល៖ លោក អ៊ុន ណារាជ្យ