នៅថ្ងៃទី១៣ ខែមិថុនា ឆ្នាំ២០២២នេះ ក្រុមប្រតិភូយោធភូមិភាគទី៧ដឹកនាំដោយឧត្តមសេនីយ៍ត្រី ដូ វ៉ាន់បាញ់ អនុប្រធាននយោបាយយោធភូមិភាគទី៧ នៃកងទ័ពប្រជាជនវៀតណាម ក្រោមការស្វាគមន៍ទទួលបដិសណ្ឋារកិច្ចយ៉ាងកក់ក្តៅពីសំណាក់ ឯកឧត្តម ឧត្តមសេនីយ៍ឯក ពៅ ហេង អគ្គមេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី៤ មេបញ្ជាការរងតំបន់ប្រតិបត្តិការសឹករងសៀមរាប លោក ពិន ប្រាកដ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ទៀ សីហា អភិបាល នៃគណ:អភិបាលខេត្តសៀមរាប បានអញ្ជើញអមដំណើរដាក់កម្រងផ្កា គោរពវិញ្ញាណក្ខន្ធ អុជធូបនៅស្ថូបមិត្តភាពកម្ពុជា-វៀតណាម ស្ថិតក្នុងសង្កាត់ស្លក្រាម ក្រុងសៀមរាប ខេត្តសៀមរាប ដើម្បីរំលឹកគុណបំណាច់ចំពោះវីរភាពកងទ័ពស្ម័គ្រចិត្តយុទ្ធជនវៀតណាម ដែលបានពលីក្នុងបុព្វហេតុសង្គ្រាម នាប៉ុន្មានទសវត្សកន្លងមក ដែលបានធ្វើពលិកម្មដើម្បីចូលរួមរំដោះប្រទេសកម្ពុជា និងឯករាជ្យ សន្តិភាពរបស់វៀតណាម និងបានជួយប្រជាជនកម្ពុជាឱ្យរួចផុតពីរបបប្រល័យពូជសាសន៍ប៉ុល ពត ។
ក្រុមការងារប្រតិភូយោធភូមិភាគទី៧ នៃកងទ័ពប្រជាជនវៀតណាម មកខេត្តសៀមរាបនេះ ក្រៅពីការអញ្ជើញដាក់កម្រងផ្កាគោរពវិញ្ញាណក្ខន្ធ អុជធូប នៅបានពិភាក្សាការងារ និងប្រគល់ថវិការបស់រដ្ឋាភិបាលសាធារណរដ្ឋសង្គមនិយមវៀតណាម សម្រាប់ជួយឧបត្ថម្ភការងាររុករកអដ្ឋិធាតុកងទ័ពស្ម័គ្រចិត្ត និងជំនាញការវៀតណាម ដែលបានពលីជីវិតគ្រប់សម័យកាលសង្គ្រាមនៅកម្ពុជា ដើម្បីនាំអដ្ឋិធាតុនោះធ្វើមាតុភូមិនិវត្តទៅវៀតណាមវិញ៕
អត្ថបទ និងរូបភាព: លោកយូ វង្ស កែសម្រួលដោយ លីវ សុខុន!!!
