អ្នកទេសចរជាតិ និងអន្តរជាតិ ប្រមាណជាង ១លាន២សែននាក់ បានចូលមកកម្សាន្តនៅខេត្តសៀមរាប ក្នុងថ្ងៃទី៣ នៃបុណ្យចូលឆ្នាំថ្មីប្រពៃណីជាតិខ្មែរ និងព្រឹត្តិការណ៍អង្គរសង្ក្រាន្ត សម្រាប់ថ្ងៃទី១៦ ខែមេសា ឆ្នាំ២០២៣ ។ នេះបើយោងតាមរបាយការណ៍របស់មន្ទីរទេសចរណ៍ខេត្តសៀមរាប ដែលអ្នកព័ត៌មានទទួលបាននៅព្រឹកថ្ងៃទី១៧ ខែមេសា ឆ្នាំ២០២៣នេះ។
របាយការណ៍របស់មន្ទីរទេសចរណ៍ខេត្ត បានឲ្យដឹងថា មានអ្នកទេសចរជាតិ-អន្តរជាតិ និងបងប្អូនប្រជាពលរដ្ឋដើរលេងកម្សាន្តក្នុងព្រឹត្តិការណ៍អង្គរសង្ក្រាន្តថ្ងៃទី១៦ ខែមេសា ឆ្នាំ២០២៣ មានចំនួនប្រមាណ ១,០៣០,០២៤នាក់ក្នុងនោះ អ្នកទេសចរជាតិ និងបងប្អូនប្រជាពលរដ្ឋ មានចំនួនប្រមាណ ១,០២៧,០០០នាក់ ដោយពួកគាត់បានអញ្ជើញទៅកម្សាន្តនៅក្នុងព្រឹត្តិការណ៍អង្គរសង្ក្រាន្តក្នុងតំបន់អង្គរ និងក្នុងក្រុងសៀមរាប មានចំនួនប្រមាណ ៨៥០,០០០នាក់, នៅរមណីយដ្ឋាន ឧទ្យានជាតិភ្នំគូលែនមានចំនួប្រមាណ ១៥,០០០នាក់, តំបន់ទន្លេសាបមានចំនួនប្រមាណ ១២,០០០នាក់ និងនៅសហគមន៍អេកូទេសចរណ៍នានា និងតំបន់រមណីយ០ដ្ឋានផ្សេងៗ មានចំនួនប្រមាណ ១៥០,០០០នាក់។ របាយការណ៍ក៏បានឲ្យដឹងដែរថា ក្នុងថ្ងៃទី១៦ មេសានេះ មានភ្ញៀវទេសចរបរទេស ចំនួន ៣,០២៤នាក់ ផងដែរ។
សូមបញ្ជាក់ថា កាលពីថ្ងៃទី១៤ ខែមេសា ដែលជាថ្ងៃទី១ នៃព្រឹត្តិការណ៍អង្គរសង្ក្រាន្ត ខេត្តសៀមរាប ភ្ញៀវទេសចរជាតិ-អន្តរជាតិ និងបងប្អូនប្រជាពលរដ្ឋដើរលេងកម្សាន្តក្នុងព្រឹត្តិការណ៍អង្គរសង្ក្រាន្ត មានប្រមាណជា ៤៣៦,៦៧៩នាក់ ក្នុងនោះ ទេសចរជាតិ និងបងប្អូនប្រជាពលរដ្ឋ មានចំនួនប្រមាណជា ៤៣០,០០០នាក់ ដែលពួកគាត់បានទៅកម្សាន្តក្នុងព្រឹត្តិការណ៍អង្គរសង្ក្រាន្តក្នុងតំបន់អង្គរ និងក្នុងក្រុងសៀមរាប មានចំនួនប្រមាណ ៣៥០,០០០នាក់, រមណីយដ្ឋានឧទ្យានជាតិភ្នំគូលែន មានចំនួប្រមាណ ១០,០០០នាក់។ តំបន់ទន្លេសាបមានចំនួនប្រមាណ ៥,០០០នាក់។ សហគមន៍ទេសចរណ៍-អេកូទេសចរណ៍ និងតំបន់រមណីយដ្ឋានផ្សេងៗមានចំនួនប្រមាណ ៦៥,០០០នាក់ និងភ្ញៀវទេសចរអន្តរជាតិ មានចំនួន ៦,៦៧៩នាក់ ។
ដោយឡែកនៅថ្ងៃទី១៥ មេសា ដែលជាថ្ងៃទី២ នៃព្រឹត្តិការណ៍អង្គរសង្ក្រាន្តថ្ងៃ មានភ្ញៀវទេសចរ ប្រមាណជា ៦៥៣,៦៧០នាក់ ក្នុងនោះ មានអ្នកទេសចរជាតិ និងបងប្អូនប្រជាពលរដ្ឋ មានចំនួនប្រមាណជា ៦៥០,០០០នាក់ ដែលពួកគាត់បានទីកម្សាន្តនៅ ក្នុងព្រឹត្តិការណ៍អង្គរសង្ក្រាន្តក្នុងតំបន់អង្គរ និងក្នុងក្រុងសៀមរាប មានចំនួនប្រមាណ ៥៥០,០០០នាក់, រមណីយដ្ឋានឧទ្យានជាតិភ្នំគូលែន មានប្រមាណជា ១៣,០០០នាក់, តំបន់ទន្លេសាប មានចំនួនប្រមាណជា ៧,០០០នាក់សហគមន៍អេកូទេសចរណ៍នានា និងតំបន់រមណីយដ្ឋានផ្សេងៗ មានចំនួនប្រមាណជា ៨០,០០០នាក់ និងភ្ញៀវទេសចរបរទេស មានចំនួន ៣,៦៧៩នាក់ ។
របាយការណ៍ដដែលឲ្យដឹងដែរថា សម្រាប់រយ:ពេល០៣ថ្ងៃ នៃបុណ្យចូលឆ្នាំថ្មីប្រពៃណីជាតិខ្មែរ និងព្រឹត្តិការណ៍អង្គរសង្ក្រាន្តពីថ្ងៃទី១៤-១៦ ខែ មេសា ឆ្នាំ២០២៣ មានភ្ញៀវទេសចរជាតិ-អន្តរជាតិ និងប្អូនប្រជាពលរដ្ឋដើរកម្សាន្ត មានចំនួនប្រមាណជា ២,១២០,៣៧៣នាក់ ក្នុងនោះ ទេសចរជាតិ និងបងប្អូនប្រជាពលរដ្ឋ មានចំនួនប្រមាណជា ២,១០៧,០០០នាក់ ក្នុងនោះ ក្នុងព្រឹត្តិការណ៍អង្គរសង្ក្រាន្តក្នុងតំបន់អង្គរ និងក្នុងក្រុងសៀមរាប មានចំនួនប្រមាណជា ១,៧៥០,០០០នាក់, រមណីយដ្ឋានឧទ្យានជាតិភ្នំគូលែន មានចំនួនប្រមាណជា ៣៨,០០០នាក់, តំបន់ទន្លេសាប មានចំនួនប្រមាណជ ២៤,០០០នាក់ សហគមន៍អេកូទេសចរណ៍ និងតំបន់រមណីយដ្ឋានផ្សេងៗ មានចំនួនប្រមាណជា ២៩៥,០០០នាក់ និងភ្ញៀវទេសចរបរទេសផ្ទៃក្នុង មានចំនួន ១៣,៣៧៣នាក់ ៕
អត្ថបទ និងរូបភាព: លោកជា ស្រស់ កែសម្រួលដោយ លីវ សុខុន!!!
