នាថ្ងៃទី២៦ ខែមេសា ឆ្នាំ២០២៣ នៅទីស្នាក់ការសាខាកាកបាទក្រហមកម្ពុជាខេត្តសៀមរាប លោក ស៊ុ សំអន នាយកប្រតិបត្តិសាខាកាកបាទក្រហមខេត្ត បានជួបសំណេះសំណាល និងទទួលអំណោយពីសប្បុរសជននានា ដើម្បីចូលរួមអបអរសាទរខួបលើកទី១៦០ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ២០២៣។
ក្នុងនាមឯកឧត្តម ទៀត សីហា ប្រធានគណៈកម្មាធិការសាខាកាកបាទកម្ពុជាខេត្ត លោក ស៊ុ សំអន បានថ្លែងអំណរគុណយ៉ាងជ្រាលជ្រៅបំផុតចំពោះ ថ្នាក់ដឹកនាំ មន្ត្រីរាជការ បុគ្គលិក និងសប្បុរសជនទាំងអស់ ដែលបានឧបត្ថម្ភថវិកាដល់សាខាកាកបាទក្រហមកម្ពុជាខេត្តសៀមរាប ក្នុងឱកាសខួបទី១៦០ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៣ ក្រោមប្រធានបទ “រួមគ្នាជាមួយកាកបាទក្រហមកម្ពុជា ដើម្បីបរិយាបន្នសង្គម”។ ចំពោះអំណោយទាំងនេះ វាគឺជាការចូលរួមរបស់សប្បុរសជនជាមួយសកម្មភាពមនុស្សធម៌ កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន។ ហើយចំពោះអំណោយទាំងនេះ សាខាកាកបាទក្រហមកម្ពុជាខេត្តសៀមរាប នឹងយកចិត្តទុកដាក់ខ្ពស់បំផុតក្នុងការប្រើប្រាស់អំណោយដ៏ថ្លៃថ្លាទាំងនេះ ដើម្បីបម្រើការងារមនុស្សធម៌ ជួយដល់ប្រជាពលរដ្ឋក្រីក្រ ឬជួបការលំបាកដោយគ្រោះធម្មជាតិ គ្រោះមហន្តរាយផ្សេងៗ ដោយមិនប្រកាន់ ពូជសាសន៍ ពណ៌សម្បុរ និងនិន្នាការនយោបាយណាមួយឡើយ ស្របតាមគោលការណ៍គ្រឹះទាំង ៧ប្រការ របស់ចលនាអន្តរជាតិកាកបាទក្រហមអឌ្ឍចន្ទក្រហម។
សូមជម្រាបថា ថវិកាដែលទទួលបានពីសប្បុរសជននាពេលនេះ រួមមាន៖
-ឯកឧត្ដម អ៊ឹង គឹមលាង អភិបាលរងខេត្តសៀមរាប ថវិកា ៥០០ដុល្លារ
-ឯកឧត្តម ប៊ុន ថាឫទ្ធិ អនុប្រធានកិត្តិយសាខា ថវិកា ៨០០,០០០រៀល
-មន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ថវិកា ១,១០០,០០០រៀល
-លោក គង់ តារា ម្ចាស់សណ្ឋាគារ ដំរីអង្គរ ថវិកា ៨០០,០០០រៀល
-ក្រុមហ៊ុន មេគង្គខនគ្រីត ថវិកា ១០០ដុល្លារ
-លោក កុល វិរតន៍ ម្ចាស់សណ្ឋាគារ វិរតន៍ ថវិកា ១០០ដុល្លារ
– ឯកឧត្តម ជួត ច័ន្ទតារា ថវិកា ១០០ដុល្លារ៕
អត្ថបទ៖សាខាកាកបាទក្រហមកម្ពុជាខេត្ត
កែសម្រួល៖ អ៊ុន ណារាជ្យ
