នាព្រឹកថ្ងៃទី២៨ ខែមិថុនា ឆ្នាំ២០២៣នេះ អង្គការហ្គ្រេត និងអ្នកពាក់ព័ន្ធវិស័យកសិកម្មដាំបន្លែ ក្នុងខេត្តសៀមរាប ជិត១០០នាក់ បានជួបពិភាក្សា និងចែករំលែកដឹងពីផលិតផលក្នុងស្រុកដើម្បីលើកកម្ពស់ចំណេះដឹងលើប្រព័ន្ធអាហារសុវត្ថិភាព និរន្ដរភាព ដល់ដៃគូរពាក់ព័ន្ធផ្សេងៗទៀត ដែលធ្វើការលើការដំាបន្ថែខ្នាតតូច។
លោក ចឹក គឹមជុន នាយករងរដ្ឋបាលខេត្តសៀមរាប បានជម្រុញឲ្យសកម្មភាពរបស់គម្រោង និងប្រជាពលរដ្ឋត្រូវចូលរួមចំណែកក្នុងការការពារនៅលផិតផលក្នុងស្រុករបស់យើងឲ្យមានគុណភាពល្អ ហើយចូលរួមផ្សព្វផ្សាយពីប្រពលវកម្ម និងចម្រុះភាព កសិកម្ម និងអាហារឲ្យបានទូលំទូលាយ ដើម្បីនិរន្តរភាព និងប្រព័ន្ធសុវត្ថិភាព ពង្រឹងអង្គការកសិករ និងបង្កើតរចនាសម្ព័ន្ធខ្សែចង្វាក់ផលិតកម្មកសិកម្មក្នុងស្រុកដើម្បីធ្វើអោយមាន សុវត្ថិភាពការផលិត (ស្រស់ និងកែច្នៃ) និងសម្របសម្រួលអោយមានការលក់ផលិតផលនោះចូលទៅក្នុងទីផ្សារជាដើម។
លោក ទូច សុខារិទ្ធ ប្រធានគម្រោងនៃអង្គការហ្គ្រេដ មានប្រសាសន៍ថា ដើម្បីលើកកំពស់ចំណេះដឹងលើប្រព័ន្ធអាហារសុវត្ថិភាព និងនិរន្តរភាព ដល់ដៃគូរពាក់ព័ន្ធផ្សេងៗ ដែលធ្វើការលើប្រព័ន្ធចំណីអាហារនៅក្នុងខេត្ត អាជ្ញាធរក្នុងតំបន់ សហភាពសហគម៍កសិក សហគមន៍កសិកម្ម វិស័យឯកជន អង្គការក្រៅរដ្ឋាភិបាល សមាគមន៍នានា អ្នកពាក់ព័ន្ធ ចាប់តាំងពីអ្នកដាំដុះរហូតដល់អ្នកទទួលទានត្រូវរួមគ្នារកវិធីសាស្ដ្រធ្វើយ៉ាងណា ឱ្យផលិតផល មានគុណភាព សុវត្ថិភាព និរន្ដរភាព ដល់អ្នកបរិភោគ។
លោកបន្ថែមថា សម្រាប់ការជួបជុំនាពេលនេះ អ្នកចូលរួមនឹងទទួលបានចំណេះដឹងថ្មីៗ និងមានការយល់ដឹងកាន់តែច្បាស់អំពីប្រព័ន្ធសុវត្ថិភាអាហារ និងនិរន្តរភាព តាមរយៈគោលការណ៍ក្សត្របរិដ្ឋាន ស្តង់ដារគុណភាព និងការបង្ហាញពីប្រព័ន្ធPGS។ លោកបន្ដថា សិក្ខាសាលានេះ តួរអង្គផ្សេងៗដែលពាក់ព័ន្ធនឹងការផលិត ការលក់ និងការទិញផលិតផលក្នុងស្រុក សុវត្ថិភាព បានធ្វើបទបង្ហាញចែករំលែកចំណេះដឹង និងបទពិសោធន៍ ព្រមទាំងដំណោះស្រាយ ក៍ត្រូវបានលើកយកមកពិភាក្សានៅក្នុងវេទិការនេះផងដែរ។
លោក ទូច សុខារិទ្ធ បានបញ្ជាក់ថា អង្គការហ្គ្រេត បានសហការណ៍ជាមួយអង្គការសៀដ ដើម្បីអនុវត្តគម្រោងមួយឈ្មោះថា APICI ដើម្បី បង្កើតអោយមាននិរន្តរភាពកសិកម្ម សម្រាប់កសិករខ្នាតតូច នៅក្នុងខេត្តសៀមរាប។សកម្មភាពរបស់គម្រោងត្រូវបានចូលរួមចំណែក ផ្សព្វផ្សាយពីប្រពលវកម្ម និងចម្រុះភាព បែបក្សេត្របរិដ្ឋានដើម្បីនិរន្តរភាព និងប្រព័ន្ធសុវត្ថិភាព កសិកម្ម និងអាហារ។ ពង្រឹងអង្គការកសិករ និងបង្កើតរចនាសម្ព័ន្ធខ្សែចង្វាក់ផលិតកម្មកសិកម្មក្នុងស្រុកដើម្បីធ្វើអោយមានសុវត្ថិភាព ការផលិត និងសម្របសម្រួលអោយមានការលក់ផលិតផលនោះចូលទៅក្នុងទីផ្សារ ចូលរួមក្នុងការអភិវឌ្ឍនៃផ្ទៃដីកសិកម្ម អោយមានប្រសិទ្ធិភាព និងនិរន្តរភាព ហើយបង្កើតអោយមាន ប្រព័ន្ធអាហារ ដែលនឹងត្រូវអនុវត្តដោយភាគីពាក់ព័ន្ធថ្នាក់ខេត្តផងដែរ។ លោកបន្ដថា កសិករដែលចូលរួមក្នុងសកម្មភាពរបស់គម្រោងកំពុងតែអនុវត្តនូវការធ្វើកសិកម្មបែបថ្មី ដូចជាក្សត្របរិដ្ឋាន តាមរយៈប្រព័ន្ធធានាគុណភាពដោយមានការចូលរួម (PGS)៕
អត្ថបទ និងរូបភាព៖ លោក បូ សាវី, លោក ស៊ាន សុផាត
កែសម្រួល៖ អ៊ុន ណារាជ្យ
