ការដេញថ្លៃគម្រោងសាងសង់ផ្លូវបេតុងអាមេចំនួន ២ខ្សែ ក្នុងឃុំអំពិល និងឃុំត្រពាំងធំ នៃស្រុកប្រាសាទបាគង ខេត្តសៀមរាប ត្រូវបានប្រកាសបញ្ចប់ការដេញថ្លៃដោយជ័យ នៅថ្ងៃទី៤ ខែតុលា ឆ្នាំ២០២៣នេះ ដោយមានការចូលរួមពីអាជ្ញាធរស្រុក មន្រ្តីបច្ចេកទេសសាលាខេត្ត គណៈកម្មការលទ្ធកម្មឃុំ អ្នកសារព័ត៌មាន រួមនឹងតំណាងក្រុមហ៊ុនដេញថ្លៃផងដែរ។
ប្រធានគណៈកម្មការលទ្ធកម្មឃុំអំពិល បានឲ្យដឹងថា សម្រាប់ឃុំបានដាក់ដេញថ្លៃគម្រោងសាងសង់ផ្លូវបេតុងអាមេ ប្រវែង ៧៤ម៉ែត្រ មានទទឹង៥ម៉ែត្រ កម្រាស់០,១៥ម៉ែត្រ និងស្លាកសញ្ញាគម្រោង១និងលូការពារផ្លូវ១កំប្លេ ក្នុងតំលៃ ប៉ាន់ ស្មាន៤៩.៦៨៤.២០០ រៀល។ជាលទ្ធផលបានទៅលើ ក្រុមហ៊ុន អុី សៀងហៃ ក្នុងតម្លៃ ៤៨.១០០.០០០រៀល។
ដោយឡែកប្រធានគណៈកម្មការលទ្ធកម្មឃុំត្រពាំងធំ បានឲ្យដឹងផងដែលថា ឃុំបានដាក់ដេញថ្លៃគម្រោងគម្រោងសាងសង់ផ្លូវបេតុងអាមេ ប្រវែង ៨១ម៉ែត្រ ទទឹង ៥ ម៉ែត្រ កម្រាស់០,១៥ម៉ែត្រ និងស្លាកសញ្ញាគម្រោង១ និងលូការពារផ្លូវ១កំប្លេ ក្នុងតំលៃ ប៉ាន់ ស្មាន៥០.៥១២.១០០ រៀល។ជាលទ្ធផលបានទៅលើ ក្រុមហ៊ុន ទុយ សោភ័ណ្ឌ ក្នុងតម្លៃ ៤៩.១០០.០០០រៀល។
ក្រោយបញ្ចប់គម្រោងនៃការដេញថ្លៃ ក្រុមហ៊ុនដែលទទួលបានការម៉ៅការគម្រោងផ្លូវខាងលើ បានធ្វើការប្ដេជ្ញាចិត្តដោយសន្យាថា ធ្វើឲ្យបានត្រឹមត្រូវស្របទៅតាមគំនូរប្លង់បច្ចេកទេស បទដ្ឋានគតិយុទ្ធនៃការសាងសង់ និងគោរពទៅតាមលក្ខណ្ឌដូចមាន ចែងនៅក្នុងកិច្ចសន្យា ៕
អត្ថបទ និងរូបភាព៖ លោក ធន់ ពូថេ
កែសម្រួល៖ លោក អ៊ុន ណារាជ្យ
