កាលពីថ្ងៃទី៤ ខែតុលា ឆ្នាំ២០២៣ម្សិលមិញនេះ លោក មួន សុភាព ប្រធានមន្ទីរវប្បធម៌ និងវិចិត្រសិល្បៈខេត្តសៀមរាប បានដឹកនាំក្រុមសិល្បៈចាប៉ីដងវែងខេត្តសៀមរាប ចំនួន ៣រូប ចូលរួមប្រឡងមហោស្រពចាប៉ីដងវែងទូទាំងប្រទេស ឆ្នាំ២០២៣ លើប្រធានបទ ” វប្បធម៌សន្តិភាព ” នៅរាជធានីភ្នំពេញ ដែលមានរយៈពេល ៣ថ្ងៃ គឺចាប់ផ្តើមពីថ្ងៃទី២ រហូតល់ថ្ងៃទី៤ ខែតុលា ឆ្នាំ២០២៣។
បន្ទាប់ពីការប្រកួតអស់រយៈពេល ៣ថ្ងៃកន្លងមក សិល្បៈករខេត្តសៀមរាបមួយរូប បានឈានទៅដល់វគ្គផ្ដាច់ព្រ័ត្រ ក្នុងនោះគឺលោក ណូន សុខ សិល្បករពិការភ្នែកទទួលបានពានរង្វាន់ជ័យលាភីលេខ១ ទូទាំងប្រទេស ហើយពីររូបទៀត គឺលោក ច្រឹក សេ និងលោក ឆុន តុលា ទទួលបានពានរង្វាន់កិត្តិយស។
សូមបញ្ជាក់ផងដែរថា សិល្បករចាប៉ីដងវែងដែលបានចូលរួមប្រឡងមហោស្រពចាប៉ីដងវែង ឆ្នាំ២០២៣ នេះសរុបចំនួន ១៧នាក់ មកពីបណ្ដារាជធានីខេត្ត ចំនួន ១០ ៕
អត្ថបទ៖ រដ្ឋបាលខេត្ត
