គម្រោងសាងសង់ផ្លូវបេតុងអាមេ ២ខ្សែរ ដែលជាគម្រោងមូលនិធិឃុំ មានឃុំពង្រក្រោម និងឃុំខ្វាវ ស្រុកជីក្រែង ខេត្តសៀមរាប ត្រូវបានប្រកាសបញ្ចប់ការដេញថ្លៃជាស្ថាពរនៅថ្ងៃទី២៧ ខែធ្នូ ឆ្នាំ២០២៣នេះ ដោយមានការចូលរួមពីអ្នកពាក់ព័ន្ធជាច្រើនរូប។
បើតាមលោក ជៀប សាន ប្រធានគណៈកម្មការលទ្ធកម្មឃុំពង្រក្រោម បានឲ្យដឹងថា សម្រាប់គម្រោងមូលនិធិឃុំពង្រក្រោម គឺបានដាក់ដេញថ្លៃគម្រោងសាងសង់ផ្លូវបេតុងអាមេ ១ខ្សែរ ប្រវែង៨៥មែត្រ ទទឹង ៥ម៉ែត្រ កម្រាសបេតុង០.១៥ម៉ែត្រ ដាក់លូការពារផ្លូវចំនួន៤កង់ មានទំហំមុខកាត់០.៨ម៉ែត្រ និងស្លាកសញ្ញាគម្រោងចំនួន១ ក្នុងតម្លៃប៉ាន់ស្មាន ៥៦.៧០៦.៣៩៥រៀល ដោយមានក្រុមហ៊ុនម៉ៅការដាក់សំណើរចំនួន ៤ក្រុមហ៊ុន។ ជាលទ្ធផលបានទៅលើក្រុម សួ វីរៈ ៩៩៩៩ ក្នុងតម្លៃ ៥៥.៩៥០.០០០រៀល។
ដោយឡែក ប្រធានគណៈកម្មការលទ្ធកម្មឃុំខ្វាវ លោក ធិន ភី ក៏បានឲ្យដឹងដែរថា សម្រាប់ឃុំខ្វាវ បានដាក់ដេញថ្លៃគម្រោងសាងសង់ផ្លូវបេតុងអាមេ ១ខ្សែរ ប្រវែង៧៥ម៉ែត្រ មានទទឹង ៦ម៉ែត្រ កម្រាស់បេតុង ០.១៥ម៉ែត្រ ដាក់លូការពារផ្លូវ៤កង់ ទំហំមុខកាត់០.៨ម៉ែត្រ និងស្លាកសញ្ញាគម្រោងចំនួន១ ក្នុងតម្លៃប៉ាន់ស្មាន ៥៩.៩៩៧.០១៦រៀល ដោយមានក្រុមហ៊ុនម៉ៅការដាក់សំណើរចំនួន ៤ក្រុមហ៊ុន។ ជាលទ្ធផលបានទៅលើក្រុម ម៉ូវ សៀកផៃ ក្នុងតម្លៃ ៥៩.៥០០.០០០រៀល។
ក្រោយពីបញ្ចប់ការដេញថ្លៃ តំណាងក្រុមហ៊ុនដែលទទួលបានការម៉ៅការទាបជាងគេចំពោះគម្រោងសាងាង់ផ្លូវទាំងពីរខាងលើ បានធ្វើការប្ដេជ្ញាចិត្តដោយសន្យាថា និងធ្វើឲ្យបានទាន់ពេលវេលា ត្រឹមត្រូវ ស្របទៅតាមគំនូរប្លង់បច្ចេកទេស បទដ្ឋានគតិយុទ្ធនៃការសាងសង់ ពិសេសគោរពទៅតាមលក្ខណ្ឌដូចមានចែងនៅក្នុងកិច្ចសន្យាផងដែរ៕
អត្ថបទ និងរូបភាព៖ លោក ស៊ន់ គីន
កែសម្រួល៖ លោក អ៊ុន ណារាជ្យ
