មជ្ឈមណ្ឌលវិទ្យាសាស្ត្រនិងវប្បធម៌រុស្ស៊ី នាំយកអំណោយ និងសម្ភារៈសិក្សាចែកជូនសិស្សានុសិស្សមានជីវភាពខ្វះខាត និងលោកគ្រូ អ្នកគ្រូស្ម័គ្រចិត្តក្នុងសង្កាត់ទឹកវិល ក្រុងសៀមរាប

ដោយមើលឃើញពីការខិតខំសិក្សារបស់ក្មួយៗដែលមានជីវភាពខ្វះខាត និងទឹកចិត្តរបស់លោកគ្រូ អ្នកគ្រូស្ម័គ្រចិត្ត ក្នុងសហគមន៍នៃសង្កាត់ទឹកវិល ក្រុងសៀមរាប នៅថ្ងៃទី២៨ ខែធ្នូ ឆ្នាំ២០២៣នេះ ក្រុមការងារមជ្ឈមណ្ឌលវិទ្យាសាស្ត្រ និងវប្បធម៌រុស្ស៊ី បាននាំយកអំណោយសប្បុរសធម៌ ជាស្បៀងអាហារ និងសម្ភារៈសិក្សាមួយចំនួន ចែកជូនដល់សាលាបណ្ដុះបណ្ដាលភាសាអង់គ្លេសសហគមន៍ (EECFC) ដើម្បីលើកទឹកចិត្តដល់សាលាសហគមន៍មួយនេះ បន្តបណ្ដុះបណ្ដាលកុមារតូចៗដែលខ្វះលទ្ធភាព ក៏ដូចជាចែករំលែកក្ដីស្រឡាញ់ដល់ពួកគាត់ក្នុងឱកាសបុណ្យឆ្លងឆ្នាំសកលនាពេលខាងមុខ។

តាមការឱ្យដឹងពី លោក តុង វាសនា គ្រូបង្រៀន នៃសាលាបណ្ដុះបណ្ដាលភាសាអង់គ្លេសសហគមន៍ (EECFC) បង្ហាញថា សាលាសហគមន៍នេះ ត្រូវបានបង្កើតឡើងតាំងពីឆ្នាំ២០០៩ ដោយពុំមានមូនិធិទ្រទ្រង់ ឬម្ចាស់ជំនួយផ្ដល់ថវិកានោះទេ។ លោកបន្តថា បច្ចុប្បន្នសាលារបស់លោកមានសិស្សកំពុងសិក្សាភាសាអង់គ្លេស និងបំប៉នភាសាខ្មែរ តាមកម្មវិធីសិក្សារបស់សាលារដ្ឋចាប់ពីថ្នាក់ទី២ រហូតដល់ថ្នាក់ទី៦ និងមានចំនួនសរុប ២៦០នាក់។ ទន្ទឹមនោះ សាលាមានលោកគ្រូ អ្នកគ្រូ ស្ម័គ្រចិត្តពីសាលារបស់រដ្ឋ សរុប ៩រូប ដែលបានឆ្លៀតពេល មកបង្រៀននៅទីនេះនៅពេលថ្ងៃត្រង់។ ចំពោះការទ្រទ្រង់សាលា គឺមួយផ្នែក ទទួលបានជំនួយពីមជ្ឈដ្ឋាន ដែលស្គាល់រូបលោក និងមួយផ្នែកទៀតតាមរយៈមិត្តភក្តិនៅបរទេស។ លោក ក៏បានបញ្ជាក់ផងដែរថា លោកពុំមានការផ្សព្វផ្សាយកៀងគរជំនួយ តាមបណ្ដាញសង្គមផ្សេងៗ ដើម្បីទ្រទ្រង់សាលាសហគមន៍នេះឡើយ។

លោកគ្រូ តុង វាសនា ក៏បានថ្លែងអំណរគុណដល់សប្បុរសជនកន្លងមក ជាពិសេសមជ្ឈមណ្ឌលវិទ្យាសាស្ត្រ និងវប្បធម៌រុស្ស៊ី សម្រាប់ការឧបត្ថម្ភនៅឆ្នាំទី២នេះ។

ព័ត៌មានជាតិ ថ្មីៗ

សាខាកាកបាទក្រហមកម្ពុជា ខេត្តសៀមរាប នាំយកអំណោយផ្ដល់ជូនក្រុមគ្រួសារយុទ្ធជនពលី នៅស្រុកប្រាសាទបាគង

30/11/2025

រដ្ឋបាលខេត្តសៀមរាប រៀបចំវេទិកាផ្សព្វផ្សាយ និងពិគ្រោះយោបល់នៅស្រុកស្រីស្នំ ដើម្បីស្វែងរកបញ្ហាប្រឈម និងដំណោះស្រាយជូនប្រជាពលរដ្ឋ

20/11/2025

ដឹកនាំក្រុមការងារនាឱកាសនោះ លោកស្រី Tsatsulina Irina នាយិកាមជ្ឈមណ្ឌល និងជាលេខាទី២ ស្ថានទូតរុស្ស៊ីប្រចាំប្រទេសកម្ពុជា បានឱ្យដឹងថា សកម្មភាពសប្បុរសធម៌បែបនេះ បានក្លាយជាប្រពៃណីមួយ ដែលមជ្ឈមណ្ឌលវិទ្យាសាស្ត្រ និងវប្បធម៌រុស្ស៊ីបានធ្វើ តាមខេត្តនានាដូចជា ខេត្តមណ្ឌលគីរី កំពង់ចាម ពោធិ៍សាត់ ក្រចេះ កោះកុង តាកែវ កំពង់ស្ពឺ ក្រុងភ្នំពេញ។ ការនាំយកសម្ភារៈសិក្សា ល្បែងលេង នំចំណី និងស្បៀងអាហារ ចែកដល់កុមារតូចៗនាពេលនេះ គឺជាការផ្ដល់សេចក្តីសប្បាយរីករាយដល់កុមារ និងមនុស្សគ្រប់រូប ក្នុងឱកាសបុណ្យចូលឆ្នាំថ្មី និងពិធីបុណ្យគ្រីស្មាស។ លោកស្រី បន្ថែមថា សម្រាប់ឆ្នាំ២០២៣នេះ មជ្ឈមណ្ឌលវិទ្យាសាស្ត្រ និងវប្បធម៌រុស្ស៊ី បាននាំយកអំណោយសប្បុរសធម៌ ទៅដល់សហគមន៍ខ្វះខាតក្នុងខេត្តចំនួន ៤រួមមាន សៀមរាប បាត់ដំបង ពោធិ៍សាត់ និងខេត្តកោះកុង។

សូមជម្រាបថា សម្រាប់ឆ្នាំសិក្សាថ្មី២០២៤-២០២៥ រដ្ឋាភិបាលរុស្ស៊ី នឹងផ្តល់អាហារូបករណ៍ចំនួន ៤០កន្លែងដល់និស្សិត មន្ត្រីរាជការ និងសាធារណជនខ្មែរ ចាប់ពីកម្រិតថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត ក្នុងនោះជំនាញសម្រាប់ជ្រើសរើសមានជាង៥០០ជំនាញ ដូចជាវេជ្ជសាស្ត្រ វិស្វកម្មយន្តហោះ ថាមពលនុយក្លេអ៊ែរ សំណង់ ស្ថាបត្យកម្ម សេដ្ឋកិច្ច បច្ចេកវិទ្យាព័ត៌មានវិទ្យា វិទ្យាសាស្ត្រនយោបាយ ទំនាក់ទំនងអន្តរជាតិ។ល។

អត្ថបទ និងរូបភាព៖ លោក សេង ផល្លី