នាយកប្រតិបត្តិ ក្រុមហ៊ុន STAR TIME ប្រទេសចិន ស្នើសុំធ្វើកិច្ចសហប្រតិបត្តិការជាមួយក្រសួងព័ត៌មាន កម្ពុជា ដើម្បីរៀបចំប្រព័ន្ធវិទ្យុ និងទូរទស្សន៍ឌីជីថល នៅប្រទេសកម្ពុជា ដោយផ្តោត ជាសំខាន់លើការងារអប់រំ ដល់ប្រជាជន។
ក្នុងជំនួបរវាង ឯកឧត្តម រដ្ឋមន្ត្រី ខៀវ កាញារីទ្ធ រដ្ឋមន្ត្រីក្រសួងព័ត៌មាន នៅព្រឹក ថ្ងៃទី០៩ ខែឧសភា ឆ្នាំ ២០១៩ លោក គួយ សួន (Giu Xun) នាយកប្រតិបត្តិ ក្រុមហ៊ុន STAR TIME កិច្ចសហប្រតិបត្តិការនេះ គឺដើម្បីលើកកម្ពស់ចំណេះដឹងដល់ប្រជាជនកម្ពុជាត។ ប្រព័ន្ធវិទ្យុ និងទូរទស្សន៍ឌីជីថលនេះ ក្រៅពីដើរតួនាទីជាសាលារៀនហើយ វាគឺអាចធ្វើជាកម្មវិធីយ៉ាងសំខាន់ ក្នុងការងារអប់រំក្រៅប្រព័ន្ធ ដោយធ្វើឲ្យអ្នកចេញពីសាលាហើយ អាចបន្តការរៀនសូត្របន្ថែមទៀតផងដែរ។
លោក នាយក ប្រតិបត្តិ ក្រុមហ៊ុន STAR TIME បានបញ្ជាក់ ដែរថា ការរៀបចំជាប្រព័ន្ធ វិទ្យុ និងទូរទស្សន៍ ឌីជីថល នឹង អាចឲ្យស្ថានីយ៍វិទ្យុ និងទូរទស្សន៍នៅកម្ពុជា កាន់តែមានគុណភាពល្អ ពង្រីកខ្លួនកាន់តែធំ បង្កើតការងារបាន កាន់តែច្រើនថែមទៀតផង ។
ព័ត៌មានជាតិ ថ្មីៗ
ឯកឧត្តម រដ្ឋមន្ត្រី ខៀវ កាញារីទ្ធ បានសម្ដែងការអរគុណចំពោះ គោលបំណង របស់ក្រុមហ៊ុម STAR TIME ដែល ចង់ធ្វើកិច្ចសហការជាមួយ ក្រសួងព័ត៌មាន លើការរៀបចំជាប្រព័ន្ធ វិទ្យុ និងទូរទស្សន៍ ឌីជីថល នៅក្នុង ប្រទេសកម្ពុជា ហើយសង្ឍឹមថាកិច្ចការងារ នឹងអាចដំណើរការទៅនាពេលខាង មុខឆាប់ៗនេះហើយទទួលបានជោគជ័យ ៕
អត្ថបទ និង រូបភាព៖ ក្រសួងព័ត៌មាន
