នៅព្រឹកថ្ងៃទី៧ ខែមិថុនា ឆ្នាំ២០១៩ នៅស្នាក់ការអាជ្ញាធរជាតិអប្សរា បានរៀបចំកិច្ចប្រជុំពិភាក្សាស្ដីពី ការរៀបចំកែលម្អសោភ័ណភាព និងសណ្ដាប់ធ្នាប់ការលក់ដូរនៅមុខប្រាសាទព្រះពិធូរ ដោយមានការចូលរួមពីមន្ត្រីពាក់ព័ន្ធនៃអាជ្ញាធរជាតិអប្សរា រួមនិងអ្នកជំនាញការអាដហុកនៃគណៈកម្មាធិការអាយស៊ីស៊ី-អង្គរ។
កិច្ចប្រជុំនេះដែរក៏បានពិភាក្សាលើផលប៉ះពាល់បណ្ដាលមកពីការលក់ដូរគ្មានសណ្ដាប់ធ្នាប់ ព្រោះទីតាំងលក់ដូរក្នុងពេលបច្ចុប្បន្ន បានធ្វើឱ្យប៉ះពាល់ធ្ងន់ធ្ងរដល់តម្លៃនិងសោភ័ណភាពរបស់ប្រាសាទព្រះពិធូរ និង បានស្វែងរកដំណោះស្រាយសមស្របផ្សេងៗនាពេលខាងមុខ ដើម្បីធ្វើយ៉ាងណាឱ្យតំបន់នោះមានសោភ័ណភាព របៀបរៀបរយឡើងវិញ។
សូមបញ្ជាក់ដែរថា ដើម្បីអនុវត្តន៍ការងារនេះ អាជ្ញាធរជាតិអប្សរាបានបង្កើតក្រុមការងារជំនាញរួចហើយ ដែលក្រុមការងារនេះកំពុងធ្វើការយ៉ាងខ្ជាប់ខ្ជួន ស្វែងរកដំណោះស្រាយសមស្របអំពីបញ្ហាខាងលើ៕
អត្ថបទ និងរូបភាព ៖ម៉ាត់ អារីហ្វិន
កែសម្រួល ៖ អ៊ុន ណារាជ្យ
