ប្រធានាធិបតីអាម៉េរិកលោក ដូណាល់ ត្រាំ (Donald Trump) បាននិយាយនៅក្នុងបទសម្ភាសន៍មួយជាមួយសារព័ត៌មាន Fox News ដែលបានផ្សាយកាលពីថ្ងៃទី០១ ខែកក្កដានេះថា ទីក្រុងវ៉ាស៊ីងតោននឹងបន្សល់ទុកនូវវត្តមានស៊ើបការណ៍សម្ងាត់ដ៏រឹងមាំមួយនៅក្នុងប្រទេសអាហ្វហ្គានីស្ថានបើទោះបីជាកងទ័ពអាម៉េរិកបានចាកចេញដោយដាក់ឈ្មោះប្រទេសមួយនេះថា ជា « Harvard សម្រាប់ក្រុមភេរវជន » ។
លោក Trump បានថ្លែងថា «យើងនឹងរក្សាទុកក្រុមស៊ើបការសម្ងាត់យ៉ាងរឹងមាំនៅទីនោះ ជាជាងអ្វីដែលអ្នកគិតធម្មតាៗ… វាហាក់ដូចជាបន្ទប់ពិសោធន៍មួយសម្រាប់ភេរវករ … ដោយខ្ញុំហៅវាថា ជា « Harvard សម្រាប់ក្រុមភេរវជន » ។
ព័ត៌មាននេះបានកើតឡើងចំពេលដែលកិច្ចចរចាសន្តិភាពតាលីបង់-អាម៉េរិក កំពុងបន្តចូលដល់ថ្ងៃទីបីរបស់ពួកគេ នៅក្នុងរដ្ឋធានីដូហា របស់ប្រទេសកាតា ។ សហរដ្ឋអាមេរិកបាននិយាយថា ខ្លួនស្វែងរកកិច្ចព្រមព្រៀងដ៏ទូលំទូលាយមួយ ដែលរួមបញ្ចូលទាំងបទឈប់បាញ់គ្នាជាអចិន្ត្រៃយ៍ និងកិច្ចចរចានៅក្នុងប្រទេសអាហ្វហ្គានីស្ថាន។ ពួកតាលីបង់បាននិយាយថា ពួកគេមិនចង់ពិភាក្សាអំពីកិច្ចចរចាគ្នាពីផ្ទៃក្នុងអាហ្វហ្គានីស្ថាន និងបទឈប់បាញ់គ្នាជាមួយសហរដ្ឋអាមេរិកនោះទេ។
ពួកតាលីបាន និងសហរដ្ឋអាមេរិកកំពុងព្យាយាមឈានដល់កិច្ចព្រមព្រៀងសន្តិភាពមួយដែលនឹងរាប់បញ្ចូលទាំងការដកកងទ័ពបរទេសពីអាហ្វហ្គានីស្ថាន នឹងការធានាពីពួកតាលីបង់ដែលថា ប្រទេសនេះ នឹងមិនត្រូវបានប្រើជាកន្លែងសុវត្ថិភាពសម្រាប់ក្រុមភេរវជនទេ។
ទន្ទឹមនឹងនេះដែរបេសកកម្មគាំទ្រការដោះស្រាយរបស់ណាតូ(NATO) ដែលមានបំណងផ្តល់ការ បណ្តុះបណ្តាល និងជំនួយដល់កងកម្លាំងសន្តិសុខអាហ្វហ្គានីស្ថាន ដែលបន្តប្រយុទ្ធប្រឆាំងក្រុមឧទ្ទាម នឹងភេរវករដែលកំពុងប្រតិបត្តិការនៅក្នុងប្រទេសនេះ ដោយបន្តគាំទ្រដល់ទីក្រុងកាប៊ុល។
បុគ្គលិកយោធាប្រហែល ១៧.០០០នាក់ មកពីប្រទេសជាសមាជិកណាតូចំនួន ៣៩ កំពុងស្ថិតនៅក្នុងប្រទេសអាហ្វហ្គានីស្ថានធ្វើជាផ្នែកមួយនៃបេសកកម្មនេះ។
កាលពីខែមិថុនា កន្លងទៅនេះ លោក Trump បានសន្យាក្នុងបទសម្ភាសន៍មួយជាមួយទស្សនាវដ្តី Time ថា សហរដ្ឋអាមេរិកនឹងមើលឃើញការបំពេញបេសកកម្មកងទ័ពរបស់ខ្លួននៅអាហ្វហ្កានីស្ថានឱ្យបានចំនួនដល់ពាក់កណ្តាលនូវទាហានប្រមាណ៨ពាន់នាក់។
ប្រទេសអាហ្វហ្គានីស្ថានបានទទួលរងនូវអស្ថេរភាពខាងសន្តិសុខ។ រដ្ឋាភិបាលបាននឹងកំពុងប្រយុទ្ធប្រឆាំងនឹងពួកតាលីបង់ ដែលបានធ្វើសង្គ្រាមប្រឆាំងនឹងទីក្រុងកាប៊ុលអស់រយៈពេលជិតពីរទសវត្សរ៍មកហើយមានដូចជាក្រុមភេរវជនDaeshដែលត្រូវបានគេរាយការណ៍ថា កំពុងប្រតិបត្តិការនៅអាហ្វហ្គានីស្ថានតាំងពីឆ្នាំ២០១៥មក ។
ពួកតាលីបង់(Taliban) និងDaesh (IS, ISIS, ISIL) គឺជាក្រុមភេរវករដែលគេបានហាមប្រាមនៅក្នុងប្រទេសរុស្ស៊ី និងប្រទេសជាច្រើនទៀត៕
( ប្រភព Sputnik: បកប្រែដោយលោក មាស សំអុល )
