វត្ថុចម្លែក ឬវត្ថុមិនស្គាល់អត្តសញ្ញាណ ត្រូវបានកងយោធារបស់កូរ៉េខាងត្បូងបានប្រទះឃើញ កាលពីថ្ងៃចន្ទ លើផ្នែកកណ្តាលនៃតំបន់គ្មានយោធាដែលបែងចែកកូរ៉េទាំងពីរ គឺមួយថ្ងៃ បន្ទាប់ពីជំនួបលោកប្រធានាធិបតីអាមេរិក ដូណាល់ ត្រាំ និងមេដឹកនាំកូរ៉េខាងជើង លោក គីម ជុងអ៊ុន។
មេបញ្ជាការកងទ័ពរបស់កូរ៉េខាងត្បូង បាននិយាយថាបន្ទាប់ពីរ៉ាដារបស់ខ្លួនបានរកឃើញនូវ “ការហោះហើរ របស់វត្ថុដែលគេមិនស្គាល់អត្តសញ្ញាណ” កាលពីថ្ងៃចន្ទ លើផ្នែកកណ្តាលនៃតំបន់គ្មានយោធាដែលបែងចែកកូរ៉េទាំងពី កងទ័ពកូរ៉េខាងត្បូង បានបញ្ជូនយន្ដហោះចម្បាំង និងឧទ្ធម្ភាគចក្រ ដើម្បីជាការឆ្លើយតប ខណៈពួកគេយល់ថាអាចវាជាឧទ្ធម្ភាគចក្រ របស់ប្រទេសកូរ៉េខាងជើង ដែលឆ្លងកាត់ព្រំដែន ចូលទៅក្នុងប្រទេសកូរ៉េខាងត្បូង។
មេបញ្ជាការដដែលនោះ បាននិយាយថា ការបញ្ជូនកងទ័ពនេះ គឺគ្រាន់តែជាការដាក់ពង្រាយកម្លាំង ដើម្បីត្រួតពិនិត្យដែលមិនស្គាល់អត្តសញ្ញាណរបស់កូរ៉េខាងត្បូងតែប៉ុណ្ណោះ ពុំមានបំណងណាផ្សេងឡើយ។ តែជាចុងក្រោយ ពួកយើង បានរកឃើញថា វាគឺជាហ្វូងសត្វបក្សី ហើរឆ្លងកាត់ព្រំដែនពីភាគខាងជើងទៅភាគខាងត្បូងតែប៉ុណ្ណោះ។
ប្រភព៖ www.stripes.com
ប្រែសម្រួលដោយ៖ លោក សេង ផល្លី
