អង្គសន្និសីទស្តីពី កសិកម្មនិរន្តរភាពនៅប្រទេសកម្ពុជា ចំណេះដឹងបច្ចុប្បន្ន ការអនុវត្តន៍ និងតម្រូវការអនាគត ធ្វើការពិភាក្សា ដោយផ្តោតយ៉ាងសំខាន់ទៅលើសារធាតុថ្នាំពុលកសិកម្ម ដែលផ្ដល់ផលប៉ះពាល់ដល់សុខភាព មនុស្ស សត្វ និង រុក្ខជាតិ។
នាព្រឹកថ្ងៃទី ២៩ ខែ សីហា ឆ្នាំ២០១៨ តាមការបញ្ជាក់របស់លោកបណ្ឌិត ស្រ៊ាន ពៅ ព្រឹទ្ធបុរស នៃមហាវិទ្យាល័យកសិកម្ម និង កែច្នៃអាហារ នៃសាកលវិទ្យាល័យ បាត់ដំបង បានមានប្រសាសន៍ថា អង្គសន្និសីទនេះ បានបើកធ្វើកិច្ចពិភាក្សា ស្តីពីផលប៉ះពាល់ធាតុគីមី ដោយមានក្រុមវាគ្មិនជំនាញ ចំនួន៤រូប រួមមាន៖
1. លោកបណ្ឌិត អេលេណា គុជ អ្នកស្រាវជ្រាវ នៃ សាកលវិទ្យាល័យជីរ៉ូណា នៃប្រទេសអេស្ប៉ាញ ,
2. លោកស្រីបណ្ឌិត បុប ម៉ាទិន អ្នកស្រាវជ្រាវ នៃសាកលវិទ្យាល័យស៊ីដនី នៃប្រទេស អូស្ត្រាលី
3. លោកបណ្ឌិត ម៉ៃឃិល អេដឺស្តុន អ្នកស្រាវជ្រាវនៃសាកលវិទ្យាល័យ អេតដិនបីជ នៃចក្រភពអង់គ្លេស
4. និង លោក បណ្ឌិត ដេវិត អាដែ អ្នកស្រាវជ្រាវនៃសាកលវិទ្យាល័យ ថើនណាស៊ី នៃសហរដ្ឋអាមេរិក
បន្ទាប់ពី អង្គសន្និសីទទាំងមូលបានប្រព្រឹត្តទៅរយៈពេល២ថ្ងៃកន្លងមកនេះ ពួកយើងបានធ្វើការផ្លាស់ប្តូរនូវចំណេះដឹង បទពិសោធន៍ពីគ្នាទៅវិញទៅមក តាមការបង្ហាញរបស់សាកលវិទ្យាល័យនិមួយៗ ដែលធ្វើឲ្យយើងទទួលបាន និង រកឃើញនូវចំណុចមួយចំនួន ដើម្បីលើកយកមកធ្វើកិច្ចពិភាក្សាពេលនេះ។
លោកបានបន្តទៀតថា អង្គពិភាក្សានេះ ក៏ជាការបង្ហាញអំពី ផលប៉ះពាល់នៃសារធាតុគីមី ដោយបានផ្តោតយ៉ាងសំខាន់លើសារធាតុថ្នាំពុលកសិកម្ម ដែលធ្វើឲ្យប៉ះពាល់ដល់សុខភាព មនុស្ស សត្វ និង រុក្ខជាតិ ម្យ៉ាងទៀតបញ្ហាការប្រើប្រាស់ថ្នាំពុលកសិកម្ម របស់ប្រជាកសិកយើងនៅកម្ពុជា នៅមិនទាន់ប្រើប្រាស់ទៅតាមបច្ចេកទេស និង ការណែនាំរបស់ក្រសួងឡើយ ដែលវាធ្វើឲ្យប៉ះពាល់ដល់សុខភាពមនុស្ស សត្វ និងខូចគុណភាពដីបង្កបង្កើនផល មួយវិញទៀតវានឹងអាចបំផ្លាញ ដល់ពូជត្រីនៅតាម បឹង ព្រែក ស្ទឹង ទន្លេជាដើម ។
ព័ត៌មានជាតិ ថ្មីៗ
បន្ទាប់ពីកិច្ចពិភាក្សា ក្រុមវាគ្មិន ក៏បានលើកឡើង នូវចំណុចមួយចំនួន ដែលស្ថាប័នពាក់ព័ន្ធ ត្រូវមានការយកចិត្តទុកដាក់ ដូចជាផ្សព្វផ្សាយបន្ថែមដល់ប្រជាពលរដ្ឋរស់នៅតំបន់ជនបទ យល់ដឹងពីផលប៉ះពាល់ នៃការថ្នាំពុលកសិកម្ម មិនត្រឹមត្រូវទៅតាមបច្ចេកទេស និងលើកទឹកចិត្តឲ្យពួកគាត់ ចូលរួមដោយផ្ទាល់ ឬ ប្រយោល ក្នុងការអនុវត្តគោលការណ៍បច្ចេកទេសកសិកម្មពីគ្រូបង្គោល និងបង្កើនចំនួនកសិករគំរូ ដើម្បីឲ្យពួកគាត់ជួយដល់កសិករដទៃ នៅពេលពួកគាត់មានបញ្ហាភ្លាមៗ ចៀសវាងខូចខាតផលដំណាំកាន់តែធ្ងន់ធ្ង
អត្ថបទ និង រូបថត ៖ លោក គឿនវេត
កែសម្រួលអត្ថបទ ៖ លោក សេង ផល្លី
