ទីភ្នាក់ងារសារព័ត៌មានបារាំង (AFP) បានរាយការណ៍ថា ក្រសួងការបរទេសរបស់សហរដ្ឋអាមេរិក (DoS) បានសម្តែងការព្រួយបារម្ភចំពោះរបាយការណ៍ដែលថា ប្រទេសចិនកំពុងរារាំងសកម្មភាពរុករកប្រេង និងឧស្ម័នរបស់ប្រទេសដទៃទៀតនៅសមុទ្រខាងកើត ហើយបាននិយាយថា សកម្មភាពទាំងនោះ គឺជាការគំរាមកំហែងដល់សន្តិភាព និងសន្តិសុខក្នុងតំបន់។
អ្នកនាំពាក្យរបស់ ក្រសួងការបរទេសរបស់សហរដ្ឋអាមេរិក (DoS) លោកស្រី ម៉រហ្គេន អរថេហ្គឺស (Morgan Ortagus) បាននិយាយនៅក្នុងសេចក្តីថ្លែងការណ៍មួយកាលពីថ្ងៃទី២០ ខែកក្កដានេះថា ការទាមទាររបស់ចិន នឹងការធ្វើសមយុទ្ធយោធាលើសមរភូមិនៅសមុទ្រខាងកើត រួមជាមួយសកម្មភាពដទៃទៀត ដើម្បីបង្ហាញពីការទាមទារគ្រប់គ្រងដែនសមុទ្រនៅសមុទ្រខាងកើត វាគឺជារឿងមិនស្របច្បាប់ ហើយរួមទាំងការប្រើកងជីវពលដែនសមុទ្រ ដើម្បីបំភិតបំភ័យ និងគំរាមកំហែងដល់ប្រទេសដទៃទៀត វាបានធ្វើឱ្យអន្តរាយដល់សន្តិភាព និងសន្តិសុខក្នុងតំបន់។ ជាមួយគ្នានោះ តាមរយៈការរារាំងការអភិវឌ្ឍនៅសមុទ្រខាងកើតនេះ ប្រទេសចិនបានរារាំងសមាជិកអាស៊ានមិនឱ្យប្រើប្រាស់ ប្រាក់បម្រុងថាមពល ដែលមានចំនួនជាង ២.៥ទ្រីលានដុល្លារអាមេរិក។
លោកស្រីបាននិយាយបន្ថែមថា សកម្មភាពទាំងនេះរបស់ប្រទេសចិន គឺជាការរំខាន ជាពិសេសការស្រាវជ្រាវរុករកប្រេង និងឧស្ម័នរបស់វៀតណាម៕
(ប្រភព VNA បកប្រែដោយលោក យា ចិន្តាខន្តី)
