ឥណ្ឌាបានបាញ់បង្ហោះផ្កាយរណប Moon Mission-2 ឬ Chandrayaan-2 ដោយជោគជ័យ កាលពីថ្ងៃចន្ទម្សិលមិញនេះ ដែលត្រូវបានគេពន្យារពេលកាលពីថ្ងៃទី១៥ ខែកក្កដា ដោយសារតែមានបញ្ហាបច្ចេកទេស។
គ្រាប់រ៉ុក្កែត «GSLV-Mk-III » ដែលដឹកអាកាសយានិក លោក Vikram និងលោក Pragyaan និងបានហោះចេញនៅម៉ោង ១៤:៤៣នាទី ម៉ោងនៅប្រទេសឥណ្ឌា ចេញពីមជ្ឈមណ្ឌលអវកាស Satish Dhawan ឈូងសមុទ្រ Bengal ស្ថិតនៅក្នុងរដ្ឋ Andhra Pradesh ភាគខាងត្បូង នៃប្រទេសឥណ្ឌា។
The Lander និង the Rover ត្រូវបានគេរំពឹងថា នឹងចុះចតនៅជិតប៉ូលខាងត្បូង នៅដើម ខែកញ្ញា ដែលជាយានអវកាសដំបូងគេដែលមិនធ្លាប់ចុះចតនៅតំបន់នោះ។
ប្រសិនបើប្រតិបត្កិការនេះទទួលបានជោគជ័យ ប្រទេសឥណ្ឌានឹងក្លាយជាប្រទេសទីបួន បន្ទាប់ ពីសហរដ្ឋអាមេរិក រុស្ស៊ី និង ចិន ដែលមានសមត្ថភាពធ្វើការចុះចតនៅលើផ្នែកទន់នៃផ្ទៃព្រះចន្ទ។
ការបាញ់បង្ហោះផ្កាយរណបនេះ បានចំណាយទឹកប្រាក់រហូតដល់ ១៥០លានដុល្លារ និងមានគោលបំណងប្រមូលទិន្នន័យអំពី ទឹក រ៉ែ និងទ្រង់ទ្រាយថ្មនៅលើផ្ទៃមេឃ៕
(ប្រភព ស៊ីនហួ: បកប្រែដោយលោក មាស សំអុល)
