យោងតាមក្រសួងព័ត៌មានរបស់ប្រទេសមីយ៉ាន់ម៉ាបានឱ្យដឹងថា យ៉ាងហោចណាស់ មនុស្ស ៤នាក់បានស្លាប់ និង ៣៥នាក់ផ្សេងទៀត បានបាត់ខ្លួននៅពេលនាវា ២គ្រឿងបានលិចនៅក្នុងទន្លេ អាយេយ៉ាវាឌី (Ayeyarwady) ក្នុងតំបន់ មេកវ៉េ(Magway) ភាគកណ្តាលប្រទេសមីយ៉ាន់ម៉ា។
ទីភ្នាក់ងារសារព័ត៌មានស៊ីនហួ បានដកស្រង់ប្រភពរបស់ក្រសួងនៃប្រទេសមីយ៉ាន់ម៉ាថា មានមនុស្សប្រមាណ ១៥០នាក់ មកពីភូមិ ផាយឃ្យុង (Phayekyun) បានឡើងនាវាដឹកទំនិញចំនួនពីរគ្រឿង ដើម្បីធ្វើដំណើរទៅកាន់ភូមិ ខាន់ថា(Kanthar) កាលពីថ្ងៃទី២៣ ខែកក្កដា។ នាវាទាំងពីរនោះបានក្រឡាប់ ខណៈដែលអ្នកភូមិបានព្យាយាមដកថយក្នុងអំឡុងពេលធ្វើកការប្រយុទ្ធដោយអាវុធ។
សាកសពមនុស្ស ៤នាក់ ដែលរួមមានស្ត្រី ២នាក់ ត្រូវបានរកឃើញស្រង់ឡើងពីទឹកវិញ ហើយអ្នកផ្សេងទៀតនៅតែបាត់ខ្លួននៅឡើយ។ ប្រតិបត្ដិការស្វែងរក នឹងជួយសង្គ្រោះ កំពុងបន្ត ដើម្បីអ្នកដែលបាត់ខ្លួនក្នុងករណីលិចនាវានេះ៕
(ប្រភព VNA បកប្រែដោយលោក យា ចិន្តាខន្តី)
កែសម្រួលដោយ សេង ផល្លី
