តាមប្រភពទីភ្នាក់ងារព័ត៌មានយ៉ុនហាប របស់កូរ៉េខាងត្បូង រាយការណ៍ថា កូរ៉េខាងជើងបានបាញ់គ្រាប់មីស៊ីល ដែលគេមិនស្គាល់អត្តសញ្ញាណចំនួន២គ្រាប់ ចេញមូលដ្ឋានមួយ ក្បែរទីក្រុង Wonsan ដែលជាតំបន់ឆ្នេរសមុទ្រភាគខាងកើត របស់ខ្លួន។
តាមការឲ្យដឹងពី អគ្គសេនាធិការចំរុះ ប្រទេសកូរ៉េខាងត្បូង ហៅកាត់ថា JCS បានឱ្យដឹងថា កូរ៉េខាងជើងបានបាញ់គ្រាប់មីស៊ីលនោះនៅម៉ោងប្រមាណ ៥ ព្រឹកម៉ោងក្នុងស្រុក កាលពីថ្ងៃព្រហស្បតិ៍នេះ ហើយមួយគ្រាប់ទៀតនៅម៉ោងជិត ៦ព្រឹកចេញពីតំបន់ Wonsan ហើយគ្រាប់មីស៊ីលទាំង២ គ្រាប់នេះ ហោះបានចម្ងាយប្រហែល ៤៣០គីឡូម៉ែត្រ។
JCS បានឱ្យដឹងទៀតថា យោធារបស់ខ្លួនកំពុងត្រួតពិនិត្យមើលស្ថានការណ៍នេះ ក្នុងករណីមានការ បាញ់បន្ថែមទៀត ពួកគេបានរក្សានូវគោលជំហរត្រៀមខ្លួនមួយរួចរាល់ហើយ ។
JCS បាននិយាយបន្ថែមថា អាជ្ញាធរចារកម្មកូរ៉េខាងត្បូង និង សហរដ្ឋអាមេរិច កំពុងធ្វើការវិភាគទៅលើគ្រាប់ដែលកូរ៉េខាងជើងបានបាញ់នោះ តើវាជាប្រភេទមីស៊ីលអ្វី ៕
( ប្រភព ស៊ីនហួ បកប្រែដោយលោក ប៉ិន មឿន )
